Выставы сярэднявечных броняў і зброі ў Менску праходзяць не часта, але ўсё жа здараюцца. Іх экспанаты (рыцарскія панцыры, кірасы, мячы, арбалеты ды іншае) зробленыя не старымі майстрамі-збройнікамі, а іх сучаснымі паслядоўнікамі. Прадстаўленыя на гэтых выставах броні і зброя, не раз пабывалі ў "бітвах", якія ўладкоўваюць прыхільнікі рыцарскіх традицый у розных месцах Беларусі і за яе межамі, так што знешне яны практычна не адрозніваюцца ад тых, што складаюць калекцыі гістарычных музеяў, але ў адрозненні ад экспанатаў музейных, да ўсяго тут можна не толькі дакрануцца або патрымаць у руках, але нават прымерыць, адчуўшы сябе на імгненне сярэднявечным рыцарам.
Здымкі, што вы бачыце на гэтай старонке, былі зробленыя ў 2002 годзе на выставе "Рыцары Вялікага княства", што адбылася ў памяшканні ліцэя Беларускага Дзяржаўнага ўніверсітэта і была наладжаная рыцарскім клубам "Княжы гуф".
__________
