Выбары скончаныя. Стыхійны супраціў, ці — рэвалюцыя?.. (Частка 5. Мінула 100 дзён новае нацыі)

Тэрор не спыняецца: бандыты-лукашысты ўчынілі гэнацыд беларускага народу



Беларусь прыпыняе дыялёг з Эўразьвязам па правах чалавека


Беларусь прыпыняе дыялёг зь Эўразьвязам па правах чалавека. Пра гэта заявіў у аўторак міністар замежных спраў Ўладзімір Макей па выніках нарады ў Лукашкі ў пытаньнях зьнешняй палітыкі, паведамляе ТАСС са спасылкай на газэту "СБ. Беларусь сегодня".

Макей сказаў, што падчас нарады ў Лукашкі было прынятае рашэньне прыпыніць працу Каардынацыйнай групы Беларусь — ЭЗ, у рамках якой абмяркоўваліся ў тым ліку пытаньні ўзаемадзеяньня ў сфэры абароны правоў чалавека.

— Мы ніколі не адмаўляліся ад абмеркаваньня значных пытаньняў, — цытуе газэта Макея. — Але сёньня мы бачым, што гэтыя пытаньні абсалютна палітызаваныя. Таму мы ня бачым сэнсу ў тым, каб працягваць з ЭЗ дыялёг па правах чалавека. Мы прыпыняем гэты дыялёг.

 


У Новую Баравую вярнулі ацяпленьне, а вады няма ўжо трэці дзень.
Цяпер прамываюць трубы і правяраюць якасьць вады


Без вады застаюцца каля 10 тысяч чалавек, ацяпленьне таксама адключаюць нібыта з прычыны аварыі.

"Менскводаканал" пачаў прафіляктычныя работы ў менскім мікрараёне Новая Баравая перад запускам адноўленай сыстэмы водазабесьпячэньня, паведаміла агенцтва БелТА са спасылкай на прадстаўнікоў прадпрыемства.

— Аднаўленчыя работы на сетках водазабесьпячэньня выкананыя. У адпаведнасьці з рэгламэнтамі "Менскводаканал" прыступіў да прафіляктычных работ перад запускам сыстэмы водазабесьпячэньня Новай Баравой, — расказалі на прадпрыемстве.

Там дадалі, што ў поўным аб'ёме водазабесьпячэньне адновяць пасьля атрыманьня станоўчых вынікаў лябараторнай праверкі якасьці вады, дадалі там. Канкрэтных тэрмінаў не называюць.
У раёне Новая Баравая з раніцы 15 лістапада адсутнічае халоднае і гарачае водазабесьпячэньне.

"Менскводаканал" лічыць, што праблемы з вадой у Новай Баравой могуць быць ад наўмыснага пашкоджаньня сыстэмы водазабесьпячэньня.

"З мэтай максымальна хуткага выяўленьня прычын аварыі прадпрыемствам праведзена абсьледаваньне сетак. Выяўлены няспраўнасьці запорнай арматуры, у тым ліку разглядаецца варыянт наўмыснага пашкоджаньня", — гаварылася ў паведамленьні "Менскводаканалу" ў панядзелак.

Для жыхароў мікрараёну валянтэры арганізавалі падвоз пітной вады.

Паводле нашага карэспандэнта, цэнтралізаванай вады ў Новай Баравой па-ранейшаму няма, людзі стаяць у чарзе ля цыстэрнаў.

Спэцыялісты "Менскводаканалу" кажуць, што прычыну дагэтуль не знайшлі, цяпер яны прамываюць сыстэму.

У Новую Баравую вярнулі ацяпленьне

Кампанія "А-100 Камфорт", якая абслугоўвае раён, паведаміла пра вяртаньне ацяпленьня. Аб вяртаньні вады, піша кампанія, "вядуцца перамовы з прадстаўнікамі дзяржаўных органаў".

Лукашка тым часам даручыў кантраляваць сытуацыю з вадой былому начальніку менскай міліцыі Барсукову і старшыні Савету Рэспублікі Качанавай.


БХК: "Гэта парушэньне фундамэнтальнага права чалавека"


Жыхары мікрараёна выказваюць здагадкі, што адключэньне вады і ацяпленьня ёсьць вынікам іхняй палітычнай актыўнасьці.

У сувязі з гэтым Беларускі Хэльсынскі камітэт рыхтуе зварот спэцдакладчыку ААН аб праве на ваду. Згодна зь міжнародным стандартам, доступ да чыстай пітной вады і санітарных паслуг зьяўляецца найважнейшай умовай жыцьця і неад'емным правам чалавека.

Пра гэта паведаміў старшыня Беларускага Хэльсынскага камітэту Алег Гулак, абураны адключэньнем вады ў Новай Баравой.

— Гэта парушэньне фундамэнтальнага права чалавека, і гэта адбываецца ў адказ на пазыцыю людзей, якія там жывуць, з мэтай прымусіць іх адмовіцца ад сваіх выказваньняў, свабоды слова. Гэта незаконныя мэтады. Гэта ўжо новае слова ў рэпрэсіях, улады выкарыстоўваюць для ціску сацыяльна-бытавыя ўмовы, што ставіць пад пагрозу і здароўе людзей, і санітарна-эпідэмічную сытуацыю. Людзей пазбаўляюць умоваў для нармальнага жыцьця, доступу да чыстай вады. Гэта злоўжываньне, і дзяржава не прымае мераў, каб гэта спыніць, — заявіў Алег Гулак.


Мяцежная Новая Баравая


Мікрараён Новая Баравая пад Менскам праславіўся сваёй палітычнай актыўнасьцю яшчэ падчас перадвыбарчай кампаніі. Тамтэйшыя жыхары праводзілі флэшмобы ў падтрымку альтэрнатыўных кандыдатаў у прэзыдэнты, масава запісваліся ў сябры выбарчых камісій і ў назіральнікі, ладзілі ўласныя ланцугі салідарнасьці і шэсьці са сьцягамі.

Затрыманьні АМАПам, дадатковыя патрулі міліцыі і барацьба ўладаў з масавым вывешваньнем бел-чырвона-белых сьцягоў сталі часткай штодзённага жыцьця мікрараёну.

 


"Думаю, што я не апошняя".
З Інстытуту гісторыі звальняюць яшчэ адну супрацоўніцу,
якая пратэставала супраць гвалту


Са старшай навуковай супрацоўніцай Інстытуту гісторыі Нацыянальнай акадэміі навук Беларусі Кацярынай Крывічанінай не працягнулі кантракту.

Яе звальняюць у сувязі з завяршэньнем тэрміну кантракту 31 сьнежня 2020 року, гаворыцца ў дакумэнце, які падпісаў намесьнік дырэктара ў навуковай працы Вадзім Лакіза.

Кацярына Крывічаніна займаецца гісторыяй міжнароднага супрацоўніцтва ў мінімізацыі наступстваў чарнобыльскай катастрофы.

— Я спыталася ў Вадзіма Лакізы, зь якой прычыны са мной не працягваюць кантракту? Мне сказалі, што ўсё згодна з заканадаўствам, сышоў яго тэрмін. Пытаюся, а якія да мяне прэтэнзіі як да навукоўца? "Прэтэнзій няма, у нас будзе рэарганізацыя" — адказаў ён.

Кацярына Крывічаніна кажа, што зь мінулага году яна зьяўляецца яшчэ і старшынёй прафсаюзнай арганізацыі інстытуту.

— Ёсьць нормы, якія абавязваюць наймальніка працягваць кантракт на тэрмін паўнамоцтваў старшыні прафсаюзнай арганізацыі. На гэта мне Вадзім Лакіза сказаў, што ўсё, маўляў, згодна з заканадаўствам. Але гэта пытаньне мы яшчэ будзем вывучаць.

Паводле Кацярыны, асноўнай прычынай звальненьня стала яе актыўная грамадзянская пазыцыя.

— Усё пачыналася з прафсаюзу яшчэ год таму, бо на кіраўніцтва прафсаюзу прайшлі ня тыя кандыдатуры, якія хацела адміністрацыя, — кажа яна. — Цяпер мы пісалі заявы на імя старшыні ФПБ Орды пра палітычную сытуацыю ў краіне, і мяне адразу пачалі выклікаць да дырэктара, казалі, каб я сыходзіла па ўласным жаданьні. Але мы не спыніліся, выходзілі на акцыі, у нас шасьцёх супрацоўнікаў арыштоўвалі. Алесь Жлутка адбывае "суткі" ў Жодзіне, заўтра паедзем яго сустракаць. Нас пастаянна выклікалі, вялі размовы.

Учора стала вядома, што не працягнулі кантракт з калегам Кацярыны Крывічанінай, кандыдатам навук Аляксеем Шаландам.

— Я думаю, што я не апошняя: Шаланда, я, пойдуць яшчэ іншыя актыўныя ўдзельнікі ўнутрыінстытуцкага пратэставага руху. Тыя, хто выходзіў на акцыі і падпісваў заявы, — сказала Кацярына Крывічаніна.

 


"Зусім не шкадую, што больш не працую на дзяржаву".
Звольнілі чарговага выкладчыка БДУІР


У загадзе, які падпісаў рэктар унівэрсытэту Вадзім Богуш, прычынай звальненьня названы прагул.

Старшы выкладчык катэдры праектаваньня інфармацыйна-кампутарных сыстэм Васіль Перавошчыкаў працаваў ва ўнівэрсытэце з 2014 року (цяпер па сумяшчальніцтве). 26 кастрычніка разам зь іншымі калегамі ён паведаміў адміністрацыі, што пачынае страйк.

Васіль Перавошчыкаў узяў удзел у відэазвароце выкладчыкаў унівэрсытэту, якія выказаліся супраць беззаконьня і гвалту, за правядзеньне новых выбараў.

— Фармальна мяне звольнілі за прагул, а фактычна — за ўдзел у страйку, — сказаў Васіль Перавошчыкаў. — Зусім не шкадую, што больш не працую на дзяржаву.

Васіль Перавошчыкаў адмовіўся пісаць тлумачальную, як таго патрабавала адміністрацыя.

— Акрамя таго, былі прапановы з майго боку прысутнічаць на лекцыях, але ня весьці іх паводле праграмы, аднак такую прапанову адхілілі, — кажа выкладчык. — Магчыма, вярнуся ва ўнівэрсытэт, калі ўсё стане лепш, але пакуль ня бачу для сябе магчымым дапамагаць дзяржаве сваёй працай ва ўнівэрсытэце, якая заўсёды, па сутнасьці, зьяўлялася хутчэй дабрачыннасьцю, чым узаемавыгадным супрацоўніцтвам.

Гэта ўжо ня першы выкладчык БДУІР, які падтрымаў страйк і якога звольнілі.


"Радыё Свабода", 17 лістапада 2020 р.

 

Нягледзячы на супрацьдзеянне ўладаў, менчукі вязуць у Новую Баравую ваду


"Белсат" апублікаваў відэа чагі за пітною вадою ў менскім мікрараёне Новая Баравая. У адным з галоўных пратэстных раёнаў Менску, Новай Баравой, водазабеспячэньня няма з нядзелі, а сёньня не стала ацяпленьня. Жыхары лічаць, што ўлады такім чынам спрабуюць адпомсьціць аднаму з галоўных антылукашэнкаўскіх бастыёнаў сталіцы.

Сёньня ДАІ спыняла машыны, якія везлі ваду ў Новую Баравую. Аднак, як мы бачым, салідарнасць перамагла.

 


В Жабинке школьный учитель ушёл на забастовку


Педагог объяснил, почему не смог молчать в такой ситуации.

В школе Виктор Чернак проработал пять лет. Помимо работы учителем информатики и астрономии, он на полставки занимал должность инженера-программиста и вёл допрофессиональную подготовку по фотографии.

Решение уйти на забастовку преподаватель, говорит, принял ещё в августе, но заявление руководству отдал только 16 ноября.

— Я приехал утром на работу, провел первый урок, пошел к директору и положил заявление на стол. Сообщил классному руководителю ребят, у которых вёл урок, и уехал домой. Дома уже посмотрел, что в телефоне пропущенные вызовы, перезвонил. Директор по телефону сказала, что нужно было её дождаться, поговорить. Я ей объяснил, что боялся давления. Сказал, что согласен и на увольнение по статье, если по-другому никак нельзя. Но я не могу уроки вести в такой ситуации, — рассказал Виктор.

По словам мужчины, на забастовку он ушёл из-за политической ситуации в стране. В заявлении написал, что решение принял из-за "правового дефолта, творящегося беззакония, непрекращающегося насилия" в отношении мирных граждан.

— Я понял, что не смогу работать. Чтобы детям не навредить, чтобы у них нормальное образование было, пусть другого учителя ищут, — поделился Виктор

Учитель объяснил, что в августе из школы уволилась его коллега, которая вела у детей физкультуру:

— Она в избирательной комиссии была. Сейчас уехала в Польшу работать.

Как сообщил Виктор, после разговора с директором в понедельник звонков из администрации школы ему не поступало. Мужчина предполагает, что его уволят.

— Я пока дома сижу, занимаюсь своими делами. Если по-другому никак мой вопрос не решить, то пусть увольняют. (…) Планов на ближайшее будущее пока нет. У меня много специальностей, посмотрю, где и куда. Мне уже и в Менск предлагали переезжать на работу, — рассказал Виктор.

 


У Салігорску з'явіўся яшчэ адзін стачачны камітэт


"Будтрэст №3" далучыўся да агульнанацыянальнага страйку.

Создан ещё один Стачечный комитет в городе Солигорске.

Прадстаўнікі ААТ "Будтрэст №3" далучыліся да агульнарэспубліканскай стачкі, паведамляе "Народная грамада".

У новы Страйкам увайшлі:

Кецко Кірыл Сяргеевіч, мантажнік СТС і А 3 разраду,
Макараў Уладзімір Сяргеевіч, мантажнік СТС і А 3 разраду,
Мяцельскі Арцём Алегавіч, мантажнік СТС і А 3 разраду.

"Мы далучыліся да агульнарэспубліканскай стачкі, бо не можам заставацца ў баку ад таго, што адбываецца ў нашай краіне. Не можам спакойна назіраць за тым гвалтам і беззаконнем самаабвешчанай злачыннай улады", — гаворыцца ў заяве Страйкаму.

 

"Хартыя’97%", 17 лістапада 2020 р.

 

Сёньня спынілася праца апэрацыйнага блёку ў РНПЦ дзіцячае анкалёгіі

 

З 5 апэрацыйных медсясбцёр працуе адна.

Жана Вашкевіч, апэрацыйная медсястра РНПЦ ДОГІ з 30-рочным стажам, адбывае адміністрацыйны арышт у Магілёўскае турме.

А ў траіх іншых каранавірусная інфэкцыя.

Апэрацыі перанесеныя, вырабляюцца толькі пастаноўкі ЦВК.

Нелегітымная ўлада спрыяе страйку: саджае медыкаў, не забясьпечвае СІЗамі ды належнымі ўмовамі працы.

 


Если это не средневековые пытки, то тогда что? 


"Меня задержали на Пушкинской 15 ноября, — пишет наша читательница. — Привезли в Советское РУВД. Всех поставили возле стенки. Мы — женщины и девочки стояли на улице около трёх часов, может немного больше. Лицом в стену с поднятыми руками. 

Затем женщин завели в помещение (сказали, а то опять будут фотографировать с балконов и выкладывать в интернет, что мучаем женщин), но парни стояли на улице с 12:30 до 24:00 при нулевой температуре. Одной из девочек спустя шесть часов разрешили взять шоколадку и орешки на 30 человек. Затем разрешили взять воду, 0,5 бутылки на те же 30 человек. Пили все из одной бутылки в условиях ковида, так как выбора не было. У всех задержанных практически высшее образование и хорошие должности. Шутили, что одна элита собралась. 

Женщин и девушек начали отпускать в 5 часов утра. Запомнилось очень, что на улице стоял парень-велосипедист в тоненьком трико и кофточке велосипедной, без шапки, без рукавиц и бутсах, которые промерзают за несколько минут, если не двигаться. Если это не средневековые пытки, то тогда что? Почему в этих "служителях не до законов" не осталось ничего человеческого?"

 

Telegram-канал "Баста", 17 лістапада 2020 р.

 


У Новай Баравой цяпер так


Вады — няма;
ацяплення — няма;
міліцыянты, якія перапісваюць адрасы кватэр, у вокнах якіх вывешаныя БЧБ-сцягі — ёсць;
МНСнікі, якія ходзяць па пад'ездах і штрафуюць за не там пакінутыя ровары і дзіцячыя вазкі — ёсць.

За апошнія некалькі гадзінаў у тг-чат Новай Баравой дадалося 1,5 тысячы чалавек. Жыхары квартала, які застаўся без вады і ацяплення, атрымалі сотні прапановаў дапамогі ад менчукоў з навакольных раёнаў. Іх усе запрашаюць у госці: памыцца, папрасці рэчы. Ці проста прывезці вады і абагравальнік.

Створаны асобны чат для дапамогі жыхарам Новай Баравой — @nb_help. За паўгадзіны туды дадалося дзве тысячы чалавек.

"Менскводаканал" паведамляе, што скончыў рамонтныя працы ў Новай Баравой. Але ваду не ўключае, бо "ў адпаведнасці з рэгламентамі прыступіў да прафілактычных мерапрыемстваў перад запускам".

У ведамстве кажуць, што чакаюць вынікаў лабараторных пробаў. Тым часам у Новая Баравая жыве без вады трэція суткі, а ў чаце ахвочых дапамагчы жыхарам квартала @nb_help — ужо амаль 10 тысяч чалавек.

 


175 сутак арышту за экскурсію ў Мерачоўшчыну


175 сутак арышту атрымалі на ўсіх  сябры стачкама "Беларуськалія", затрыманыя  ў мінулую пятніцу на экскурсіі па Беларусі.

Усяго было асуджана 44 чалавекі. Акрамя сутак, людзям выпісалі больш за 5400 рублёў штрафаў.

Раней экскурсаводы распавядалі, што адмаўляюцца працаваць па нядзелях, бо гэта цяпер небяспечна, і імкнуцца перанесці сваю працу падалей ад буйных местаў. Але цяпер ёсць небяспека і пасля паездкі на радзіму Тадэвуша Касцюшкі заехаць у ізалятар!

 


"Вам трэба прыйсьці ва ўніверсітэт для вырашэння пытання аб аднаўленні"


Менск. Адлічаныя студэнты з БДМУ атрымалі sms, дзе ім прапанавалі прыйсьці ва ўніверсітэт "для вырашэння пытання аб аднаўленні". Нібыта па даручэнні Лукашкі. 

Адлічаць студэнтаў пачалі таксама неўзабаве пасля заяваў Лукашкі. Ён быў незадаволены тым, што яны выходзяць на акцыі ва ўніверсітэтах. Па словах Лукашкі было адлічана каля 300 студэнтаў.

