У Магілеве арыштавалі “жыгулі” з нумарамі не існуючае “дзяржавы”

"Не!" — маскалёўскае заразе на Беларусі!



Што робіць у Беларусі аўта з нумарамі “лнр”

Магілёўскія актывісты АГП патрабуюць тлумачэньняў, як машына з тэрыторыі, якая кантралюецца бандфармаваньнямі, трапіла ў Беларусь.

 

Актывісты Абʼяднанай грамадзянскай партыі ўзяліся высьветліць, якім чынам машына з нумарнымі знакамі непрызнанай “Лугандонскай Народнай Рэспублікі” трапіла ў Беларусь і бесьперашкодна разьяжджае па Магілёве. Партыйцы лічаць, што міліцыя бязьдзейнічае.

 

Магілёўская абласная рада партыі папрасіла кіраўніцтва ўпраўленьня ўнутраных справаў аблвыканкаму патлумачыць , што робяць праваахоўныя органы, каб не дапускаць на тэрыторыю Беларусі транспартных сродкаў, якія пагражаюць бясьпецы грамадзян.

 

“Выклікае зьдзіўленьне, як у нашу краіну трапляюць і свабодна перасоўваюцца аўтамабілі зь незаконнымі нумарнымі знакамі з тэрыторыі, кантраляванай бандфармаваньнямі, дзе ў абароце вялікая колькасьць зброі”, — гаворыцца ў лісьце актывістаў АГП кіраўніцтву магілёўскай міліцыі.

 

Актывісты пішуць, што машыны з нумарамі гэтак званай “Лугандонскай Народнай Рэспублікі” бачылі і ў іншых местах Беларусі. Спасылаюцца пры гэтым на зьвесткі з сацыяльных сетак.

 

Фатаздымак з нумарамі “лнр” на старым аўтамабілі ВАЗ 3 ліпеня разьмясьціў у Facebook старшыня абласной арганізацыі Абʼяднанай грамадзянскай партыі Ўладзімер Шанцаў. “Цікава, як прапусьцілі „жыгуль“ зь няіснай краіны празь мяжу”, — пракамэнтаваў партыец фатаздымак, які яму даслалі знаёмыя.

 

Шанцаў запэўнівае, што фатаздымак не падроблены. Машына сфатаграфаваная на адной з цэнтральных магістраляў места — вуліцы Піянэрскай, за трыста мэтраў ад абласной управы КДБ.

 

— Без сумневу, знаходжаньне ў Беларусі машыны з нумарамі ЛНР незаконнае, — выказаў сваё меркаваньне “Свабодзе” Ўладзімер Шанцаў. — Калі такая машына здолела трапіць у Беларусь з Луганскай вобласьці, якую кантралююць фактычна бандфармаваньні, то можна толькі здагадвацца, што яшчэ можа зьявіцца ў нашай краіне з тэрыторыі, дзе не сунімаецца вайна.

 

Атрымаць камэнтар наконт машыны з нумарамі “лнр” у магілёўскай ДАІ не ўдалося. Там сказалі, што такога аўтамабіля ня бачылі.

 

“Радыё Свабода”, 6 ліпеня 2017 р.

 

 

 

Па Магілёве ездзяць “жыгулі” з нумарамі “лнр”

 

Дзіўна, як аўто прапусцілі праз мяжу.

 

Здымак апублікаваў у Фэйсбуку актывіст з Магілёва Уладзімір Шанцаў.

 

“А вось “жыгулі” з нумарнымі знакамі няіснай краіны (сталіца Луганск), фланіруе па Магілёву. Цікава, як прапусцілі праз мяжу?” - задаецца пытаннем беларус.

 

“Хартыя’97”, 3 ліпеня 2017 р.

 

 

У Магілёве арыштавалі аўтамабіль з нумарамі “лнр”

 

Зялёная “капейка” ўжо больш за месяц знаходзіцца на штрафстаянцы.

 

Пра гэта ў Фэйсбуку напісаў магілёўскі актывіст Уладзімір Шанцаў:

 

“Гісторыя са з’яўленнем у Магілёве “капейкі” з нумарнымі знакамі няіснай “луганскай народнай рэспублікі” атрымала нечаканае прадаўжэнне.

 

Як мне растлумачылі ў ДАІ Кастрычніцкага раёна Магілёва, гэта аўто ўжо больш за месяц на штрафстаянцы, матэрыялы для праверкі (нумар кузава, нумар рухавіка і г.д.) адпраўленыя ў кампетэнтныя органы Украіны”.

 

Нагадваем, што ў адпаведнасці з пунктам 14 Правілаў дарожнага руху Рэспублікі Беларусь, замежныя грамадзяне і асобы без грамадзянства, якія часова знаходзяцца або часова пражываюць у Рэспубліцы Беларусь, пры кіраванні механічным транспартным сродкам абавязаны мець:

 

• нацыянальнае пасведчанне кіроўцы, якое адпавядае патрабаванням Канвенцыі аб дарожным руху, падпісанай у м. Вене 8 лістапада 1968 року, а ў выпадку неадпаведнасці патрабаванням гэтай Канвенцыі — нацыянальнае пасведчанне кіроўцы з завераным перакладам на адну з дзяржаўных моў Рэспублікі Беларусь;

 

• дакумент, які пацвярджае ўкладанне дамовы абавязковага страхавання грамадзянскай адказнасці ўладальніка транспартнага сродку (дамова памежнага страхавання альбо сапраўдная на тэрыторыі Рэспублікі Беларусь дамова страхавання “Зялёная карта”);

 

• дазвол органа сувязі на выкарыстанне сродкаў радыё- і спадарожнікавай сувязі пры іх наяўнасці на транспартным сродку ў выпадках, прадугледжаных заканадаўствам;

 

• пасведчанне аб рэгістрацыі транспартнага сродку, якое адпавядае патрабаванням Канвенцыі; — на транспартным сродку рэгістрацыйныя знакі, выдадзеныя кампетэнтным органам дзяржавы, у якой яно зарэгістраванае.

 

З гэтага вынікае, што дакументы і нумарныя знакі, выдадзеныя неіснай арганізацыяй, у нашай краіне несапраўдныя.

 

Узнікае пытанне, а як жа быць простым грамадзянам акупаванай тэрыторыі Украіны? Адказ просты. Усе прэтэнзіі да акупантаў і да тых, хто гэтыя “дакументы” выдаў. А тым, хто заехаў з у Беларусь праз Масковію з паперкамі, раім неадкладна змывацца адсюль, і пажадаем пры гэтым не трапляцца “гаявым”.

 

Да таго ж асобныя раёны Данецкай і Луганскай абласцей, або АРДЛА (паводле афіцыйнай тэрміналогіі), перанасычаныя няўлічанай зброяй і адціснутымі аўтамабілямі, і нам лішнія праблемы не патрэбныя.

 

“Хартыя’97”, 13 жніўня 2017 р.

 



Обновлен 20 окт 2017. Создан 13 авг 2017



  Комментарии       
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником

Flag Counter