 


"Усё ідзе па плане"?


Па звестках Telegram-суполкі медыкаў "Белые халаты", 17 лістапада спыненая праца аперацыёнага блока ў РНПЦ Дзіцячай анкалогіі. "З пяці аперацыйных медсёстраў працуе адна. У траіх іншых каранавірусная інфекцыя", — пішуць у суполцы. Яшчэ адна аперацыйная медсястра — Жанна Вашкевіч — адбывае гэтымі днямі адміністрацыйны арышт у Магілёўскай турме.

Мы датэлефанаваліся ў РНПЦ Дзіцячай анкалогіі. Там прызнаюць, што праз COVID-19 супрацоўнікаў цяпер не хапае. Але абвяргаюць інфармацыю пра спыненне аперацыйнага блока.

— Ніякія аперацыі ў нашым аперацыйным блоку не адмяняліся, усё ідзе па плане.

Як атрымліваецца праводзіць аперацыі па плане, маючы толькі адну медсястру з пяці, у РНПЦ не ўдакладнілі.

 


Life:) адключыў званкі менчанцы


Life:) адключыў званкі менчанцы, якая жыве непадалёк ад "Плошчы Перамен” — "у сувязі з падставай меркаваць, што ўладальнікам нумара здзяйсняецца правапарушэнне, якое наносіць шкоду кампаніі". ШТО?

 


Як 9 жніўня пачыналіся вулічныя пратэсты ля Стэлы


Слухач даслаў відэа, як 9 жніўня пачыналіся вулічныя пратэсты ля Стэлы "Менск — места-герой". Як атрымалася высветліць, відэа было апублікаванае ў закрытым ВК-акаўнце беларускага карніка з подпісам пра тое, што пратэсты насамрэч не былі мірнымі. Яно знятае камерай відэаназірання.

Міліцыянтаў зусім няшмат — 20-25, а пратэстоўцаў — пара тысяч. Улады спрабуюць упэўніць нас, што пратэстоўцы былі настроеныя агрэсіўна. Але калі б гэта сапраўды было так, з міліцыянтамі размаўлялі б па-іншаму. Усё было іначай — нехта проста падставіў невялікі шэраг міліцыянтаў пад шматтысячны натоўп і спадзяваўся, што пральецца кроў карнікоў.

Самы важны момант:

01:54 — нехта ў цывільным падыходзіць да міліцыянтаў у форме з боку аўтазакаў, якія стаяць на іншым баку вуліцы. праз імгненне ў пратэстоўцаў ляціць першая светлашумавая граната. Толькі пасля гэтага ў міліцыянтаў кідаюць металічную апору. Але нават тады пратэстоўцы не зрываюцца і не карыстаюцца колькаснай перавагай.

 


Злабадзёны анекдот


Кіраўнік МЗС Беларусі Уладзімір Макей: 

— Мы не бачым сэнсу ў тым, каб працягваць з ЭЗ дыялог па правах чалавека. Мы прыпыняем гэты дыялог.

ЭЗ:

— А быў нейкі дыялог?

Грамадзяне Беларусі:

— А што такое правы чалавека?

Жыхары Новай Баравой:

— Уключыце ваду! А то вы ўжо за*****!

 


Моцна збіты дойлід Вадзім Дзмітронка


15 лістапада на вуліцы Шаўчэнкі ў Менску затрымалі 43-рочнага дойлід Вадзіма Дзмітронка. Наступнай раніцай у рэпартажы "Беларусь 1" Вадзіма паказалі моцна збітым.

— Ён амаль не размаўляе, не можа самастойна рухацца, у яго вельмі збітая галава, збіты твар. Нагамі перасоўваць нават не можа, яго на каталцы вазілі. Пакінулі яго ў шпіталі, але пры ім паставілі міліцыянта, — распавядае жонка затрыманага Вольга.

 


Адразу тром гісторыкам не працягнулі кантракты ў Акадэміі навук


За два дні кіраўніцтва Інстытута гісторыі Акадэміі навук не працягнула працоўныя кантракты з трыма гісторыкамі. 

Першым стаў загадчык аддзела генеалогіі, геральдыкі і нумізматыкі Аляксей Шаланда. Сёння стала вядома, што не працягнутыя кантакты з кандыдатамі навук Мікалаем Волкавым і Кацярынай Крывічанінай. 

Намеснік дырэктара Інстытута гісторыі па навуковай частцы Вадзім Лакіза заяўляе, што палітыкі ў гэтым рашэнні няма. 

— У нас завяршаецца пяцігадовая дзяржаўная праграма навуковых даследаванняў. Пад гэтую праграму калісьці фарміраваўся калектыў. Сёння ў Інстытуце ў вялікай колькасці людзей сканчваюцца кантракты. Большасць з іх атрымае паведамленні пра непрацяг кантактаў. Акрамя таго, фармуецца новая структура на наступныя гады. З'явяцца новыя аддзелы, будзе пэўнае ўпарадкаванне. Усе гэтыя пытанні ставілі перад загадчыкамі адзелаў. Што тычыцца мяне, то я падпісваю гэтыя дакументы па пасадзе", — цытуе Tut.by словы Лакізы.

Намеснік дырэктара таксама паведаміў, што Мікола Волкаў застаецца ў дактарантуры пры інстытуце. 

Дарэчы, звольненая Кацярына Крывічаніна — старшыня інстытуцкага прафкама. У каментары "Радыё Свабода" яна паставіла пад сумнеў законнасць свайго звальнення.

— Ёсць нормы, якія абавязваюць наймальніка працягваць кантракт на тэрмін паўнамоцтваў старшыні прафсаюзнай арганізацыі. На гэта мне Вадзім Лакіза сказаў, што ўсё, маўляў, згодна з заканадаўствам. Але гэта пытанне мы яшчэ будзем вывучаць, — падкрэсліла яна.

Крывічаніна ўпэўненая, што ўсе звальненні маюць палітычную аснову. па яе словах, моцны ціск пачаўся пасля таго, як прафсаюзная арганізацыя інстытута стала пісаць лісты на імя старшыні ФПБ Міхаіла Орды пра сітуацыю ў краіне.

Яна лічыць, што звальненні гісторыкаў з Акадэміі навук працягнуцца.


"Эўрарадыё", 17 лістапада 2020 р.

 

 

Да стачкі далучыліся новыя людзі


Да стачкі далучыўся яшчэ адзін рабочы, Андрэй Сцешыц. Ён заявіў, што падтрымлівае патрабаванні стачкаму "Беларуськалія".

БМЗ. Да стачкі далучылася кантралеэёр АТК 5-га разраду Ларыса Шанюк, яна працуе на прадпрыемстве ўжо 31 рок! 

Ларыса патрабуе спынення гвалту супраць беларускага народу, вызвалення ўсіх палітзняволеных і прызначэння новых выбараў.

 


Берасцеец скраў радыёстанцыю ў АМАПаўца


У Берасці мужчына падчас пратэсту скраў радыёстанцыю ў АМАПаўца, яму пагражае да 3-х рокаў турмы.

20 верасня, падчас нядзельнага маршу на Савецкай, берасцеец выкраў радыёстанцыю Motorolla. У той жа дзень яго ўсталявалі па камерах відэаназірання і выклікалі ў міліцыю. Мужчына вярнуў радыёстанцыю.

УУС ацэньвае прычыненую шкоду ў 890 рублёў. У дачыненні да берасцейца заведзена крымінальная справа за крадзеж.

 

Генпракуратура звярнулася ў Мінюст Польшчы з просьбай

аб выдачы Пуцілы і Пратасевіча


"Па нашай інфармацыі, дадзеныя грамадзяне знаходзяцца на тэрыторыі Польшчы, у Варшаве. У дачыненні да Сцяпана Пуцілы і Рамана Пратасевіча, у межах беларускай крымінальнай справы ўжыта мера стрымання ў выглядзе заключэння пад варту, яны абвешчаныя ў вышук", — адзначылі ў Генпракуратуры.

 


"Закон? Для кого закон? Это беззаконие!"


Уладзімір Шустаў пракаментаваў прысуд у 3 рока калоніі за нібыта напад на міліцыянта. 

— Им лучше посадить одного, чем посадить 200 человек. И эти фашисты, которые просто избивали меня, избивали — это всё видно. И суд думаете слушал это? Он не слушает это и не будет никогда в жизни слушать, — заявіў ён. 

10 жніўня Уладзімір разам з сынам быў збіты карнікамі падчас разгону пратэстоўцаў у Магілёве. Адзін міліцыянт напісаў заяву на яго. Але Шустаў кажа, што яго збівалі і ён проста зачапіўся за міліцыянта пры падзенні.

 


Шосты за восень прысуд за знявагу дзяржсімвалаў


Сёння ў судзе Ленінскага раёну Берасця быў вынесены прысуд берасцейцу Юрыю Касцюку. Хлопец атрымаў год абмежавання волі з накіраваннем у выпраўленчую ўстанову адкрытага тыпу. Юрый 4 верасня ішоў з сябрамі каля берасцейскага гатэля "Маладёжны", тузануў дзяржаўны сцяг, які вісеў на будынку, сцяг зваліўся. Касцюка знайшлі і завялі крымінальную справу па артыкуле 370 КК РБ (Знявага дзяржсімвалаў). 

Пракурор запатрабаваў максімальнае пакаранне па гэтым артыкуле і добра вядомы па палітычных справах суддзя Аляксандр Сямянчук яго вынес.

 


"Менсквадаканал" выканаў аднаўленчыя працы


"Менсквадаканал": "Водазабеспячэнне спажыўцоў жылога раёну "Новая Баравая" будзе адноўлена ў поўным аб'ёме пасля атрымання станоўчых вынікаў лабараторнай праверкі якасці вады".

Арганізацыя выканала аднаўленчыя працы на сетках водазабеспячэння.

 


Праблемы з вадой у Новай Баравой узніклі праз наўмыснае пашкоджанне


Старшыня Менгарвыканкаму Уладзімір Кухараў лічыць, што праблемы з вадой у Новай Баравой узніклі праз наўмыснае пашкоджанне запорнай апаратуры.

— Гэта дарагое імпартнае абсталяванне, без старонніх умяшанняў яно магло б служыць доўгі час. Спецыялістам давялося тэрмінова аднаўляць яго працаздольнасць сваймі сіламі. Цяпер неабходна правесці абследаванне, праверыць якасць вады пасля ўмяшання. Казаць пра тэрміны аднаўлення водазабеспячэння можна будзе па іх выніках, — сказаў мэр сталіцы.

 


Паломка ў Новай Баравой не патрабуе працяглага рамонту


— Наагул — гэта аператыўна павінна быць, таму што людзі сядзяць без вады, без цяпла. Гэта аварыйная служба павінна працаваць, нават ноччу працаваць павінны. Так, каб замяніць яе, усё трэба адключаць. Але гэта павінна быць усё зроблена хутка, дакладна не тры дні гэта ўсё трымаць, — кажа інжынер аднаго з участкаў "Менсккамунцепласеткі".

Паломка, якая прывяла да абязводжвання раёну, ужо адрамантаваная, але "Менскводаканал" чакае вынікаў проб з лабараторыі. У выніку такім чынам можна "выхоўваць" кожны раён сталіцы. Камунальныя калодзежы не ахоўваюцца.

 


"Народная воля" часова не будзе выходзіць на паперы


На тым тыдні ўвесь наклад газеты забралі сілавікі, а да гэтага маскоўская друкарня перадумала супрацоўнічаць з рэдакцыяй. 

Кіраўніцтва вырашыла пакуль не друкаваць газету, але яна будзе выходзіць анлайн: "Як толькі вырашыцца праблема з друкарняй, вернемся да выдання папяровага варыянта газеты і масавага распаўсюджвання па Беларусі".

Галоўны рэдактар Іосіф Сярэдзіч спадзяецца, што ва ўладзе знойдуцца светлыя галовы, і "Народная Воля" ў хуткім часе будзе выдавацца ў Менску:

— Зараз інфармацыю нельга спыніць забаронамі на друкаванне газет.

Рэдакцыя шукае іншыя друкарні, але ў Масковіі ім паўсюль адмаўляюць.

Сердзіч параіў сваякам і суседзям сталых людзей раздрукоўваць нумары газеты з сайта і раздаваць іх тым, хто рэдка карыстаецца інтэрнэтам. Для астатніх ёсць тэлеграм-канал.

 


Кацярыне Андрэевай далі 7 содняў арышту


Журналістцы Кацярыне Андрэевай далі 7 содняў арышту, прызналі вінаватай паводле 23.34 і 23.4 КаАП. Суддзя — Вольга Няборская. 

Паводле пратаколу Кацярыну затрымлівалі на вуліцы і яна прымала ўдзел у несанкцыянаваным масавым мерапрыемстве, хаця яна з 12 да 17-30 знаходзілася ў кватэры на Смарогскім тракце на 14 паверсе, што пацвердзіў на судзе сведка — гаспадар кватэры Дзмітрый. 

Каці нават не далі азнаёміцца з пратаколам, яна яго ўпершыню пабачыла на судзе. Вінаватай сябе не прызнала і абвінаваціла міліцыянтаў, што складалі пратакол, у ілжэсведчанне.

Як распавяла Каця на судзе, яе затрымлівалі ў кватэры, дзвер выламалі, забеглі каля 10 спецназаўцаў. Яны не тлумачылі нічога, проста сказалі, каб збіраліся і ішлі з імі. Гвалту падчас затрымання не было. 

У РУУС Каці стала кепска, яна адчула рэзкую боль ў галаве, яе званітавала, яна страціла прытомнасць. Выклікалі хуткую, даставілі пад канвоем у 9-ю лякарню. Нічога сур’ёзнага не знайшлі, але прапісалі пасцельны рэжым, поўны спакой і абавязковы візіт да неўролага на наступны дзень. Але раніцай 16 лістапада яе забралі ў РУУС, а адтуль даставілі ў ЦІП.

 


У некалькіх дамах на "плошчы Пераменаў" знік хатні інтэрнэт


"Дабрыдзень, у раёне "плошчы Перамен" у некалькіх будынках знік правадны інтэрнэт "Белтэлекам". У "Белтэлекаме" сказалі, што пашкоджанае абсталяванне, колькі будзе доўжыцца рамонт яны ня ведаюць".

18:54 У дамах на плошчы Пераменаў вярнуўся інтэрнэт "Белтэлекам".

 


Беларусь знізіць узровень удзелу ў праграме ЭЗ "Усходняе партнёрства" да экспертнага


Міністр замежных справаў Макей заявіў, што прычынаю для такой захады з'яўляюцца спробы палітызацыі (?!) шэрагу праектаў.

— На нарадзе была прапанавана і падтрымана ўдзельнікамі ідэя аб паніжэнні ўзроўню нашага прадстаўніцтва ва "Усходнім партнёрстве". Мы бачым, што ёсць спробы палітызаваць шэраг інфраструктурных, міжрэгіянальных праектаў у межах гэтай ініцыятывы. Таму прынятае рашэнне аб паніжэнні ўзроўню ўдзелу Беларусі ў гэтай ініцыятыве да экспертнага, — адзначыў ён.

Нягледзячы на тое, што "Усходняе партнёрства" існуе з 2004 року. Былы кіраўнік краіны Лукашка ні разу не быў на сустрэчы кіраўнікоў дзяржаваў удзельніц праграмы.

 


Снежкі супраць ябацек


Жыхары Новай Баравой закідалі снежкамі(!) невядомых, якія прыехалі зразаць бел-чырвона-белыя стужкі. 

Жыхары перамаглі і тыя сышлі!

Чытачы паведамляюць, што невядомыя "зрэзальшчыкі" стужак вярнуліся ў Новую Баравую.

 


Лукашка загадаў разабрацца з тымі,
хто распавядаў пра вываз лампадак з "плошчы Пераменаў" 


Лукашке не спадабалася, што ў сеціве разгром "плошчы Пераменаў" назвалі сатанінскім таптаннем.  

Такую фразу раней выказаў Сяргей Лепін, прадстаўнік праваслаўнай царквы.

"Не разумею, навошта гэта здзек з партрэтамі забітага, над кветкамі ў яго памяць, навошта гэтае сатанінскае таптанне лампад і абразкоў, барацьба з імправізаваным мемарыялам у двары, уздоўж дарог...? У чым сэнс? Не ўзгоднена, так? А вось такія паводзіны і стаўленне — яно ўзгоднена? З кім?" — напісаў у сваім Facebook Сяргей Лепін.

 


Аляксандра Раманоўская прадала свой залаты медаль


Фрыстайлістка Аляксандра Раманоўская прадала свой залаты медаль за 15 тысяч долараў.

Аляксандра Раманоўская прадала свой залаты медаль, якую атрымала ў 2019 роке. Сродкі фрыстайлістка перадасць у Беларускі фонд спартовай салідарнасці.

 


Лукашка загадаў Качанай навесці парадак у Менску на гэтым тыдні


Галоўчанку і Сяргеенку загадаў, каб аналагічным чынам парадак навялі і ў рэгіёнах краіны. 

Неўзабаве пасля загаду Лукашкі Качанавай, з'явіўся ўжо зацверджаны план дадатковых захадаў па забеспячэнні грамадскага парадку і бяспекі на тэрыторыі Менску.

Што ўваходзіць у план захадаў, пакуль невядома.

 

 

"Як габрэі ў 1943-м". Закладнікі "плошчы Пераменаў"
пра аблогу двара, дзе жыў Раман Бандарэнка


15 лістапада стаў днём сумнага рэкорду затрыманняў у Беларусі. Але ў той дзень зняволеных магло быць яшчэ больш, каб не жыхары дамоў двара "плошчы Пераменаў". Мясцовыя адкрывалі пад’езды і пускалі ў свае кватэры дзясяткі незнаёмцаў, якія прыйшлі ўшанаваць памяць Рамана Бандарэнкі.

Нягледзячы на начныя рэйды, пагрозы і распілоўванне дзвярэй у жылым комплексе пазбегнуць турмы і штрафаў удалося сотням менчукоў. 16 лістапада а 9-й раніцы большасць з іх змагла пакінуць схованкі. Мы паразмаўлялі з тымі, хто трапіў у аблогу карнікаў і хаваўся ад гвалту ў цемры, нерухомасці ды жаху быць схопленым.


"За вакном лятаў дрон. Я быў гатовы есці з кацінай міскі"


Іван паспеў уцячы з "плошчы Пераменаў" і схавацца ў адчыненым пад’ездзе. Мужчына шукаў сховішча яшчэ з пяццю асобамі, якія прытрымалі яму дзверы. Усе разам яны пабеглі па сходах, грукаліся, здымалі маскі, каб паказаць, што свае, аднак ніхто не адчыняў.

— І вось нам пашчасціла: адчыніла дзяўчына і запрасіла ў хату, схавала наш абутак. Так мы апынуліся ў аднапакаёўцы, дзе жывуць сужэнства з дзіцём. Сядзелі ціха, у дзверы настойліва званілі, прасілі адчыніць, праверыць кватэру. Гаспадыня адмовіла. Нам было няёмка абцяжарваць сям’ю, іхная дачка перапужалася. Дзіцё хварэе, таму форткі не адчынялі, было вельмі душна. Усё грымела, мы думалі, што сілавікі пілуюць кожныя дзверы. Нават пачалі шукаць месцы, куды можам схавацца.

Пасля 21:00 дзве дзяўчыны, якія хаваліся разам з Іванам, пастанавілі сысці. На выхадзе з пад?езду іх затрымалі, але яны не здалі нумару кватэры, у якой хаваліся. Мужчына кажа, што хлопцы, якія засталіся, хацелі спусціцца ніжэй і скочыць з гаўбца, але гаспадыня іх адгаварыла. За вокнамі лятаў дрон, свяцілі ліхтарамі. Гаспадыня паслала гасцям на вялікай канапе, сама легла спаць з дзіцём на малой, а мужа паклала ў кухні.

— Мы былі вельмі галодныя, я нават жартаваў, што гатовы есці з міскі ката. Дзяўчына дала нам бутэрброды, гарбату, а раніцаю таксама нарэзала сыру, каўбасы, паставілася, як да сваіх. Нават жартавала, што трэба будзе нас прапісаць, бо сілавікі не сыходзяць.

Раніцай яна выйшла выведаць сітуацыю. У двары ўсё яшчэ дзяжурылі карнікі, правяралі пашпарты і прапіску. На ўваходзе ў пад'езд стаялі сілавікі ў балаклавах з аўтаматамі. Каля 9:00 Івану пазванілі знаёмыя і сказалі, што можна выходзіць. Гаспадыня кватэры першая спусцілася, а пазней паклікала хлопцаў.

— Калі мы выскачылі на дарогу, мы пабачылі сіні бус і міліцыянтаў, але яны рабілі выгляд, што нічога не адбываецца. Было прыемна, што каля дому ўжо чакалі людзі ў аўтах. Яны пад'язджалі, спыняліся, крычалі, каб заскоквалі да іх. Людзі натоўпамі садзіліся да валанцёраў. Я чуў, што тых, хто сыходзіў пехатою дварамі і прыватным сектарам, хапалі ціхары.

Іван кажа, што сям'і, якая іх уратавала, у падзяку завезлі пірагі, таксама падораць кветкі ды пачастунак дачцы.


"Думала, дзве гадзіны адсядзімся — і выйдзем"


Вікторыя прыехала ўшанаваць памяць Рамана Бандарэнкі, а пасля была вымушаная хавацца ў сутарэннях непадалёк "плошчы Пераменаў". Дзяўчыне ўдалося ўцячы ў памяшканне, дзе было яшчэ мінімум 100 асобаў. Аблава шакавала мянчанку.

— Я не падазравала, што яны набяруцца нахабства і прыедуць разганяць людзей, я адчувала сябе ў бяспецы. Але пазней пачула выбухі, людзі табуном пачалі бегчы.

Дзяўчына апынулася заціснутая, з усіх бакоў наступалі карнікі, прарвацца не было магчымасці. Тады Вікторыя пабачыла, што людзі пабеглі ў бок аднаго з дамоў, яна пабегла следам.

— Людзі несліся плынню, я не паспявала разумець, дзе я і што раблю. Яны пачалі хавацца ў адчыненыя дзверы. Адны дзверы ўжо былі перапоўненыя, як у трамваі ў гадзіну пік. І я адна з апошніх засталася на вуліцы, разумеючы, што мне няма куды адступаць. Дзверы зачыніліся, але мне паказалі іншыя. Забегла адною з апошніх, за мною замкнулі.

Дзяўчына баіцца падрабязна апісваць месца сховішча. Паводле Вікторыі, 16 гадзінаў давялося правесці на халодным бетоне без вады, ежы ды святла.

— Добра, што мы мелі прыбіральню і пароль ад Wi-Fi. Мы манітаравалі ўсё, што адбываецца звонку, і разумелі: выйсці нельга. Некаторыя бунтавалі, было цяжка псіхічна, усе стаміліся, не было чым дыхаць. Мы ж думалі, перачакаем некалькі гадзінаў — і разыдземся па дамах. Нам наказалі сядзець ціха нават у сітуацыі, калі балгаркаю будуць пілаваць дзверы. Сядзелі, як мышы, бо ведалі: адзін гук — і нам канец. Карнікі прасвечвалі вокны ліхтарамі.

Вікторыя кажа, што пасля пяці гадзінаў пад замком перастала сачыць за часам. Эвакуацыя сталася для дзяўчыны нечаканасцю. Людзей пачалі выпускаць каля 9:30.

— Мы нават не былі падрыхтаваныя і ў шокавым стане. Знянацку адчыніліся дзверы, сказалі хутка разыходзіцца. Я схапіла ладаванку, шапку, людзі выбеглі на вуліцу. У двары я бачыла чалавек 200, якія выходзілі з розных бакоў.

Уявіце, які сюррэалізм: ты як раб, у сутарэнні, а адкульсьці даносіцца музыка, і трэнер загадвае "цягнуць ножку". Ты ў акупацыі, а ў кагосьці працягваецца звычайнае жыццё.


"Удома засталіся трое дзяцей"


Яшчэ адна закладніца — Кацярына — прызнаецца: ходзіць на ўсе маршы, нягледзячы на страх жорсткай расправы. Спачатку яна была ля "Пушкінскай", а калі там пачаўся разгон, прыехала ў двор плошчы Пераменаў, але там таксама пачалася аблава.

— Я пастанавіла пайсці ў дом на гаўбец, паглядзець, што будзе адбывацца. Людзей ганялі. Хтосьці крычаў, што трэба хавацца па кватэрах.

Кацярына трапіла да жанчыны, якая пусціла да сябе 20 незнаёмцаў. Дзяўчына прызнаецца, што ўсе разлічвалі адсядзецца гадзіну-паўтары, пакуль не з’едуць бусы. Спачатку ўмовы былі камфортныя, гарэла святло, дзяўчаты нарэзалі яблыкі, частавалі пірагом, гарбатай. Але пазней з’явіўся інтэрнэт, і яны даведаліся, што сілавікі ходзяць па дамах і выцягваюць людзей з кватэраў.

— Мы, дваццаць чалавек, зачыніліся ў невялікім пакоі, вымкнулі святло, тэлефоны і сядзелі адно на адным. Гаспадыня замкнула пакой. У яе двое маленькіх дзетак. Дзеці спалі, яна спадзявалася, што кватэру не будуць абшукваць. Да нас гучна грукалі, але не выломвалі. Гаспадыня нас не выганяла, яна гатовая была хаваць нас да канца.

Кацярына прызнаецца, што ёй было страшна і маркотна праз няпэўнасць сітуацыі. У самой удома засталіся трое дзяцей. Пашанцавала, што муж вырваўся з аблогі і даехаў дадому. Тое, што адбываецца, мянчанка называе фашызмам і вайною.

— Каля 9:00 раніцы паступіла інфармацыя, што карнікі з'ехалі. Тады паціху, па чатыры асобы, мы пачалі выходзіць. Я не ведала, вярнуся дадому ці не. Было вельмі страшна.


"Як у габрэяў у 1943-м"


Уладзя запрасілі на гарбату знаёмыя. Гэта было каля 15:30, мужчына моцна змёрз. Калі выйшаў перакурыць на гаўбец — пабачыў касманаўтаў, якія набеглі на плошчу з усіх бакоў. Мужчына пастанавіў застацца ў кватэры. За ўвесь час, што ён хаваўся, іхны паверх абшуквалі разоў 5-6.

— Першыя два разы грукалі ў дзверы, мы не адчынялі. Пасля абыходзілі суседзяў. Карнікі дзяжурылі ў кожным доме, іх было па 3–6. Мы бачылі, як байцы падыходзілі да некаторых мінакоў у двары, прасілі паказаць фота на тэлефоне. Каля другой гадзіны ночы была перазменка, але адзін бус застаўся. Каля 8:30 ГУБАЗіК з’ехаў.

Застаўся ў двары бус сачыць, каб людзі не выходзілі зноў вешаць стужкі і плакаты. Калі ў Тэлеграме з’яўляліся здымкі з плошчы Пераменаў, з буса адразу вывальваліся карнікі і пачыналі бегаць па дамах, адкуль, на іхную думку, маглі фатаграфаваць. Яны чыталі ўсе чаты. Было нервова, адчуванне, як габрэі ў 1943-м.


"Дамоў мяне завезла былая міліцыянтка"


Мікалай забег у адзін з дамоў і хацеў перачакаць хапун. Ад знаёмых даведаўся, што з усіх бакоў плошчу пачынаюць акружаць і разганяць натоўп. Па гаўбцы, дзе хаваўся мужчына, пачалі страляць. Яму ўдалося ўцячы ў адну з кватэраў, дзе хаваліся 15 чалавек. Гаспадары апусцілі шторы ды вымкнулі святло, стараліся не размаўляць.

— У Тэлеграме пісалі, што карнікі ідуць з 20-га паверху і прачэсваюць кожную кватэру. Да нас моцна ламаліся каля 22:00, пазней званілі апоўначы, а 3:00 уначы. Мы даведаліся, што з суседняй кватэры затрымалі трох асобаў, двое схаваліся ў канапе. Мы падумалі, што кватэра "чыстая", і перабеглі туды. Каля 6:00 раніцы да нас пачалі пераводзіць людзей з кватэраў, дзе яшчэ не было вобшуку. А 8:00 нас было чалавек 35–40

Гаспадары нам рабілі гарбату, каву, бутэрброды. Да моманту, пакуль нас было да 20 чалавек, потым гэта немагчыма было. Страшнавата стала, калі ў чат напісалі, што АМАП увёў пашпартны рэжым на нявызначаны тэрмін. Мы пачыналі верыць, што давядзецца сядзець тыдзень.

Мікалай распавядае, што жыхары адной з суседніх кватэраў бачылі праз вочка, як сілавікі намагаліся праслухаць адмысловымі мікрафонамі сцены.

— З’явілася інфармацыя, што трыццаць чалавек дасталі з сутарэння. А 9:30 рэзка ўсе ачапленні знялі, пайшла інфармацыя, што можна выходзіць. Мы пабеглі. На вуліцы ўжо чакалі валанцёры, якія забіралі людзей сваймі аўтамі. Мяне падвозіла жанчына, былая міліцыянтка. Яна 12 жніўня звольнілася і цяпер ніводнага маршу не прапускае.


З разгону трапілі на дзень народзінаў


Надзея прыехала на плошчу Пераменаў памагчы ўпарадкаваць мемарыял. Дзяўчына з сяброўкаю ставілі лампадкі, набіралі ў вёдры ваду для кветак. Каля муралу пазнаёмілася з мясцоваю дзяўчынай. Тая сказала, што ў выпадку разгону схавае дзяўчат у сябе.

— Так і адбылося. Мы пабачылі, што да нас набліжаецца вадамёт, але працягвалі займацца мемарыялам. Пасля паляцелі святлошумавыя гранаты. Аднаго мужчыну параніла ў ногі, яго забралі перавязваць. Натоўп пачаў бегчы, а мы стараліся стаяць да апошняга, бо невядома было, куды бегчы. Пачалася цісканіна. Мы адышлі бліжэй дамоў і пабачылі, што нас абступіў АМАП. Мы пабеглі за дзяўчынай, ейны бацька пусціў нас у хату.

Надзея кажа, што сям’я святкавала дзень народзінаў, там ужо былі госці, аднак галаву сям’і колькасць людзей не збянтэжыла. Разам з гаспадарамі ў хаце было 18 чалавек.

— Мы назіралі, як руйнуюць мемарыял. Там былі іконы, фота Рамана, асабістыя рэчы, а яны ўсё знішчалі. Было адчуванне, што прыйшлі на могілкі ды пачалі разносіць, і нічога не маглі зрабіць. Да вакна падляцеў квадракоптар, калі мы ўсе высунуліся з яго. Мы леглі на падлогу.

Калі сілавікі пачалі рэйды па кватэрах, гаспадар запрапанаваў нечаканым гасцям сесці за стол. Агулам, згадвае Надзея, было шмат ідэяў, як адцягнуць увагу карнікаў. Пастанавілі, што не будуць падстаўляць гаспадароў, і, калі пачнуць ламаць дзверы, выйдуць. Аднак той сказаў, што будзем хаваць іх да канца і нікому не адчыніць.

— Ён зачыніў дзверы на ўсе замкі. Мы вымкнулі святло і сядзелі ў паніцы. Калі цябе садзяць на 15 содняў, ты ведаеш, што выйдзеш. У тэорыі. А тут невядома, што будзе далей. Мы разумелі, што мы ў цёплай кватэры, але калі 18 чалавек у замкнёнай прасторы — гэта вельмі цісне на псіхіку.

У гаспадароў было прыкладанне з камерамі, праз якое яны маглі адсочваць рухі сілавікоў. Пасля 9:00 у чатах мясцовых жыхароў з'явілася інфармацыя, што звонку ўжо бяспечна. Выходзячы, яны сустрэлі вельмі шмат людзей, якія хаваліся ў іншых кватэрах.

— Нашае аўта стаяла за кіламетр ад плошчы. Мы ўзялі яго і вярнуліся ў двор, каб падабраць людзей. Мінула, можа, некалькі хвілінаў, але народ знік. Аўтаваланцёры спрацавалі вельмі хутка.


"Белсат", 17 лістапада 2020 р.

 

 

Сям'я Бандарэнкі паведаміла, што ім не аддаюць цела.
Карнікі заявілі, што яго не забіраюць самі родныя,
і выклалі запіс прыватнай гутаркі


Сям'я Рамана Бандарэнкі, які памёр на мінулым тыдні пасьля жорсткага зьбіцьця людзьмі ў цывільным, як мяркуецца, беларускімі сілавікамі, некалькі дзён таму паведаміла, што ім не аддаюць цела загінулага. У адказ на гэта прадстаўнікі Генпракуратуры Беларусі 18 лістапада заявілі, што цела нібыта не забіралі самі сваякі, і апублікавалі запіс размовы з маці Рамана на гэтую тэму. Родныя Рамана кажуць, што размова была "прыватнай", і лічаць, што сілавікі ня мелі права яе публікаваць.

Пра тое, што сілавікі не аддаюць для пахаваньня цела, 16 лістапада расказала Вольга Кучарэнка, стрыечная сястра Рамана Бандарэнкі. Паводле яе, маці нябожчыка ў той дзень двойчы прыяжджала ў Генэральную пракуратуру — у 9 і 11 гадзін раніцы. Па словах Вольгі, там яе так і не прынялі, прапанаваўшы чакаць адказу і зьвяртацца пазьней.

Бандарэнку зьбілі і вывезьлі невядомыя ў цывільным увечары 11 лістапада, а 12 лістапада стала вядома, што ён памёр у рэанімацыі. Цела на той момант сям'я не магла атрымаць ужо некалькі дзён.

— Яшчэ ў пятніцу былі ў Сьледчым камітэце, там адказалі, што справа ўжо ў Генпракуратуры, зьвяртацца трэба туды. Мы так і зрабілі, адказу не атрымалі. Нам казалі, што менавіта сьледчы павінен даць дазвол на выдачу цела, — расказала Вольга ў панядзелак. — Мы ня ведаем нічога: зрабілі экспэртызу ці не, цела Рамана нам пакуль не аддалі, з намі ніхто ня зьвязваўся. Трэба ж плянаваць пахаваньне... Пайшоў чацьвёрты дзень.
Пасьля таго як Вольга зьвязалася са СМІ, Генпракуратура праз два дні апублікавала сваю вэрсію таго, што адбылося, і заявіла, што цела нібыта не забіралі самі сваякі. У сваёй заяве ведамства ўжывае словы "неаднаразова прапаноўвалі забраць цела сына для пахаваньня" і "сваякі памерлага ўхіляюцца ад таго, каб забраць цела".

Таксама Генпракуратура Беларусі выклала ў інтэрнэт аўдыёзапіс размовы з маці загінулага. На ім супрацоўнік Дзяржкамітэту судовых экспэртызаў цікавіцца, калі сваякі будуць забіраць цела, і падкрэсьлівае, што жанчына нібыта напярэдадні атрымала ўсе неабходныя дакумэнты.

"Я была ўвечары, мяне ўвечары выклікалі ў Генэральную пракуратуру. Я сказала, што мне трэба выспацца і прыйсьці ў сябе і я яшчэ нават не пачала займацца арганізацыяй", — кажа жанчына на запісе. У канцы размовы мужчына яшчэ раз кажа, што зь іх боку "ўсё гатова".

— Званок, які выклала Генэральная пракуратура, паступіў сёньня раніцай, 18 лістапада, хоць з паведамленьня ствараецца ўражаньне, што гэта было яшчэ ў панядзелак. Нам здаецца дзіўным і не зусім карэктным, што асабісты званок публікуе афіцыйнае ведамства, — пракамэнтавала дзеяньні беларускіх карнікаў Вольга Кучарэнка.

Яна яшчэ раз пацьвердзіла, што сям'я двойчы ў панядзелак зьвярталася ў пракуратуру з пытаньнем аб выдачы цела, але адказу не атрымала.

— За намі сачылі ня менш як 20 чалавек. Мы ня ведаем, для чаго гэта робіцца, — асобна падкрэсьлілі родныя Рамана Бандарэнкі.

Беларускія тэлеграм-каналы таксама паведамілі, што да галоўнага сысадміна БСМП (менскага шпіталя хуткай дапамогі), куды быў дастаўлены Бандарэнка, прыходзілі прадстаўнікі Сьледчага камітэту, якія выдалілі гісторыю хваробы Рамана з базы клінікі. У клініцы гэта афіцыйна пакуль не пацьвердзілі.

 

Такую паломку, як на водаправодзе ў Новай Баравой,
рамантуюць 1,5–2 гадзіны, ня трое сутак


У мікрараёне Новая Баравая трое сутак не было ні халоднай, ні гарачай вады. Афіцыйна — была зламаная засаўка. Мы спыталі ў спэцыялістаў, наколькі сур’ёзная гэтая аварыя і колькі часу трэба на рамонт.

Наш чытач Сяргей працуе майстрам-рамонтнікам у ЖЭСе ў Менску. Ён выяжджае на аварыі накшталт той, якая здаралася на водаправодзе ў Новай Баравой. Майстар кажа, што так доўга ў прынцыпе ня могуць чыніць адну засаўку.

— Пакідаць без аніякай вады цэлы мікрараён на некалькі дзён — за такое павінны звольніць дырэктара ЖЭСа, галоўнага інжынэра і майстра. Мы ня можам нават пад’езд так надоўга пакінуць без вады, гэта нешта надзвычайнае.

Сяргей кажа, што з падобнай аварыяй спраўляюцца звычайна цягам 1,5–2 гадзін. Суткі — гэта самы доўгі час, які можа спатрэбіцца. Гэта калі складаная аварыя, калі да пашкоджанага ўчастку няма доступу або калі трэба закупіць дадатковыя матэрыялы.

Калі паламалася засаўка на сантэхнічнай магістралі, як пра гэта было сказана ў афіцыйным тлумачэньні, рамонтнікі перакрываюць ваду на двух суседніх участках, зьліваюць яе і мяняюць паламаную засаўку на новую.

— Калі аварыя такога маштабу, зь ёй спраўляюцца ўмомант, — сказаў спэцыяліст.

У мікрараёне "Новая Баравая", дзе жыве 10 тысяч чалавек, не было ні халоднай, ні гарачай вады ад раніцы 16 лістапада да раніцы 18 лістапада. Але перабоі з падачай пачаліся яшчэ 15 лістапада. Да таго ж тут на дзень адключалі ацяпленьне.

 

"Скажаш, што нам трэба, — адпусьцім".
Як амапаўцы прымусілі хлопца гаварыць пра дымавыя шашкі


26-рочнвы Павал Кабуш, якога затрымалі 8 лістапада ў Менску і аштрафавалі на 540 рублёў, расказаў, як амапаўцы прымусілі яго гаварыць на відэа пра дымавыя шашкі, якія ён нібыта хацеў кідаць у амапаўцаў. Павал расказаў, што насамрэч у яго не было ніякіх шашак, ён іх не кідаў і не зьбіраўся кідаць.

Павал Кабуш займаецца кампутарнай графікай. Яго затрымалі паміж Стэлай і станцыяй мэтро "Няміга". Ён не супраціўляўся, калі яму сказалі ісьці ў мікрааўтобус.

— У іншай сытуацыі я, вядома, уцякаў бы, як ня раз было, але тут АМАПу рэальна было процьма і перакрыта ўсё з усіх бакоў, — кажа ён.
У бусе яму загадалі стаць на калені, білі па галаве і прымусілі сказаць пароль ад тэлефона.


Што напісалі афіцыйныя СМІ?


Сайт афіцыйнай газэты sb.by паказаў відэа, на якім Паўла ў бусе дапытваюць амапаўцы. Загалоўкі артыкулаў былі шматабяцальныя: "Цьвікі пад коламі, дымавыя шашкі, камяні ў кішэнях — акцэнты вулічныя бандыты расставілі ўжо з пачатку нямірнага пратэсту", "Адны зьбіраліся кідаць дымавыя шашкі, іншыя "гулялі" з каскамі і камянямі. У Менску — чарговы марш". У Паўла амапаўцы пыталіся на відэа:

— Раскажыце, зь якой мэтай вы прыйшлі на несанкцыянаванае масавае мерапрыемства?
— З мэтай закідаць шашкамі...
— Якімі шашкамі?
— ...супрацоўнікаў АМАПу. Дымавымі.
— Дзе вырабляліся шашкі?
— Шашкі вырабляліся... Я ня ведаю, дзе.

На гэтым паказанае відэа абрываецца.


Што было папраўдзе?


Калі амапаўцы атрымалі доступ да тэлефона Паўла, то ўбачылі ў ім фрагмэнты кліпа, якія хлопец пакінуў на памяць. Месяц таму як супэрвайзэр спэцэфэктаў ён браў удзел у здымках кліпа для музычнай групы Korn, які рабіўся на замову кампаніі Wargameing.

— Здымкі праходзілі ў пяшчаным кар’еры за Менскам. Для стварэньня атмасфэры спэцыяльна навучанымі прафэсіяналамі-піратэхнікамі выкарыстоўваліся дымавыя машыны і дымавыя шашкі (на відэа відаць, як акуратна зь імі абыходзіліся, кідаць іх, вядома, хутчэй за ўсё, немагчыма). Ды і наогул дымавыя шашкі ніякай шкоды не наносяць, іх у асноўным для прыгажосьці і выкарыстоўваюць, можна знайсьці адпаведныя відэа на ютубе, — кажа Павал Кабуш.

Амапаўцы пачалі распытваць пра гэта відэа, знойдзенае ў тэлефоне Паўла. Яны былі ўпэўнены, што гаворка ідзе пра выраб шашак для нападу на АМАП.

— Сталі пытацца (крыкам): "Навошта рабілі дымавыя шашкі?!" На што я ў зьдзіўленьні адказваў, што ніякіх шашак не рабіў. Іх такі адказ не задавальняў, і яны працягвалі біць па галаве ўсё мацней і перапытваць усё ў больш агрэсіўнай манеры. Па іхным тоне было зразумела, што іншы адказ іх не задаволіць, ды і ў вушах ужо зьвінела. Потым амапавец, які сядзеў на пярэднім сядзеньні, сказаў нешта накшталт: "Скажаш, што нам трэба, — усё будзе добра, адпусьцім". На што я падумаў: ого, гэта кшталту яны хочуць зь мяне прызнаньне выбіць, як бывае ва ўсякіх фільмах.

Павал кажа, што амапаўцы мелі вельмі сур’ёзныя намеры, таму не было іншага выйсьця, як падыграць.


Афіцыйныя СМІ абрэзалі відэа


Афіцыйныя СМІ паказалі толькі частку запісу. Павал расказаў, пра што амапаўцы пыталіся на відэа далей і што ён ім адказваў.

Паказалі толькі частку, і выйшла неяк так:

— А хто рабіў шашкі?
— Э-э-э... Я ня ведаю.
— Дзе вы іх хацелі кідаць?
— М-м-м, а дзе вы хочаце?
— На Пушкарах?
— Ну добра, няхай на Пушкарах.
— Як даведаліся, як іх рабіць?
— Гм-м, ну можа, з тэлеграм-каналаў? (ім такі адказ асабліва спадабаўся, яны такія: "Так, сапраўды, тэлеграм-каналы").
— Зь якіх тэлеграм-каналаў?
— Гм-м, ну няхай можа зь "Нехты"?
— Якой яшчэ "Нехты"?

Павал Кабуш кажа, што тут у амапаўцаў зьявіліся нейкія сумневы.

— Яны спыталі: вось у цябе на тэлефоне відэа, дзе вы рыхтуеце дымавыя шашкі для нападу на АМАП. Тут я, вядома ж, зразумеў, пра што гаворка, і патлумачыў адкуль гэтыя відэа і як мы іх зрабілі.


"На сьпіне намалявалі чырвоны крыж"


Ампаўцы паспрабавалі нанава запісаць допыт, але Павал казаў ужо, што ніякіх шашак не рабіў, і патлумачыў, як зьявіліся відэа ў яго тэлефоне.

— Яны, вядома ж, засмуціліся, адзін сказаў другому, што я ўжо нічога не скажу. Мяне павярнулі тварам у сядзеньне, яшчэ пару разоў ударылі, сьцягнулі рукі сьцяжкамі. Рукі пазначылі фарбай з балёнчыка, а на сьпіне намалявалі чырвоны крыж. Сказалі, што на крыміналку я ўжо нагаварыў, — апавядае Павал.

Пазьней, калі Паўла перасаджвалі ў аўтазак, амапаўцы сказалі канваіру, маўляў, ёсьць доказы, што ён рыхтаваў напад на АМАП.

— Я сказаў, што няма ніякіх доказаў, і за гэта адразу атрымаў ад канваіра сур'ёзны ўдар у жывот і зразумеў, што спроба была наіўная. З таго часу ня мела значэньня, што здарылася, чырвоны крыж проста азначаў, што гэтага чалавека трэба жорстка біць. Рэбры дагэтуль баляць. У аўтазаку сказалі клясычнае "Прымі жорстка", пабілі і пасадзілі ў клетку, потым туды падсадзілі яшчэ трох хлопцаў. Давезьлі да РУУС, там хлопцаў вывелі, а мяне пакінулі ў аўтазаку, каб яшчэ раз пабіць. Пасьля гэтага павялі ў РУУС з усімі, трохі дабаўляючы па дарозе.


"Потым далі азнаёміцца з тым, у чым мяне вінавацяць"


У пастарунку ў Паўла спыталіся, за што яму намалявалі крыж. Калі ён дастаў асабістыя рэчы, а сярод іх былі незвычайныя навушнікі, спыталі, ці выкарыстоўваліся яны для сувязі з каардынатарамі.

— Пасьля гэтага сьледчы сказаў мне: "Тэрарыст, так?" і накіраваў далей чакаць. Потым далі азнаёміцца з тым, у чым мяне вінавацяць. І там быў звычайны ўдзел у масавым мерапрыемстве — адміністрацыйка.

У пратаколе напісалі, што віну цалкам прызнаў, праходзіў міма і падышоў паглядзець, пасьля чаго быў затрыманы.

Павал Кабуш цяпер знаходзіцца за межамі Беларусі. Ён скончыў факультэт радыёфізыкі і кампутарных тэхналёгій Белдзяржунівэрсітэту з чырвоным дыплёмам.

— Спакойна працаваў і да выбараў, вядома, як і ўсе, разумеў, што ўсё дрэнна, але больш клапаціўся пра сябе. Як і многія думаў, што нас занадта мала і нічога ня выйдзе. Цяпер жа ўпэўнены, што нас большасьць і ў нас няма шанцу прайграць, — кажа Павал.

 


Менчука асудзілі на тры рока калёніі за напад на амапаўца 14 ліпеня


Суд Цэнтральнага раёну Менску 17 лістапада прысудзіў тры рока калёніі 21-рочнаму тэхніку Антону Лакішыку за напад на амапаўца Яўгена Дудкіна 14 ліпеня на Нямізе. Судзьдзя Вікторыя Шабуня прызнала маладзёна вінаватым паводле артыкулу 364 Крымінальнага кодэксу (гвалт у дачыненьні да супрацоўніка АМАПу), паведамляе праваабарончы цэнтар "Вясна".

Нягледзячы на тое, што супрацоўнік менскага АМАПу пасьля бойкі з Антонам не атрымаў цялесных пашкоджаньняў і не зьвяртаўся ў мэдыцынскія ўстановы, яму прысудзілі кампэнсацыю маральнай шкоды ў тысячу рублёў.

Антон Лакішык цалкам прызнаў сваю віну, яму прызначылі пакараньне, якое прасіў пракурор.

Хлопец уступіў у бойку з амапаўцам, калі яго калегі пачалі выхопліваць і затрымліваць пратэстоўцаў у счэпцы. Антона Лакішыка арыштавалі ў залі суду.


Што здарылася 14 ліпеня


21-рочнага Антона Лакішыка затрымалі 14 ліпеня каля мэтро "Няміга". У той вечар менчукі выйшлі на стыхійныя акцыі ў знак пратэсту супраць нерэгістрацыі ў якасьці кандыдатаў у прэзыдэнты Віктара Бабарыкі і Валера Цапкалы. У некаторых месцах гораду адбыліся жорсткія сутыкненьні зь карнікамі.

У той вечар Антона пратрымалі некалькі гадзін у РУУС Цэнтральнага раёну і адпусьцілі. На яго склалі пратакол паводле артыкулу 23.34 КаАП (удзел у несанкцыянаваным масавым мерапрыемстве). На хлопца завялі крымінальную справу за гвалт над супрацоўнікам АМАПу паводле артыкулу 364 Крымінальнага кодэксу.

Антона паўторна затрымалі 23 ліпеня на працы, толькі ўжо ў межах крымінальнай справы. 21-грочны хлопец прабыў у СІЗА №1 у Менску каля двух месяцаў — да 8 верасня. Антона выпусьцілі на волю, зьмяніўшы меру стрыманьня на падпіску аб нявыезьдзе. У суд Антон прыходзіў самастойна.


Што было на судзе


Супрацоўнік АМАПа Яўген Дудкін на судзе адзначыў, што фізычных пакут ён не панёс, цялесных пашкоджаньняў не было, у мэдыцынскую ўстанову не зьвяртаўся ў сувязі зь нязначнасьцю гэтых пашкоджаньняў. Пры гэтым свае маральныя пакуты ад гэтых удараў ацаніў у 1000 рублёў.

Антон у судзе цалкам прызнаў віну і ўжо пасьпеў пакрыць маральную шкоду супрацоўніку АМАПу — 1000 рублёў, каб зьмякчыць пакараньне.

На судзе Антон Лакішык патлумачыў, што ў самым несанкцыянаваным мерапрыемстве 14 ліпеня ўдзелу ня браў, а назіраў збоку. Ён бачыў, як да ўдзельнікаў акцыі пратэсту падышлі супрацоўнікі міліцыі, пасьля чаго першыя пачалі станавіцца ў счэпку, а карнікі пачалі іх затрымліваць, у тым ліку з ужываньнем сілы.

На судовым працэсе Антон Лакішык адзначыў, што знаходзіўся ў той момант у стане вельмі моцнага хваляваньня, "гэтыя падзеі яго абурылі". Ён пачуў, як у натоўпе нехта крыкнуў: "Наперад!" — Антон успрыняў гэта як заклік да наступу да супрацоўнікаў міліцыі. Са словаў Антона, ён паддаўся эмацыйнаму парыву і хацеў дапамагчы пратэстоўцу, якога пачалі затрымліваць. Ён штурхнуў супрацоўніка АМАПу ў спіну, ударыў яго нагой у правую нагу і рукой у грудзі. Пасьля гэтага да Антона Лакішыка "была ўжытая фізычная сіла" і яго затрымалі.

Да крымінальнай і адміністрацыйнай адказнасці 21-рочны хлопец раней не прыцягваўся.

Антон, ягоныя блізкія і абарона хлопца былі шакаваныя суровай прапановай пракурора (3 рока калёніі). Сам пацярпелы супрацоўнік АМАПу згаджаўся з абаронцай у судзе, якая хадайнічала вызваліць Антона ад крымінальнай адказнасьці з прыцягненьнем яго да адміністрацыйнай.

У судовых спрэчках пацярпелы супрацоўнік АМАПу Яўген Дудкін адзначыў, што "асабіста ў яго да Лакішыка непрыязнасьці няма, ён выконваў сваю працу". Прасіў суд пакараць Антона на "яго думку", але папрасіў пры прызначэньні пакараньня Антону "ўлічыць узрост і ўплыў экстрэмісцкіх тэлеграм-каналаў".

Судзьдзя Вікторыя Шабуня асудзіла Антона Лакішыка на тры рока пазбаўленьня волі з адбываньнем пакараньня ў калёніі агульнага рэжыму.

 


25-рочнага праграміста пасадзілі на 4 рока
за распылены ў міліцыянтаў пярцовы газ


Суд Фрунзенскага раёну Менску пакараў 25-рочнага інжынэра-праграміста 4 рокамі зьняволеньня ў калёніі агульнага рэжыму, паведаміла "Вясна".

У суботу 5 верасьня 25-рочны інжынэр-праграміст Павал Манкіненка прыйшоў зь бел-чырвона-белым сьцягам да народнага мэмарыялу Аляксандру Тарайкоўскаму на вуліцы Прытыцкага.

Праз 10 хвілінаў да яго падышлі два міліцыянты. Каб унікнуць затрыманьня, Павал пырснуў на іх з газавага балёнчыка і кінуўся наўцёкі. Аднаму міліцыянту газ трапіў у вочы. Другі дагнаў Манкіненку на прыступках падземнага пераходу. Усчалася тузаніна, яны ўдвох паваліліся і скаціліся са сходаў.

Тады Манкіненку ўдалося вырвацца і ўцячы. Але праз тыдзень яго затрымалі.

У апошнім слове Павал Манкіненка сказаў, што на волі можа прынесьці значна больш карысьці грамадзтву, чым у турме. Аднак судзьдзя Андрэй Млечка адправіў яго на 4 рока ў калёнію агульнага рэжыму.

 

Ціханоўская заклікала эўрапейскіх лідэраў
падтрымаць эканамічныя санкцыі супраць рэжыму Лукашкі


Сьвятлана Ціханоўская знаходзіцца зь візытам у Стакгольме, дзе ў аўторак сустрэлася з кіраўніком МЗС Швэцыі Ан Ліндэ, лідэрам апазыцыі Ульфам Крыстэнсанам, прадстаўнікамі швэдзкіх НДА і беларускай дыяспарай.

Падчас сустрэчы зь міністрам замежных спраў Швэцыі Ан Ліндэ Сьвятлана Ціханоўская заклікала Швэцыю падтрымаць індывідуальныя і эканамічныя санкцыі супраць людзей, якія ажыцьцяўляюць фальсыфікацыі і рэпрэсіі; кампаній, зьвязаных з Лукашэнкам, і дзяржаўных прадпрыемстваў, якія звальняюць работнікаў за страйкі.

— Толькі эканамічны ціск прымусіць гэты рэжым сысьці, таму што ў іх ня будзе грошай, каб заплаціць за АМАП і іх злачынствы, — сказала Сьвятлана Ціханоўская ў інтэрвію агенцтву Reuters у Стакгольме.

У інтэрвію швэдзкім СМІ Святлана Ціханоўская зьвярнулася да прыватных эўрапейскіх кампаніяў і заклікала перагледзець кантракты ь беларускімі партнэрамі і падтрымаць тых, хто змагаецца за свабоду. Таксама яна заклікала эўрапейскія банкі адмовіцца ад супрацоўніцтва зь "Беларусбанкам" і "Белаграпрамбанкам".

У сувязі з тым, што з 1 верасьня Швэцыя становіцца старшынёй АБСЭ, на сустрэчы зь міністрам замежных справаў Ан Ліндэ абмяркоўвалася магчымасьць выкананьня рэкамэндацый дакладу паводле Маскоўскага мэханізму, правядзеньня міжнароднага расьсьледаваньня злачынстваў і ўдзел Міжнароднага крымінальнага суду ў разглядзе злачынстваў супраць чалавечнасьці ў Беларусі. Сьвятлана Ціханоўская заклікала Швэцыю быць больш актыўнай у АБСЭ, каб стварыць неабходную пляцоўку для перамоваў паміж прадстаўнікамі рэжыму і дэмакратычнай супольнасьцю.

18 лістапада заплянаваныя сустрэчы Святланы Ціханоўскай з прэм’ер-міністрам Швэцыі Стэфанам Лёвенам і генэральным дырэктарам Швэдзкага агенцтва супрацоўніцтва ў галіне разьвіцьця (SIDA) Карын Ямтын.

Чакаецца, што ўжо ў чацьвер Эўразьвяз разгледзіць пытаньне значнага пашырэньня санкцыйнага сьпісу і аказаньня фінансавай падтрымкі беларускай грамадзянскай супольнасьці. Мова ідзе аб выдзяленьні 24 мільёнаў эўра дапамогі беларускай грамадзтву і 3,5 мільёна эўра для незалежных СМІ і ахвяр рэпрэсій.


"Радыё Свабода", 18 лістапада 2020 р.

 


У дамах Новай Баравой з'явілася гарачая і халодная вада


Аднак мясцовыя жыхары не вырашаюцца яе піць.

У дамах Новай Баравой у Менску з'явілася гарачая і халодная вада. Гэтую інфармацыю пацвердзілі мясцовыя жыхары.

— З'явілася а чацвёртай гадзіне раніцы. Пакуль не рызыкуем яе піць, чакаем, але рады, — пацвердзілі ў адной з кватэр інфармацыю з мясцовых чатаў.

У пратэстным менскім мікрараёне Новая Баравая вады не было тры дні. У аўторак там праз гэта не працавала школа, жыхары насілі ваду ў бутэльках і вёдрах. Акрамя таго, учора раніцай у некаторых дамах прападала ацяпленне. Жыхары ўсё гэта ўважаюць за помсту ўладаў за пратэстныя настроі ў квартале.

Нагадаем, што раён з самага пачатку выбарчай кампаніі стаў эпіцэнтрам пратэстаў, пасля выбараў у квартале людзі актыўна вывешваюць бел-чырвона-белыя сцягі.

Неабыякавыя менчукі, дарэчы, адразу стварылі чат, дзе прапаноўвалі разнастайную дапамогу жыхарам НБ — ад запрашэння памыцца да месца для начлегу на некалькі дзён.

 


Найбуйнейшы імпарцёр калійных угнаенняў выставіў ультыматум "Беларуськалію"


Парушэнне права шахцёраў на страйк стала прычынай для перагляду кантрактаў і далейшага супрацоўніцтва.

Кіраўніцтва нарвэжскай кампаніі Yara запатрабавала ў гендырэктара "Беларуськалія" растлумачыць сітуацыю пра рэпрэсіі і звальненні работнікаў, якія падтрымалі страйк.

Найбуйнейшы імпарцёр калійных угнаенняў нарвэжская кампанія Yara заяўляе аб пераглядзе дачыненняў з ААТ "Беларуськалій". Пра гэта стала вядома страйку прадпрыемства.

— Кіраўніцтва нарвэжскай кампаніі выйшла на сувязь з генеральным дырэктарам ААТ "Беларуськалій" Іванам Галаватым і запатрабавала растлумачыць сітуацыю пра рэпрэсіі і звальненне работнікаў, якія падтрымалі страйк, — паведамілі ў страйкаме.

Страйкам неаднаразова звяртаўся да асноўнага імпарцёру, падаючы факты пра рэпрэсіі ў дачыненні да супрацоўнікаў прадпрыемства, якія адкрыта выказваюць сваю грамадзянскую пазіцыю.

— На ўсіх чальцоў страйку беспрэцэдэнтна ціснуць — штрафы, пазбаўленне волі. Пад пагрозай апынуліся сямейнікі. Некаторых выселілі з арэнднага жылля разам з маленькімі дзецьмі. У кватэрах некаторых праходзяць ператрусы, людзям паступаюць пагрозы аб канфіскацыі дзяцей з сям'і. Прадстаўнік кампаніі Yara заявіў, што гэтыя факты сталі прычынай для перагляду кантрактаў і далейшага супрацоўніцтва з ААТ "Беларуськалій", — адзначылі ў страйкаме.

Ёсць інфармацыя аб тым, што генеральны дырэктар Іван Галаваты ў размове з партнёрамі адмовіўся пацвярджаць пададзеныя факты.

Нагадаем, 13 лістапада падчас экскурсіі на радзіму нацыянальнага героя Касцюшкі чальцоў страйкаму і жыхароў Салігорска адбылося масавае затрыманне людзей, пасля чаго больш за 40 чалавек былі асуджаныя і атрымалі пакаранні ў выглядзе штрафаў і пазбаўлення волі.

— Генеральны дырэктар Галаваты адмаўляецца ісці на дыялог з прадстаўнікамі страйкаму і спрабуе ціснуць на іх праз органы ўнутраных спраў, — адзначылі ў страйкаме.

Цяпер страйкам ААТ "Беларуськалій" аб'ядноўвае больш за 90 супрацоўнікаў аб'яднання.

За апошнія дзень да рэспубліканскага страйку яшчэ далучыліся слесар-рамонтнік 4РУ ААТ "Беларуськалій" Аляксандр Куўшынаў і электра-слесар 3РУ Андрэй Сцешыц і яшчэ адзін рабочы гэтага рудніка Дзмітрый Якубовіч.

А таксама прадстаўнікі салігорскага ААТ "Будтрэст №3" Кірыл Кяцко, Уладзімір Макараў, Арцём Мяцельскі, работнік ТАА "НВА Пасат" (Салігорск) Аляксей Цвяткоў , Маторабудаўнік з Менскага маторнага завода Раман Кувашоў, Ларыса Шанюк (БМЗ), чыгуначнік Максім Азарка (БЕЛЖД ) ды іншыя.

 


Дацэнт Гарадзенскага медуніверсітэта абвясціў страйк


Аляксандр Бубен верыць у лепшы лёс Беларусі.

Дацэнт Гарадзенскага медуніверсітэта, кандыдат біялагічных навук Аляксандр Бубен учора далучыўся да агульнанацыянальнага страйку. Ён запатрабаваў спыніць гвалт супраць грамадзян Беларусі, распачаць крымінальныя справы супраць садыстаў-карнікаў, вызваліць палітычных зняволеных, спыніць рэпрэсіі, а таксама правесці сумленныя выбары, паведамляе Telegram-канал "НЕХТА".

Ужо сёння стала вядома, што выкладчыка звальняюць. Дарэчы, Аляксандр Леанідавіч — адзіны настаўнік хіміі з навуковай ступенню, які выкладае ў Гарадзенскім медуніверсітэце замежнікам на ангельскай мове. Таксама ён аўтар 27 навуковых артыкулаў (у тым ліку на замежных мовах) і 8 навучальных дапаможнікаў.

Аляксандр кажа, што ні пра што не шкадуе і перадае наступныя словы:

— Я веру ў лепшы лёс Беларусі і ўпэўнены, што народ Беларусі варты быць у сям'і эўрапейскіх дзяржаў. Ён заслужыў гэта!

 


Забастоўка набірае абароты на прамысловых гігантах Беларусі


Да стачцы далучаюцца ўсё новыя работнікі.

Забастоўка набірае абароты сярод працоўных на прамысловых гігантах Беларусі.

Сёння да страйку далучыўся яшчэ адзін працаўнік "Беларуськалія" Антон Цікавенка, паведамляе телеграм-канал "Баста!".

Працаўнік МТЗ Андрэй Шуленка таксама далучыўся да стачцы.

 


Вядучы інжынер "Беларуськалія" далучыўся да страйку


Арцём Брыль заявіў, што хоча, каб яго дзеці жылі пры іншае ўладзе.

Telegram-канал "Хартыя-97%" паведаміў аб далучэньні да страйку вядучага інжынера па ахове працы на "Беларуськаліі" Арцёма Брыля.

"Бязмежжа карных ведамстваў ды самадурства кіраўнікоў пераходзіць усе магчымыя ды немагчымыя межы. Усе гэтыя збіцьця, акты гвалту, затрыманьні, сфабрыкаваныя крымінальныя справы, патокі хлусьні, якія ільюцца нам у вушы з усіх дзяржаўных СМІ, змешваньне народа з брудам немагчыма ды нельга больш трываць.

Менавіта таму з 2020/11/18 я далучаюся да стачкі ды Агульнанацыянальнай страйку.

Я выступаю за тое, каб нашыя дзеці жылі ў дзяржаве, якая клапоціцца пра сваіх грамадзян, а не займаецца генацыдам", — заявіў працаўнік салігорскага прадпрыемства.

 


Сваякі Рамана Бандарэнкі: За намі сачылі не менш за 20 чалавек,
людзі ў цывільным стаялі на кожным паверсе


Сям'я Героя Беларусі расказала пра здзек з боку лукашыстаў.

Генпракуратура заявіла, што сям'я можа забраць цела Рамана Бандарэнкі, выклаўшы пры гэтым аўдыязапіс размовы з маці загінулага мужчыны. Пра гэта паведаміла прэс-служба ўстановы. Родныя кажуць, што гэтае тэлефанаванне адбылося сёння раніцай.

У паведамленні Генпракуратуры гаворыцца, што раніцай у панядзелак, 16 лістапада, прадстаўнікі ўстановы праінфармавалі маму Рамана Бандарэнкі, які загінуў пры пакуль не высветленых абставінах пасля затрымання невядомымі на "Плошчы пераменаў" у Менску, што дазвол на выдачу цела яе сына накіраваны ў Дзяржкамітэт судовых экспертызаў.

Таксама Генпракуратура абнародавала аўдыязапіс размовы з мамай Рамана Бандарэнкі.

— Тэлефанаванне, якое выклала Генеральная пракуратура, паступіла сёння раніцай, хоць з паведамлення ствараецца ўражанне, што гэта было яшчэ ў панядзелак. Нам здаецца дзіўным і не зусім карэктным, што асабісты званок публікуе афіцыйная ўстанова, — каментуе tut.by Вольга Кучарэнка, стрыечная сястра Рамана Бандарэнкі.

Яна пацвярджае, што сапраўды двойчы ў панядзелак сям'я звярталася ў пракуратуру з пытаннем пра выдачу цела.

— Мы цяпер жывем у машыне, спім 2-4 гадзіны, каб развязаць усе юрыдычныя пытанні, — адзначае Вольга.

Учора сям'я ездзіла набываць касцюм для Рамана.

— За намі сачылі не менш за 20 чалавек, людзі ў цывільным стаялі на кожным паверсе крамы. Мы не ведаем, для чаго гэта робіцца, – кажуць родныя Рамана Бандарэнкі.

Нагадаем, днём 16 лістапада Вольга Кучарэнка, стрыечная сястра Рамана Бандарэнкі, расказала, што ягоная мама ў той дзень двойчы прыязджала ў Генеральную пракуратуру — а 9 і 11 гадзінах раніцы. Паводле словаў Вольгі, жанчыну там так і не прынялі, прапанаваўшы чакаць адказу і звяртацца пазней.

Яшчэ ў пятніцу былі ў Следчым камітэце, там адказалі, што справа ўжо ў Генпракуратуры, звяртацца варта туды. Мы так і зрабілі, адказ не атрымалі. Нам казалі, што менавіта следчы павінен даць дазвол на выдачу цела, — расказала Вольга. — Мы не ведаем нічога: зрабілі экспертызу ці не, цела Рамана нам пакуль не аддалі, з намі ніхто не звязваўся. Трэба ж планаваць пахаванне... Пайшоў чацвёрты дзень.

31-рочны Раман Бандарэнка 11 лістапада выйшаў на "Плошчу пераменаў", каб спытаць у людзей у цывільным і масках, навошта яны здымаюць бел-чырвона-белыя стужкі. Як расказвалі відавочцы, на Рамана накінуліся невядомыя, сталі біць, а потым "прафесійна затрымалі" і аднеслі ў мікрааўтобус. Праз паўтары гадзіны ён быў дастаўлены з Цэнтральнага РУУС Менска ў лякарню. Аперацыя доўжылася некалькі гадзінаў, жыццё маладога чалавека выратаваць не атрымалася.

 


Куды зніклі падазраваныя ў нападзе на Рамана Бандарэнку Баскаў і Шакута?


Месцазнаходжанне набліжаных да Лукашкі старшыні ФХБ і чэмпіёна свету ў тайскім боксе невядомае.

Учора Дзмітрый Баскаў выпусціў афіцыйны зварот, у якім пракаментаваў абвінавачванні на свой адрас у сувязі са смерцю Рамана Бандарэнкі. Аднак там не было канкрэтыкі — старшыня ФХБ так і не сказаў, ці быў ён на "Плошчы перамен" вечарам 11 лістапада. Сёння журналісты tut.by яшчэ раз паспрабавалі даведацца гэта.

Нагадаем, што сведкі заявілі, што бачылі ў той вечар на "Плошчы перамен" чалавека, падобнага да Дзмітрыя Баскава.

Увечары 12 лістапада і раніцай 13 лістапада журналісты неаднаразова спрабавалі пагутарыць з Дзмітрыем Баскавым. Але ён адмаўляўся ад размовы і кідаў слухаўку. Прэс-сакратар ФХБ сказала, што старшыні няма на месцы і найбліжэйшыя дні не будзе.

17 лістапада ў федэрацыі журналістам заявілі, што Дзмітрыя па-ранейшаму няма на месцы, ён знаходзіцца на лістку непрацаздольнасці.


Што Баскаў сказаў 17 лістапада


Ва ўчарашнім афіцыйным звароце Дзмітрый заявіў наступнае:

— Ужо вельмі шмат рокаў мая грамадзянская пазіцыя застаецца нязменнай, я ніколі яе не хаваў і не буду хаваць. І тое, што яна разыходзіцца з пазіцыяй многіх незалежных журналістаў і пратэстна настроенай часткі грамадства, упэўнены, ляжыць цяпер у аснове так хутка выстаўленых у дачыненні да мяне безгрунтоўных абвінавачванняў.

Я гэта падкрэсліваю: абвінавачванняў у тым, да чаго я не маю ніякага дачынення (?!), нагодай для якіх паслужыла выключна адрозная ад іх поглядаў мая асабістая грамадзянская пазіцыя.

Больш за тое, менавіта гэтыя людзі прама зараз спрабуюць ўбачыць мяне там, дзе мяне не было і няма, нават у нейкіх аэрапортах, самалётах ці адразу некалькіх местах (?!) і краінах адначасова.

Як бачым, ён зняпраўджвае "беспадстаўныя абвінавачванні", аднак без канкрэтыкі, не згадваючы вечар 11 лістапада. Таму мы патэлефанавалі яму сёння.


Што Баскаў сказаў 18 лістапада


Нам удалося датэлефанавацца да Дзмітрыя сёння і яшчэ раз спытаць яго аб тым, ці быў ён на "Плошчы перамен" 11 лістапада. Ён адказаў літаральна наступнае:

— Я зрабіў заяву, там усё напісана, больш я нічога каментаваць не буду.

Журналісты паўтарылі яму пытанне ў мэсэнджаер, аднак зноў не атрымалі канкрэтыкі. Баскаў толькі дадаў пра тое, што "пасля неабгрунтаваных абвінавачванняў tut.by і "Трыбуны" некаторыя агрэсіўна настроеныя людзі сталі тэлефанаваць і пісаць яму і ягонай жонцы і пагражаць пазбаўленнем жыцця, у тым ліку іх маленькаму дзіцяці".

На пярэчанне аб тым, што "мы нікога не вінавацім, а толькі хочам атрымаць адказ на наша пытанне", ён не адказаў.


Дзе цяпер знаходзяцца Баскаў і Шакута?


На гэтае пытанне ў журналістаў пакуль таксама няма адказу. У ФХБ нам паведамілі, што Дзмітрый Баскаў цяпер знаходзіцца ў Беларусі, але дзе дакладна — яны не ведаюць, і паўтарылі, што ён цяпер на лістку непрацаздольнасці (?).

Адзін з суседзяў Дзмітрыя распавёў, што ўжо некалькі дзён (з 12 лістапада і дагэтуль) не бачыў машыны Баскава і ягонай жонкі на паркінгу дома.

На пытанне журналістаў пра яго месцазнаходжанне старшыня ФХБ таксама не адказаў.

Нагадаем, што на "Плошчы перамен" у той жа вечар 11 лістапада жыхары бачылі і чалавека, падобнага да чэмпіёна свету ў тайскім боксе і кікбоксінгу Дзмітрыя Шакуту.

Журналісты не здолелі высветліць, дзе ён зараз знаходзіцца. Мабільны Дзмітрыя выключаны, тэлефон, пазначаны на сайце яго байцоўскага клуба Shock, альбо не адказвае, альбо выключаны.

16 лістапада журналісты з'ездзілі ў клуб Shock, аднак аўтамабіля Шакуты побач не было, а адміністратар не стаў адказваць на нашыя пытанні.

 

 

Шакута — Баскову: "Ты ж бачыў, я падбег і заваліў яго"


Апублікаваны тэлефонная размова (сапраўдная, ці пастаноўка? — "Ju.K.") падазраваных у забойстве Рамана Бандарэнкі.

У распараджэньні рэдакцыі "НЕХТА" апынулася запіс тэлефонных перамоваў меркавана кіраўніка ФХБ Дзмітрыя Баскава ды чэмпіёна сьвету па тайскім боксе Дзмітрыя Шакуты. Апошняга называюць адным з забойцаў Рамана Бандарэнкі.

Напалоханыя бандыты ў жаху абмяркоўваюць адзін з адным, як Рамана "амаладзілі" (зьбілі) у бусе, а потым яшчэ і ў РУУС, некалькі АМАПаўцаў. На запісы "выканаўцы" панікуюць, паколькі тыя карнікі, што скралі Рамана, спіхваюць усё на іх налётную групу — маўляў, "АМАП Бандарэнка ўзяў ўжо без прытомнасьці". Але ў гутарцы Шакута кажа Баскову: "Ты ж бачыў, я падбег і заваліў яго, але не врубаў...".

Крыніца "НЕХТА" прыклала да запісу файлы, якія паказваюць на яе сапраўднасьць. Таксама ў распараджэньні телеграм-каналу аказаліся іншыя матэрыялы, якія даказваюць мэтанакіраванае распальваньне асяроддзем узурпатара грамадзянскага канфлікту.

 


У беларускім судзе сьведчыў "А. Македонскай"


Тэатр абсурду працягваецца.


Як піша "Наша Нiва", па скайпе цяпер выступаюць не міліцыянты пад сваімі імёнамі, а "сакрэтныя сьведкі".

17 лістапада ў менскім судзе выступаў чалавек, які назваў сябе "А. Македонскім".

Сьведка заявіў, што хадзіў з пратэстуючымі ў цывільным адзеньні ды перадаваў зьвесткі аб самых актыўных удзельніках мітынгу.

Нагадаем, раней беларускі суд адправіў сваё рашэньне па справе журналісткі ў Чэхаславакію. Краіну, якой не існуе ўжо 27 рокаў.

 

 

У Янаве (Іванаве) судзілі настаўніцу за шпацыр з БЧБ-парасонам:
сведкам быў яе былы вучань


У свой час Алена Мікалаеўна выкладала яму маскалёўскую мову і літаратуру.

Школьная настаўніца з Іванава Алена Пуцыковіч атрымала 1485 рублёў штрафу за шпацыр па горадзе з бел-чырвоным парасонам. Адным са сведкаў на судзе быў супрацоўнік міліцыі, у якога ў свой час Алена Мікалаеўна выкладала.

Алена Мікалаеўна Пуцыковіч — выкладчыца з амаль 30-рочным педагагічным стажам. У іванаўскай школе яна выкладае маскалёўскую мову і літаратуру. Раней у судах настаўніца не была, затое са жніўня яе выклікалі ўжо тройчы. За ўдзел у несанкцыянаваных мерапрыемствах і непадпарадкаванне супрацоўнікам міліцыі ёй ужо далі штрафаў на 100 базавых велічынь (2700 рублёў).

Апошні раз Алену Мікалаеўну судзілі 11 лістапада. Падставай для разбору стаў шпацыр па Іванава ў нядзелю 25 кастрычніка. У той дзень блізу 20 жыхарак райцэнтра прайшлі па вуліцы Савецкай. У двух з іх у руках былі бел-чырвоныя парасоны, у адной — толькі чырвоны.

— Нас суправаджала, напэўна, шэсць экіпажаў ДАІ. Недзе чалавек 20 супрацоўнікаў міліцыі было. Яны суправаджалі нас увесь шпацыр, вялі здымку, — распавяла Алена Мікалаеўна.

Праз некаторы час жанчыны сталі разыходзіцца. Калі Алена Мікалаеўна засталася з чатырма сяброўкамі, да іх на вуліцы падышлі 15 супрацоўнікаў міліцыі. Момант зносін сілавікоў з жанчынамі трапіў на відэа.

Ім прапаноўвалі праехаць у РАУС, але жанчыны адмовіліся. Зносіны працягвалася блізу 20 хвілін, пасля чаго дзяўчаты пайшлі піць каву, а супрацоўнікі міліцыі з'ехалі.

Пазней на некаторых удзельніц прагулкі склалі пратаколы. Алене Мікалаеўне — за заклікі і ўдзел у несанкцыянаваным мерапрыемстве, а таксама непадпарадкаванне патрабаванню супрацоўніка міліцыі.

11 лістапада справу настаўніцы разгледзелі ў судзе.


"Ці была неабходнасць ужываць парасон"


Алена Мікалаеўна з абвінавачваннямі не пагадзілася. У судзе яна адзначыла, што заклікаў ніякіх не размяшчала, 25 кастрычніка гуляла з сяброўкамі, а не ўдзельнічала ў несанкцыянаванай акцыі, а законнасць патрабаванняў супрацоўнікаў міліцыі прайсці ў РАУС ёй ніхто не абгрунтаваў.

Сведкам на судзе выступаў старшы інспектар Іванаўскага РАУС. У свой час Алена Мікалаеўна выкладала яму расейскую мову і літаратуру.

— Я вучыла яго вельмі даўно і толькі адзін рок. Сказаць, што ён мой вучань, я не магу. Вось учора мне тэлефанаваў мой вучань з Масквы, які пачуў гэтую гісторыю. Гэты чалавек не толькі мысліць, як я, але нават думкі свае выказвае такімі ж словамі. Вось гэта мой вучань, так.

Стэнаграму зносін суддзі з міліцыянтам апублікаваў партал "Першы Рэгіён". Сведка паведаміў, што 25 кастрычніка па Іванава праходзіла шэсце жанчын з парасонамі. Адзін парасон быў чырвоны, а два — бел-чырвоныя.

— Бел-чырвона-белыя? — удакладніў суддзя колер парасонаў.
— Так, — адказаў міліцыянт.
— Прыгожы парасон быў?
— Прыгожы, а чаго ж не прыгожы.
— А ці была неабходнасць ужываць парасон? — спытаў суддзя.
— Ну так, надвор'е такое вільготнае было. Дажджу моцнага не было, але імжыла, — адказаў сведка.

Далей міліцыянт патлумачыў, што жанчын спынілі і запрасілі ў Іваноўскі РАУС для разбору за правапарушэнне, прадугледжанае артыкулам 23.34 КоАП. Сведка растлумачыў, што іх не затрымлівалі, "каб не нанесці цялесныя пашкоджанні".


"Людзі адгукнуліся, падтрымалі"


Суд прызнаў Алену Мікалаеўну вінаватай і прызначыў ёй 55 базавых велічынь штрафу (1485 рублёў). Яшчэ адна ўдзельніца прагулкі, Марына Кіявец, атрымала 30 базавых (810 рублёў). Пазней судзілі яшчэ двух дзяўчат. Абедзве атрымалі штрафы, распавяла настаўніца.

Зараз Алена Мікалаеўна рыхтуецца абскардзіць пастанову ў Берасцейскім абласным судзе. Да выплаты штрафаў яе аўтамабіль знаходзіцца пад арыштам.

— Мяне прызналі вінаватай у гулянні па горадзе з парасонам без лозунгаў, без заклікаў і ў непадпарадкаванні законнаму патрабаванню супрацоўніка міліцыі, якое я ўважаю незаконным. Калі мы спыталі, на якой падставе мы павінны прайсці ў РАУС, нам адказалі: "Артыкул знойдзецца", — патлумачыла Алена Мікалаеўна прычыну сваёй нязгоды з пастановай суддзі.

Са слоў настаўніцы, пасля судоў праблем на працы ў яе "пакуль не ўзнікла", а вось шматлікія былыя вучні падтрымалі.

— Людзі адгукнуліся, вельмі прыемна. Нават былыя вучні, якія жывуць у іншых местах, тэлефанавалі.


"Хартыя’97%", 18 лістапада 2020 р.

 


"Няма месцаў": Хлопца вызвалілі з Акрэсціна і сказалі,
каб вярнуўся дасядзець "напрыканцы тыдня"


Жэрару, так прадставіўся суразмоўца, 34 рока, на жыццё зарабляе біржавым гандлем. Ён быў адным з тых, каго 15 лістапада затрымалі на плошчы Перамен у Менску.

— Я стаяў у счэпцы, мяне выдралі адным з першых. Калі мяне закінулі ў аўтазак, то там яшчэ нікога не было. Чацвёра амапаўцаў накінуліся збіваць мяне дубінкамі. Вывіхнулі сківіцу, шмат сінякоў на нагах і дупе, — расказвае Жэрар.

Потым хлопца адвезлі ў Савецкае РУУС. Там яго разам з іншымі затрыманымі пратрымалі на вуліцы каля 10 гадзін. Прыкладна а чацвёртай ранку прывезлі ў ізалятар на Акрэсціна.

— Нас, адзінаццаць чалавек, кінулі у камеру на пяць месцаў. Адразу скінулі матрацы з нараў на падлогу, частка хлопцаў спала на іх на падлозе, а частка — на драўляных нарах. Было цёпла, я хадзіў там у адной майцы, — расказвае хлопец.

Ён кажа, што сківіца балела настолькі, што ў пастарунку ён нават не мог гаварыць, проста аддаў пашпарт і рэчы, каб з іх зрабілі вопіс.

— На шчасце, у камеры з намі быў медык, які прапанаваў уставіць сківіцу на месца, пасля гэтага стала троху лягчэй.

У панядзелак над Жэрарам адбыўся суд, яго прысудзілі да 15 сутак арышту. Пакаранне працягваў адбываць на Акрэсціна. Аднак 17 лістапада, у аўторак, ахоўнікі выклікалі хлопца з рэчамі.

— Нечакана мяне проста фактычна выкінулі за сцены ізалятара. Ніяк не тлумачылі, проста сказалі, што патэлефануюць і скажуць, калі трэба прыйсці адбыць арышт. Хутчэй за ўсё напрыканцы тыдня. Я лічу, што там проста няма месцаў, — кажа Жэрар.

Цяпер хлопец збіраецца зняць пабоі.

— Патэлефануюць — прыйду адбываць далей, што паробіш, — па-філасофску ставіцца ён.

І 8, і 15 лістапада на вуліцах Мінска затрымалі больш за тысячу чалавек. Многія адбываюць пакаранне ў ізалятарах Жодзіна, Баранавіч і Магілёва.


Зміцер Панкавец


"Наша Ніва", 18 лістапада 2020 р.

 

 

З Менску ў Магілёў выехалі чарговыя аўтазакі з арыштаванымі


БАЖ паведамляе, што сярод пасажыраў гэтых аўтазакаў дакладна ёсць журналіст Андрэй Шаўлюга. У суботу 14 лістапада ў Магілёў ужо прывозілі каля 200 арыштаваных з Жодзінскага ізалятару.

 


Дадаліся новыя страйкоўцы


+1 на Беларускай чыгунцы. Да забастоўкі далучыўся памочнік машыніста матавозу Максім Азарко.

"Беларуськалій". Забастоўку абвясціў слесар-рамонтнік 4РУ Антось Цікавенка. Гэта ўжо другі вядомы выпадак сыходу ў забастоўку на прадпрыемстве за дзень.

 


Пракуратура Польшчы не атрымоўвала запытаў аб выдачы
адміністратараў Telegram-каналу NEXTA Сцяпана Пуцілу і Рамана Пратасевіча


"Да цяперашняга моманту Нацыянальная пракуратура не атрымлівала такіх дакументаў у форме, якая дазваляла б працаваць з імі ў адпаведнасці з дзейным заканадаўствам", — гаворыцца ў прэс-рэлізе.

Магчыма, адзін з адмінаў Telegram-каналу "Белыя халаты" быў затрыманы.

"Акаунт аднаго з адмінаў канала "Белыя Халаты" быў "захоплены". Ну, як захоплены? У ГУБАЗіК няма такіх ведаў, каб узломваць абароненыя (хоць бы двайны аўтэнтыфікацыяй) акаўнты ў телеграме. Верагодней за ўсё, адмін быў затрыманы, і ГУБАЗіК атрыманы фізічны доступ да прылады (смартфон і/або кампутар)", — гаворыцца ў паведамленні ініцыятывы.

 

 

Невядомыя знішчылі яшчэ адзін мемарыял Раману Бандарэнку


Паводле відавочцаў, там прысутнічаў чыноўнік, але гэта не перашкодзіла вандалу забраць лампадкі ды плакаты. Ён абліў людзей парафінам, біў жанчыну па руцэ. Міліцыя назірала ды здымала, але не ўмешвалася.


"Белсат", 18 лістапада 2020 р.

 


Працаўнік "Нафтану" далучыўся да стачцы ды зрабіў моцную заяву


Працоўны выказаў сваю нязгоду з тым, што адбываецца ў краіне.

Да агульнанацыянальнае стачцы далучыўся працаўнік "Нафтану" Аляксандр Сакалоў, паведамляе Telegram-канал "НЕХТА Live".

Ён падтрымаў вылучаныя патрабаванні ды выказаў сваю нязгоду з тым, што адбываецца ў Беларусі:

"Я не хачу і не магу закрываць вочы на тое беззаконьне і гвалт, што адбываецца у краіне, а таксама на прадпрыемстве ААТ "Нафтан". На прадпрыемстве з нядаўніх часоў найважнейшым крытэрыем якаснасьці працаўніка з'яўляецца зусім не прафесійныя веды, уменні ды навыкі, а пакорлівае, рабскае маўчаньне ды ўдзел у праўладавым прафсаюзе. Прафсаюзе, які ўжо даўно ператварыўся ў бяззубы прыдатак наймальніка", — заявіў Аляксандр.

 


"Мы пераможам!": Яшчэ адзін працоўны "Нафтана" далучыўся да стачкі


Супрацоўнік прадпрыемства запісаў відэа на фоне нацыянальнага сцяга.

Аператар тэхналагічнай устаноўкі "ВТ-1" Аляксей Жураўлёў далучыўся да стачкі, паведамляе Telegram-канал "НЕХТА Live".

Сваю пастанову ён агучыў у відэазвароце.

"Мы пераможам. Жыве Беларусь!" — скончыў свой зварот Аляксей.

 


Стачка на ААТ "Беларуськалій" набірае размах


З раніцы да страйку далучыліся яшчэ два працаўніка прадпрыемства.

Кожны дзень да стачцы на ААТ "Беларуськалій" далучаюцца новыя працаўнікі.

19 лістапада ўступіў у стачку майстар крухмальнага цэху ААТ "Беларуськалій" Панцялей Аляксандр Уладзіміравіч.

Таксама сёньня з раніцы шэрагі стачкі папоўніліся яшчэ адным адважным чалавекам: да яе далучыўся электраслесар 4 разраду 3-га рудніка Швабоўскі Кірыл Дзмітрыевіч.

Пра гэта паведаміў Страйкам ААТ "Беларуськалій".

 


Толькі за сёньняшні дзень да стачцы на "Беларуськаліі" далучыліся чатыры працаўніка


Смелых людзей у Салігорску ўсё больш.

Як паведамляе Telegram-канал "Баста!", Толькі за сённяшні дзень да стачцы на ААТ "Беларуськалій" падпісалася чацвёра працаўнікоў!

У прыватнасці, патрабаваньні страйкаму падтрымаў электрагазазваршчык СОФ-3 3РУ Заброцкі Дзмітры Алегавіч.

"Адважных людзей у Салігорску ўсё больш!" — адзначае Telegram-канал.

 


Затрыманы адміністратар Telegram-канала "Белыя халаты"


Медыкі стварылі новы канал.

У маладзёна канфіскаваныя планшэт, ноўтбук, атрыбутыку і мабільнік, паведамляе onliner.by.

Доступ да канала быў часткова страчаны, адміністрацыя спрабуе аднавіць поўны доступ. Тым часам быў створаны новы канал.

 

 

Эўразвяз увядзе санкцыі супраць арганізацый і кампаній,

якія падтрымліваюць рэжым Лукашкі


Кіраўнік дыпламатыі ЭЗ заявіў, што дыктатар больш не атрымае ніводнага эўра.

Міністры замежных спраў 27 краін ЭЗ дамовіліся падрыхтаваць новы пакет санкцый супраць уладаў і ўстаноў Беларусі. Пра гэта, як паведамляе ТАСС, заявіў у чацвер кіраўнік дыпламатыі ЭЗ Жазэп Барэль на прэс-канферэнцыі пасля онлайн-сустрэчы міністраў замежных спраў краін супольнасці.

— Сёння мы дамовіліся пачаць падрыхтоўку новага раунда санкцый у адказ на гвалт уладаў і з мэтай падтрымкі беларускага народа. Гэтыя санкцыі будуць уведзеныя не толькі супраць фізічных асоб, але і супраць [дзяржаўных] структур, кампаній і прадпрымальнікаў, — сказаў ён.

З ягоных слоў, ЭЗ больш не выдзеліць ніводнага эўра ўраду Лукашкі, усе сродкі для гэтай краіны пойдуць праз НВА грамадзянскай супольнасці.

Як паведамлялася раней, новыя абмежавальныя захады падрыхтуюць цягам наступных некалькіх тыдняў. Яны закрануць у тым ліку структуры, якія, паводле інфармацыі крыніц, фінансуюць Лукашку. Пра якія менавіта кампаніі ідзе гаворка, не ўдакладняецца.

 


Як пратэстуюць тэатры ў Беларусі


Акторы сталі сапраўдным авангардам пратэсту.

Некаторыя тэатры вымушаныя думаць не пра рэпетыцыі і выступы, а змагацца за ўласнае існаванне, пасля таго як акторы адкрыта выступілі супраць гвалту з боку сілавікоў і падтрымалі імкненні да дэмакратычных пераменаў у краіне, паведамляе currenttime.tv.

Купалаўскі тэатр у Менску сёлета адзначае 100-рочча, але жыццё вядучага культурнага цэнтра краіны з зорным складам замерла ў адзін момант: купалаўцы выказалі сваю пазіцыю за справядлівыя выбары, вывесілі бел-чырвона-белы сцяг, і адразу ж звольнілі дырэктара тэатра — Паўла Латушку.

Следам за дырэктарам сышла і трупа, і супрацоўнікі — усяго 58 чалавек. Перад пустой залай выступіў сімфанічны аркестр, а вядучыя драматычныя акторы замест тэатральнай сцэны пачалі выходзіць у ютубе, дзе паставілі забаронены ўладамі спектакль "Тутэйшыя" паводле культавай для беларусаў п'есы Янкі Купалы.

— Там была мілая гісторыя, — распавядае тэатральны крытык Аляксей Стрэльнікаў. — Яны сказалі, што не змогуць пакінуць спектакль надоўга на ютубе, калі ў іх не з'явіцца 100 тысяч падпісчыкаў. У выніку падпісаліся 150 тысяч карыстачоў. Купалаўцы прадаўжаюць займацца незалежнымі праектамі.

Звальненні пакаціліся хваляй і па іншых тэатрах. Драмтэатр у Гародні застаўся без рэжысёраў, пасля чаго акторы абвясцілі страйк.

У оперным тэатры пасля выканання неафіцыйнага нацыянальнага гімна "Магутны Божа" звольнілі першую скрыпку аркестра, опернага спевака і іншых вядучых музыкаў.

У знак салідарнасці з калегамі звольніўся вядучы актор Рэспубліканскага тэатра беларускай драматургіі Андрэй Новак.

Актрыса Драматычнага тэатра ім. Горкага Анастасія Шпакоўская пад ціскам з'ехала з Беларусі ў Кіеў, дзе разам з былой актрысай Купалаўскага тэатра Святланай Зелянкоўскай збіраецца ствараць новы беларускі тэатр.

— Пакуль усё ў зачаткавым стане, мы выпусцілі відэаролік, яшчэ адзін рыхтуем, кропкавыя нумары і пастаноўкі, — распавядае Шпакоўская. — Паралельна мы працуем з беларускай драматургіяй, улічваючы падзеі, нам складана сістэмна і рэгулярна працаваць. Мы хочам, як у Трэплева, новыя формы, сучасны тэатр, сучасны матэрыял.

Матэрыял гэты, падкрэслівае яна, будзе пра сённяшнюю, новую Беларусь.

 

 

Яшчэ адзін работнік "Нафтана" далучыўся да страйку


Сяргей Лазарэнка заявіў, што больш не мае намеру трываць у краіне бязмежжа.

Работнік ААТ "Нафтан" Сяргей Лазарэнка заявіў пра сваё далучэнне да агульнанацыянальнага страйку.

"Больш не маю намеру трываць бязмежжа ў краіне і на прадпрыемстве!" — заявіў Лазарэнка.

Відэа апублікаваў тэлеграм-канал "Баста!".

 


З менскага тэатра звольніліся 15 чалавек


Акторы напісалі заявы пра сыход на ўласнае жаданне.

Менскі месцкі суд задаволіў пазоў Новага драматычнага тэатра да сваіх актораў і супрацоўнікаў (усяго 15 чалавек) і прызнаў іх страйк незаконным. Пасля гэтага яны напісалі заявы пра сыход на ўласнае жаданне, якія былі падпісаныя дырэктарам.


"Хартыя’97%", 19 лістапада 2020 р.

 


Супраць лекара завялі крымінальную справу
за раскрыцьцё вынікаў мэдагляду Рамана Бандарэнкі


Генпракуратура распачала крымінальную справу супраць мэдыка, які перадаў Tut.by інфармацыю пра стан Рамана Бандарэнкі. Артыкул — раскрыцьцё ўрачэбнай таямніцы.

Пракуратура палічыла, што лекар бальніцы хуткай мэдычнай дапамогі "Дзейнічаючы наўмысна, без службовай неабходнасьці, уступіў у злачынную змову з прадстаўніком інтэрнэт-рэсурсу (Tut.by), якому паведаміў зьвесткі аб выніках мэдыцынскага агляду Рамана Бандарэнкі. Тым самым ён выдаў мэдычную таямніцу".

"Дзеяньні названых асоб пацягнулі за сабой цяжкія наступствы, якія выявіліся ў павышэньні напружанасьці ў грамадзтве, стварэньні атмасфэры недаверу да кампэтэнтных дзяржаўных органаў, падахвочваньні грамадзян да агрэсіі і супрацьпраўных дзеяньняў. Падазраваныя затрыманыя", — гаворыцца ў паведамленьні.

Сьледчы камітэт заяўляў, што Раман Бандарэнка быў п'яны. Аднак мэдыкі гэтую завяву абверглі, перадаўшы дакумэнт па выніках агляду, паводле якога ў крыві Бандарэнкі алькаголю не было.Журналістка Tut.by Кацярына Барысевіч, якая рыхтавала матэрыял пра стан Рамана Бандарэнкі, перастала выходзіць на сувязь, паведамляе тэлеграм-канал парталу.

Потым стала вядома, што яна знаходзіцца дома ў суправаджэньні сілавікоў. Што адбываецца ў яе кватэры — невядома, паведамляюць калегі з Tut.by.

 


Карнікі не далі людзям з інваліднасьцю правесьці чарговы марш у Менску


Паводле ацэнак журналістаў, на акцыю сабралася каля дзесяці чалавек. Людзі плянавалі пачаць шэсьце з плошчы Калініна і прайсьці па праспэкце Незалежнасьці.

Аднак прайсьці на плошчу ім не дазволілі людзі ў чорнай вопратцы — перакрылі дарогу. Удзельнікі маршу вымушаныя былі павярнуць на вуліцу Калініна. Яны прайшлі па вуліцы Кузьмы Чорнага ў бок вуліцы Сурганава. Іх суправаджалі мікрааўтобусы зь карнікамі, паведамляе БелаПАН.

Тэлеграм-канал СІБ ("Сьмелыя інваліды Беларусі") разьмясьціў некалькі відэа, на якіх, сярод іншага, відаць, што на маршы карнікі затрымалі маладую жанчыну і пасадзілі ў мікрааўтобус. Відавочцы кажуць, што затрымалі дзьвюх жанчын.

Тыдзень таму назад, 12 лістапада, людзям з інваліднасьцю таксама не дазволілі правесьці марш. Некалькі дзясяткаў дэманстрантаў, сярод якіх былі вазочнікі і людзі на мыліцах, традыцыйна сабраліся ў 14:00 каля Чырвонага касьцёла і накіраваліся ў бок праспэкту Незалежнасьці. На рагу гатэля "Менск" дарогу ім перагарадзілі карнікі ў чорным. Удзельнікі маршу разьвярнуліся і пайшлі назад на плошчу. Карнікі рушылі за імі. Удзельнікі акцыі некаторы час хадзілі па пэрымэтры плошчы, потым зайшлі ў касьцёл.

 


Карнікі будуць патруляваць 43 двары ў Менску. Як гэта магчыма?


У сьпіс увайшлі двары, дзе грамадзяне неабыякава ставяцца да палітычных падзеяў у краіне. Адкуль возьмуць столькі сілаў і ці пацягне гэта дадатковыя выдаткі, разьбіраемся з экспэртам.

Дакумэнт са сьпісам двароў ужо апублікаваны на сайце Менгарвыканкаму. У сьпіс "дэструктыўных" асяродкаў трапіла "плошча Пераменаў" на вуліцы Чарвякова, жыльлёвыя комплексы "Каскад", "Маяк Менску", "Менск-Сьвет", Лебядзіны. Таксама ў сьпіс увайшлі цэлыя мікрараёны: Уручча (1-е і 5-е), Серабранка, Лошыца, Велазавод і інш.


"Спатрэбіцца мабілізаваць усю міліцыю"


Патруляваць такія двары дружыньнікі і супрацоўнікі ЖКГ могуць толькі разам з міліцыянтамі, але супрацоўнікаў патрульна-паставой службы на гэта яўна ня хопіць, мяркуе экспэрт у сфэры бясьпекі Андрэй Сыцько.

— Уяўленьне, што яны падымуць увесь асабісты склад розных РУУС, людзей, якія не задзейнічаныя ў патрульна-паставой службе. Такое бывала ў 90-я, калі выводзілі на вуліцу ўсіх апэратыўнікаў, інспэктараў у справах непаўналетніх. Яны не задзейнічаны ў ахове грамадзкага парадку. Участковых усіх могуць выгнаць на вуліцу. Гэта варыянт, калі МУС усё будзе пакрываць сваімі сіламі, — мяркуе Андрэй Сыцько.

На думку экспэрта, могуць прыцягнуць і афіцэраў з ГУУС Менгарвыканкаму. Таксама могуць залучыць курсантаў Акадэміі МУС.


"Могуць задзейнічаць войскі"


Іншы варыянт — сумесныя патрулі міліцыянтаў і вайскоўцаў, але і тут ёсьць свае цяжкасьці.

— Зводныя міліцэйска-вайсковыя патрулі — гэта ўжо падобна на камэнданцкі час. Тут больш складана, бо іх трэба недзе разьмяшчаць, дастаўляць транспартам, іх трэба пакарміць. Пасьля іх трэба даставіць назад у казармы, ня будуць жа яны ставіць вайсковыя намёты ў дварах, — гаворыць Андрэй Сыцько.


Выдаткі


Ці будзе ў карнікоў дадатковая аплата за такія рэйды, незразумела, бо грошай у бюджэце няшмат. А наогул выдаткі такіх масавых патрулёў зьменшаць працу над крымінальнымі злачынствамі.

— Выходныя і начныя дзяжурствы могуць дадаткова аплачваць. Але горш, калі сілавікі будуць адцягнутыя ад сваіх непасрэдных абавязкаў, гэта адаб’ецца на барацьбе з крыміналам. Чалавек мусіць займацца раскрыцьцём крадзяжоў ці забойствамі, а ён стаіць і сьцяну ахоўвае, каб там ніхто нічога не напісаў, — прыводзіць прыклад Андрэй Сыцько.

Можа быць таксама зробленая схема патрулёў, калі супрацоўнікі замест таго, каб адсыпацца пасьля начнога дзяжурства, будуць патруляваць двары.

— Па загадзе ў МУС могуць выконваць абавязкі і без даплаты, — кажа спэцыяліст.

 

 

Затрымалі журналістку Tut.by Кацярыну Барысевіч,
якая рыхтавала матэрыял пра Рамана Бандарэнку


Увечары 19 лістапада ў Менску затрымалі журналістку парталу Tut.by Кацярыну Барысевіч, якая рыхтавала матэрыял пра Рамана Бандарэнку, паведамляе БелаПАН.

"Невядомыя ў цывільным і ў масках вывелі Кацярыну Барысевіч з дому і павезьлі. Куды — мы пакуль ня ведаем", — паведаміла Беларуская асацыяцыя журналістаў.

На відэа, якое разьмешчанае ў тэлеграм-канале БАЖ, відаць, як Барысевіч выходзіць да мікрааўтобуса з пад’езду свайго дому ў Менску ў суправаджэньні людзей у цывільным.

Партал Tut.by мяркуе, што дзеяньні карнікоў могуць быць зьвязаныя з апублікаваным раней артыкулам Барысевіч пра Рамана Бандарэнку, які загінуў пасьля канфлікту на "плошчы Перамен".

Дачка Барысевіч расказала Tut.by, што Кацярына выйшла ў краму, а неўзабаве ў суправаджэньні карнікоў вярнулася дадому. Паводле слоў дачкі, у кватэры прайшоў ператрус, забралі ноўтбук. Менш як праз гадзіну журналістку павезьлі невядомыя ў масках.

Незадоўга да гэтага Генэральная пракуратура паведаміла пра завядзеньне крымінальнай справы ў дачыненьні да лекара шпіталя хуткай дапамогі і "іншай асобы" паводле прыкмет злачынства, прадугледжанага ч. 3 арт. 178 Крымінальнага кодэксу (раскрыцьцё лекарскай таямніцы, якое пацягнула за сабой цяжкія наступствы).

"Дзейнічаючы наўмысна, без службовай неабходнасьці, падазраваны ўступіў у злачынную змову з прадстаўніком інтэрнэт-рэсурсу (Tut.by), якому паведаміў зьвесткі аб выніках мэдычнага агляду Рамана Бандарэнкі. Тым самым ён раскрыў лекарскую таямніцу, пры гэтым перадаў несапраўдную інфармацыю", — паведамляе аддзел інфармацыі Генпракуратуры.

"Дзеяньні названых асоб пацягнулі за сабой цяжкія наступствы, якія выявіліся ў павышэньні напружанасьці ў грамадзтве, стварэньні атмасфэры недаверу да кампэтэнтных дзяржаўных органаў, падахвочваньні грамадзян да агрэсіі і супрацьпраўных дзеяньняў. Падазраваныя затрыманыя", — гаворыцца ў паведамленьні.

Частка 3 артыкула 178 КК прадугледжвае пазбаўленьне волі да трох рокаў са штрафам і пазбаўленьнем права займаць пэўныя пасады або займацца пэўнай дзейнасьцю, альбо без пазбаўленьня.

 


КДБ унёс Пуцілу і Пратасевіча ў тэрарыстычны сьпіс


Заснавальнік тэлеграм-каналу NEXTA Сьцяпан Пуціла і былы намесьнік рэдактара каналу Раман Пратасевіч трапілі ў "Пералік арганізацый і фізычных асоб, датычных да тэрарыстычнай дзейнасьці". На сёньня яны ў ім апошнія — пад нумарамі 725 і 726.

16 лістапада беларускія ўлады запатрабавалі ў Польшчы выдаць ім Пуцілу і Пратасевіча "ў самыя кароткія тэрміны з улікам асаблівай грамадзкай небясьпекі іх злачыннай дзейнасьці".

Афіцыйны Менск назваў гэтыя каналы экстрэмісцкімі, а дзейнасьць іх стваральнікаў — злачыннай.

Сьледчы камітэт Беларусі 5 лістапада завёў крымінальную справу на Сцяпана Пуцілу і Рамана Пратасевіча "ў сувязі з наўмыснымі дзеяньнямі, накіраванымі на ўзбуджэньне сацыяльнай варожасьці па прыкмеце прафэсійнай прыналежнасьці, якая тычыцца дзьвюх прафэсійна-соцыюмных груп — прадстаўнікоў улады і праваахоўнікаў" (частка 3 артыкула 130 КК).

Яны знаходзяцца ў міждзяржаўным вышуку. Па гэтай частцы артыкула ім пагражае ад 5 да 12 гадоў пазбаўленьня волі.

Раней на Пуцілу завялі крымінальную справу паводле падазрэньня ў арганізацыі масавых беспарадкаў (часткі 1 і 3 артыкула 293 КК). Пакараньне па гэтым артыкуле прадугледжвае да 15 рокаў пазбаўленьня волі.

17 лістапада стала вядома, што Сьледчы камітэт па месьце Менску, на дадатак да гэтых артыкулаў, інкрымінуе Пуцілу і Пратасевічу часткі 1 і 3 артыкула 293 КК "Масавыя беспарадкі". Частка 1 (Арганізацыя масавых беспарадкаў, якія суправаджаліся гвалтам над асобай, пагромамі, падпаламі, зьнішчэньнем маёмасьці або збройным супрацівам прадстаўнікам улады) караецца пазбаўленьнем волі на тэрмін ад пяці да пятнаццаці рокаў. Частка 3 (Навучаньне ці іншая падрыхтоўка асоб для ўдзелу ў масавых беспарадках, якія суправаджаюцца ўчыненьнем дзеяньняў, прадугледжаных часткай 1 гэтага артыкула, а таксама фінансаваньне ці іншае матэрыяльнае забесьпячэньне такой дзейнасьці) караецца арыштам або пазбаўленьнем волі на тэрмін да трох рокаў.

Пуціла заснаваў каналы Nexta і Nexta Live два рока таму. Ва ўмовах абмежаваньня інтэрнэту ў краіне пасьля абвяшчэньня вынікаў прэзыдэнцкіх выбараў СМІ Беларусі перайшлі на асьвятленьне падзей у Тэлеграме. Канал Nexta — адзін з самых папулярных у краіне, ён актыўна асьвятляе падзеі пасьля выбараў. Цяпер у яго звыш 900 тысяч падпісчыкаў, у Nexta Live — больш за 1,7 мільёна.У кастрычніку Цэнтральны раённы суд Менску прызнаў тэлеграм-канал Nexta Live і лягатып Nexta экстрэмісцкімі матэрыяламі.

 

 

Палата прадстаўнікоў Кангрэсу ЗША ўхваліла Акт аб дэмакратыі,
правах чалавека і сувэрэнітэце Беларусі


Каб законапраект набыў моц, яго павінен ухваліць Сэнат і падпісаць прэзыдэнт ЗША. Абноўлены Акт аб дэмакратыі ў Беларусі сярод іншага:

заклікае да правядзеньня новых прэзыдэнцкіх выбараў;
заклікае да вызваленьня ўсіх палітычных зьняволеных;
прызнае Каардынацыйную раду ў якасьці легітымнага інстытуту для ўдзелу ў дыялёгу аб мірнай перадачы ўлады.

 


"Гэта не палітыка, гэта барацьба дабра са злом, сьвятла зь цемрай.

Раней я думаў, такога не бывае"


Пісьменьнік Андрэй Жвалеўскі, які кожны вечар у фэйсбуку падводзіць вынікі пратэставага дня ў Беларусі, кажа:

Цяпер нават у самы цяжкі момант усе разумеюць, што гэта проста чарговы цяжкі момант.
У палітолягаў часам не хапае разуменьня, што тое, што адбываецца цяпер у Беларусі, — гэта не палітыка.
Усё вельмі проста — альбо ты кат і забойца ці іх апраўдваеш, альбо ты супраць гвалту і злачынцаў.
АМАПаўцы — гэта людзі, якіх немагчыма распрапагандаваць.

 


Адвакатка Міколы Дзядка параўнала яго затрыманьне з катаваньнямі ў Чачэніі


Захапілі блогера, ужывалі фізычны гвалт і спэцсродкі, пакуль не дамагліся "прызнаньняў" на камэру. Затым адвезьлі ў Менск, дзе зь ім "працавалі" некалькі гадзін, патрабуючы доступу да дыска кампутара і Telegram-каналаў.

— Магу сказаць, што ў мяне было некалькі кліентаў, якія ўцяклі з Чачэніі пасьля прымяненьня да іх катаваньняў, і былі затрыманыя ў Беларусі для высылкі. Але я ніколі ня думала, што пачую, як падобныя гісторыі будуць адбывацца ў нашай краіне, — расказала Натальля Мацкевіч.

 

Карнікі прыехалі ў двор менскага Сухарава, дзе праходзіў вечаровы канцэрт


Ёсьць затрыманыя, карнікі забралі канцэртнае абсталяваньне.

Сёньня Менгарвыканкам апублікаваў афіцыйнае рашэньне, паводле якога карнікі будуць патруляваць 43 двары ў Менску.

Экспэрт кажа, спатрэбіцца мабілізаваць усю міліцыю. Як варыянт, зводныя міліцэйска-вайсковыя патрулі.


"Радыё Свабода", 19 лістапада 2020 р.

 


Чарга ля магілёўскага ІЧУ


Дзясяткі людзей у Магілёве стаяць пад дажджом, каб перадаць ежу і цёплую вопратку сваім блізкім.

Сёння ў Магілёўскім ізалятары часовага ўтрымання дзень прыёму передач. У чарзе ўжо больш за 90 чалавек. Людзі прыехалі з Менску, Гомля і іншых местаў, каб перадаць перадачку сваім родным.

Напярэдадні ў Магілёў этапіравалі каля 300 арыштаваных з Жодзіна і Менску.


"Белсат", 19 лістапада 2020 р.

 


Как Менск превращают к гетто


43 места столицы будут патрулировать фашисты. Нику прислали полный перечень.

"Площадь Перемен", Площадь Победы на проспекте Победителей, территория у Зубра на Дзержинского, горочка у ПВТ, универсам "Рига" — всё это объекты, которые будут под особым присмотром безумного товарища Барсук(ова).


Telegram-канал "Ник и Майк", 19 лістапада 2020 р.

 

 

На гарадзенскім "Хімвалакне" — пакуль адзін страйкуючы


На гарадзенскім "Хімвалакне" да агульнарэспубліканскага страйку пакуль далучыўся адзін чалавек — Арцём Валеры.

Сваім далучэннем да страйку хлопец падтрымаў "Народны ўльтыматум":

— Я ў страйку зараз адзін, я — першы, наколькі я разумею. Людзей, якія хочуць падтрымаць страйк, іх шмат. Але па сваіх прычынах яны гэта зрабіць не могуць. Атрымалася так, што я даўно хацеў страйкаваць, але мяне адгаворвалі, пачакай, мо хто яшчэ пойдзе, каб ты быў не адзін і каб цябе не так хутка маглі звольніць.

Па словах супрацоўніка "Хімвалакна", дачучыцца да страйку яго падштурхнулі гвалтоўныя дзеянні ўладаў:

— Я ў панядзелак напісаў заяву на страйк, а пайшоў з аўторка. Вельмі шмат калег затрымалі ў нядзелю. Многія нават дадому не прыехалі ў гэты дзень. І гэта была ўжо апошняя кропля. Я хацеў напісаць заяву на страйк яшчэ ў момант "Народнага ўльтыматуму", але мяне адгаварылі. Страта чалавека,  гэтыя нядзельныя бясчынствы, калі кветкі і лампадкі прыбралі, гэтага я ўжо сцярпець не мог.

Арцём спадзяецца на тое, што да страйку на прадпрыемстве “Хімвалакно” ў Гародні ў бліжэйшы час далучацца новыя людзі.


"Беларускае Радыё Рацыя", 19 лістапада 2020 р.

 

 

Менчукоў будуць судзіць за "цынічныя надпісы на тратуарнай плітцы"


"Жители столицы 9 сентября вблизи здания 21а по улице Притыцкого в Менске, используя кисть и лакокрасочный материал синего цвета, нанесли на тротуарную плитку циничную надпись".

Гаворка пра надпіс "Не забудзем!" на месцы забойства Аляксандра Тарайкоўскага.

 


ГУБАЗіК затрымаў адмінстратара канала Белыя Халаты —
з гэтым звязаны яго ўчорашні ўзлом


Як паведамляецца, адным з адміністратараў быў студэнт 4 курса БДМУ, ён затрыманы па крымінальнай справе. Быў апублікаваны ролік, дзе пытанні яму задае супрацоўнік са змененым голасам.

 


Маці Рамана Бандарэнкі копію лабараторнага аналізу крыві яе сына


Алена Бандарэнка, мама Рамана Бандарэнкі, перадала "Нашай Ніве" копію лабараторнага аналізу крыві яе сына. У гэтым дакуменце відаць, што этылавага спірту ў крыві Рамана Бандарэнкі няма — у выніку аналізу стаіць 0.

Каб зняць магчымыя пытанні, яна дала дазвол на публікацыю гэтага дакумента: "Я, Алена Бандарэнка, маці Рамана Бандарэнкі, афіцыйна дазваляю вам публікаваць вынікі лабараторных даследаванняў, якія я вам даслала".

 

Раёны Менска і іншыя населеныя пункты працягваюць ладзіць вечаровыя актыўнасці


У Сухараве людзі ў чорным са зброяй сарвалі дваровы канцэрт. Ёсць затрыманыя, таксама забралі апаратуру і грошы для музыкантаў.


У Ютубе і Тэлеграме з'явіліся новыя аўдыязапісы з удзелам голасу,
падобнага да голасу кіраўніка Федэрацыі хакея Беларусі Дзмітрыя Баскава

Гэтым разам ён размаўляе з чалавекам, чый голас падобны да голасу прэс-сакратаркі Лукашкі Наталлі Эйсмант. Яны дамаўляюцца аб паездках на зразанне стужак і замалёўванне бчб. У размовах называюцца іншыя селебрыці ўдзельнікі брыгады, іх аснашчэнне, а таксама высокапастаўленыя сілавікі, якія дапамагаюць у арганізацыі такіх паездак.

Ёсць у запісах і некаторыя нечаканыя, пікантныя моманты.

Некаторыя размовы адбываюцца 18 кастрычніка, калі ў Менску адбываўся чарговы марш. У той вечар, сапраўды, фіксаваўся рэйд антыстужачнай брыгады. Інфармацыя пра тое праходзіла ў тг-каналах.

 

"Наша Ніва", 19 лістапада 2020 р.

 


"Рома, ты герой!"

У Менску тысячы людзей разьвіталіся з Раманам Бандарэнкам


20 лістапада пахавалі забітага ў Менску невядомымі 31-рочнага Рамана Бандарэнку. Разьвітаньне прайшло ў царкве Ўваскрасеньня Хрыстовага на вуліцы Гамарніка на поўначы Менску, недалёка ад Курапатаў.

Людзі пачалі падыходзіць да царквы Ўваскрасеньня Хрыстовага 20 лістапада за гадзіну да разьвітаньня, прызначанага на 11-ю ранку. Прыходзілі з кветкамі і вянкамі.

Бліжэй да поўдня каля царквы былі ўжо тысячы людзей. У памяць аб забітым людзі ўздымалі ўгару кветкі, гукалі: "Жыве Беларусь!", "Рома, ты герой!", "Не забудзем, не даруем!".

Людзі запоўнілі ўсю прастору каля царквы, а таксама вуліцы ўздоўж яе. На вуліцы Гамарніка ўтварыліся заторы з аўтамабіляў людзей, якія ехалі разьвітацца з Раманам. Многія суправаджалі разьвітаньне сыгналамі машын.

Апоўдні цела Рамана Бандарэнкі вынесьлі з храму. За машынай зь целам забітага частка людзей рушыла пешшу ў бок Паўночных могілак. Затрыманьняў, як і карнікаў вакол, не было заўважана.

Рамана Бандарэнку пахавалі на Паўночных могілках Менску.

31-рочнага Рамана Бандарэнку 11 лістапада захапілі ў двары ягонага дому ў Менску, адвезьлі ў Цэнтральнае РУУС, прасьля чаго шпіталізавалі з чэрапна-мазгавой траўмай, апэравалі. 12 лістапада ён памёр.

11:10. Чарга ў царкву расьцянулася на некалькі соцень мэтраў, людзі ідуць вуліцай Гамарніка няспынна, нясуць вянкі і кветкі. Сьвятар перад пачаткам разьвітаньня сказаў, што ня вядае, ці пагодзіцца сям’я, каб такая вялікая колькасьць паехала на могілкі. Карнікоў не відаць.

Разбор справы на сябе ўзяла генэральная пракуратура. Але крымінальнай справы па факце забойства Рамана Бандарэнкі няма.

Затое генэральная пракуратура Беларусі ўчора распачала крымінальную справу супраць мэдыка, які перадаў Tut.by інфармацыю аб стане Рамана Бандарэнкі. Артыкул — раскрыцьцё лекарскай таямніцы.

Пракуратура палічыла, што доктар лякарні хуткай мэдычнай дапамогі, "дзейнічаючы наўмысна, без службовай неабходнасьці, уступіў у злачынную змову з прадстаўніком інтэрнэт-рэсурсу (Tut.by), якому паведаміў зьвесткі аб выніках мэдычнага агляду Рамана Бандарэнкі. Тым самым ён выдаў мэдычную таямніцу".

11:17. Людзей пачалі пускаць у храм, каб разьвітацца з Раманам Бандарэнкам.

11:25. Людзі ўсё падыходзяць, іх ужо некалькі тысяч, многія плачуць, некаторыя паказваюць знак вікторыі. На вянках напсіана: "Не забудзем, не даруем", "Я выходжу", "Ты ў нашых сэрцах".

Людзі прынесьлі вянкі ад дваровых супольнасьцяў Менску, у тым ліку "плошчы Пераменаў", на якой жыў Раман.

11:30. Храм, у якім разьвітаюцца з Раманам Бандарэнкам, малы, ён яшчэ рамантуецца, знаходзіцца на ўскрайку Менску. Месцаў для паркаваньня тут ужо бракуе.

11:35. Хвіліна маўчаньня па Раману Бандарэнку.

11:38. Людзі ўсе яшчэ ідуць вуліцамі да царквы, сабраліся ўжо каля 5 тысяч чалавек. У суседняй краме вялікая чарга па кветкі.

11:40. Аднакурсьнікі Рамана паведамілі, што пахаваньне пройдзе на Паўночных могілках.

11:50. Людзьмі запоўненая ўся прастора вакол царквы. Яны расступіліся і зрабілі калідор, каб труну з Раманам маглі пранесьці ў катафалк.

Людзі паднялі ўверх кветкі і некалькі разоў гукнулі "Жыве Беларусь!", "Я выходжу", "Рома, ты герой!".

Людзі таксама гукаюць "Не забудзем, не даруем!". Некаторыя чытаюць малітву "Ойча наш".

12:00. Пад званы цела Рамана Бандарэнкі вынесьлі з храму. Людзі гукаюць "Я выходжу!"

Людзі скандуюць "Жыве Беларусь!", машыны сыгналяць. Людзі ня могуць падысьці бліжэй да царквы і перадаюць кветкі.

12:02. Цела занесьлі ў машыну, людзі паднялі рукі са знакам вікторыі, гукаюць "Не забудзем, не даруем!".

12:07. Пад воклічы "Жыве Беларусь!" машына зь целам Рамана ад’ехала ад царквы.

12:15. Людзі разыходзяцца ад царквы. Разьвітацца з Раманам прыйшлі тысячы чалавек.

 


Дома ў затрыманага за разгалошваньне дыягназу Бандарэнкі
лекара прайшоў ператрус. Ён у СІЗА КДБ


Затрыманы лекар менскага шпіталя хуткай дапамогі, якога Генэральная пракуратура падазрае ў разгалошваньні мэдычнай таямніцы, як мяркуецца, знаходзіцца ў СІЗА КДБ.

Пра гэта Tut.by паведаміла ягоная жонка Натальля.

— Сёньня раніцай я пайшла туды наўздагад — і ў мяне прынялі перадачу. Там жа сустрэла мужчыну, які ўчора прысутнічаў у нас дома падчас ператрусу.

Муж Натальлі С. працуе анэстэзіёлягам-рэаніматолягам у шпіталі хуткай мэдычнай дапамогі ў Менску. Ён лекар вышэйшай катэгорыі, у сьнежні яму споўніцца 37 рокаў.

Натальля таксама лекар. З мужам яны гадуюць траіх дзяцей: старэйшыя ходзяць у школу, малодшы — у дзіцячы сад. Сям'я жыве ў Пухавіцкім раёне.

— Учора пасьля працы мы не сустрэліся, як звычайна, і я стала тэлефанаваць яму. Муж не адказваў, таму я адразу падумала, што нешта здарылася, хоць спадзявалася, можа, ён проста заснуў па дарозе і ня чуе званкоў. Даехала да Мар'інай Горкі — зноў тэлефанавала. Забрала дзяцей са школы і саду, заляцела дадому, спадзявалася, можа, ён там. Хоць унутры разумела, што нешта здарылася: мы шмат рокаў разам, раней такога ніколі не бывала.

Паводле Натальлі, як толькі разам зь дзецьмі яна зайшла ў дом, ёй патэлефанавалі. Суразмоўца прадставіўся супрацоўнікам Генэральнай пракуратуры і сказаў, што яе мужа затрымалі. Гэта было прыкладна ў 17:30.

— Пасьля гэтага слухаўку далі мужу. Літаральна ў гэты ж момант у дом пастукалі. Дзіця пабегла адчыняць, я яму стала казаць: "Пачакай мяне". Змагла толькі спытаць у мужа, ці ўсё зь ім добра. Ён адказаў, што так. Яшчэ пасьпеў неяк падбадзёрыць: "Не хвалюйся, можа, сёньня адпусьцяць".

Ператрус у доме лекараў доўжыўся каля дзьвюх гадзін. Забралі тэхніку, у тым ліку мабільны тэлефон Натальлі.

Увесь вечар і ноч з 19-га на 20-га лістапада Натальля ня ведала, дзе яе муж. Раніцай знайшла яго ў СІЗА КДБ.


Каб даведацца хоць нешта, яна наўздагад пайшла зь перадачай у СІЗА КДБ. Падумала: калі возьмуць, значыць, ён там. Перадачу прынялі.

На гэты момант у СІЗА КДБ таксама знаходзіцца журналістка Tut.by Кацярына Барысевіч, якая рыхтавала матэрыялы пра памерлага жыхара "плошчы Пераменаў" Рамана Бандарэнку.

19 лістапада Генэральная пракуратура паведаміла аб завядзеньні крымінальнай справы аб "выдаваньні лячэбнай тайны" і "прадстаўленьні недакладнай інфармацыі" па факце гібелі Рамана Бандарэнкі. Гаворка, верагодна, пра вынік аналізу крыві на этанол і наркатычныя рэчывы, у якім пазначана, што ніякіх рэчываў выяўлена не было. Хоць СК заяўляў, што пры шпіталізацыі ў Рамана Бандарэнкі была дыягнаставана "алькагольная інтаксыкацыя".

У пракуратуры лічаць, што дзеяньні названых асоб пацягнулі за сабой цяжкія наступствы, якія выявіліся ў павышэньні напружанасьці ў грамадзтве, стварэньні атмасфэры недаверу да кампэтэнтных дзяржаўных органаў, падахвочваньні грамадзян да агрэсіі і проціпраўных дзеяньняў.

Крымінальная справа па факце забойства Рамана Бандарэнкі не заведзеная.

 


Двойчы пабітага карнікамі менскага дойліда
пакаралі трыма з паловай рокамі калёніі за "супраціў салдату ўнутраных войскаў"


Суд Цэнтральнага раёну Менску вынес вырак у крымінальнай справе 34-рочнага дойліда Арцёма Такарчука.

Яго прызналі вінаватым у супраціве 13 верасьня салдату тэрміновай службы паводле часткі 2 артыкулу 363 Крымінальнага кодэксу, паведамляе Праваабарончы цэнтар "Вясна". Прысуд вынесла судзьдзя Юлія Густыр.

У той дзень у Менску праходзіў "Марш герояў". Калі салдаты атачылі пратэстоўцаў на вуліцы Мельнікайце і затрымліваць іх, у натоўпе пачалася паніка, некаторыя ўцякалі і падалі.

З словаў Арцёма Такарчука, ён хацеў дапамагчы, разьняць людзей, што ўпалі. Але яго жорстка затрымалі, пасьля чаго ў шпіталі яму наклалі швы на галаву. Праз два дні яго зноў затрымалі — ужо ў межах крымінальнай справы. І пасьля гэтага затрыманьня яго завезьлі са Сьледчага камітэту ў шпіталь, дзе дыягнаставалі страсеньне мозгу, закрытую чэрапна-мазгавую траўму, шматлікія ўдары і гематомы на ўсім целе.

Судзьдзя Юлія Густыр пакарала Арцёма Такарчука 20 лістапада 3 рокамі і 6 месяцамі пазбаўленьня волі ў калёніі агульнага рэжыму. Менавіта такога пакараньня патрабаваў пракурор Цьвяткоў.

Паводле абвінавачаньня, падсудны архітэктар разам зь іншымі чыніў супраціў і гвалт салдату ўнутраных войскаў Максіму Чарнякову, якому ў натоўпе паставілі падножку, пасьля чаго апошні страціў раўнавагу і ўпаў на асфальтаваную паверхню, стукнуўшыся тулавам і іншымі часткамі цела, пасьля чаго нанесьлі ня менш за пяць удараў рукамі і нагамі па руках, нагах і іншых частках цела.

Відэа гэтага здарэньня ёсьць у інтэрнэце.

Арцёма Такарчука абвінавацілі ў тым, што ён "нанёс ня менш за адзін удар па тулаве пацярпелага, чым прычыніў Чарнякову цялесныя пашкоджаньні: кровападцёкі ў зоне левага локцевага суставу, сінякі левага сьцягна, сінякі левай клубавіцы, якія не пацягнулі кароткачасовага разладу здароўя і страты працаздольнасьці, прычыніўшы фізычны боль".


Прызнаў віну часткова


Арцём Такарчук у судзе віну прызнаў часткова. Ён прызнае, што штурхнуў салдата Чарнякова, але адмаўляе, што дзейнічаў у групе асобаў.

Арцём паведаміў суду, што 13 верасьня каля абеду сустрэўся з айчымам абмеркаваць будучае ягонае вясельле. На скрыжаваньні Нямігі і Раманаўскай Слабады мужчыны павярнулі ўверх, у бок станцыі мэтро "Фрунзэнская", каб унікнуць натоўпу, бо там было шумна. Пасьля таго як хлопец пачуў крыкі, ён убачыў дзьве вайсковыя машыны з салдатамі.

У людзей пачалася паніка, яны сталі разьбягацца. З словаў Арцёма, некалькі чалавек упалі справа ад яго. Арцёму, кажа ён, здалося, што тым, хто ўпаў, неабходная дапамога, пасьля чаго ён стаў адцягваць за вопратку таго, хто быў зьверху на адным зь ляжачых.

Арцём Такарчук растлумачыў суду, што хацеў дапамагчы і разьняць упалых людзей. Чалавека, які ляжаў зьнізу, Арцём ня бачыў, але чуў яго крыкі і стогны. Зьверху быў чалавек у бронекамізэльцы і з амуніцыяй. Ніякай іншай думкі, акрамя як аб дапамозе, кажа Арцём, яму ў галаву не прыходзіла. На судзе ён растлумачыў, што адцягнуў чалавека ў форме, штурхнуўшы таго ў зоне бронекамізэлькі, бо адчуваў, што фізычна ня можа схапіць яго за амуніцыю.


У шпіталі наклалі швы на галаву


Арцём Такарчук расказаў, што адбывалася зь імі далей: у яго заняло дых, бо з 10 рокаў ён хварэе на астму. Тут жа атрымаў удар па галаве, "адчуў расьсечыну на галаве, кроў на гэтым месцы, памутненьне, шок, стрэс, дыхавіцу, ногі сталі "ватнымі". Пасьля страты прытомнасьці хлопец ачуўся ўжо ў аўтазаку. 13 верасьня Арцёма завезьлі ў лякарню, дзе яму дыягнаставалі выцятыя раны патыліцы і наклалі швы. Пасьля гэтага яго адпусьцілі.


Пабілі пры паўторным затрыманьні


Паўторна Арцёма Такарчука затрымалі праз два дні — 15 верасьня. На судзе ён расказаў, што ў гэты дзень па дарозе на працу яму патэлефанаваў сьледчы і папрасіў прыехаць у РУУС, каб адказаць на некалькі пытаньняў. Калі Арцём прыехаў, яго адразу затрымалі апэратыўныя супрацоўнікі. Як апавядае мужчына, яму заламалі рукі, закінулі ў мікрааўтобус, селі на яго зьверху і пачалі біць па галаве, руках, нагах. Затым у яго забралі тэлефон і, толькі агледзеўшы яго, спынілі зьбіцьцё. На першым допыце Арцём прасіў забясьпечыць яму мэдычную дапамогу і даць адваката. Аднак сьледчы і апэратыўнікі яму адказалі:

— Падпішаш "з маіх словаў запісана і прачытана дакладна", будзе табе і адвакат, і мэдычная дапамога.

 


Жорстка пабіты пры затрыманьні дойлід пяты дзень у шпіталі пад канвоем


Жорстка пабіты 15 лістапада пры затрыманьні дойлід Вадзім Дзьмітранок па-ранейшаму ў шпіталі хуткай дапамогі. У яго закрытая чэрапна-мазгавая траўма, шматлікія гематомы. Дактары падазраюць цяжкія пашкоджаньні ўнутраных органаў, прызначаны дадатковыя дасьледаваньні.

Вадзім Дзьмітранок пяты дзень праходзіць лячэньне ў аддзяленьні спалучанай траўмы шпіталю хуткай мэдычнай дапамогі. Яго ахоўвае канвой, бо цяпер ён падазраваны, заведзена крымінальная справа паводле артыкулу 342 Крымінальнага кодэксу.

Наведаць нельга, бо каранавірус, паразмаўляць праз тэлефон нельга — бо падазраецца ў крымінальнай справе.

Сувязі з Вадзімам няма, кажа ягоная жонка Вольга.

— Наведваньні забароненыя, па-першае, праз COVID — у гэтым аддзяленьні вельмі шмат пацыентаў з каранавірусам. Трапіць туды немагчыма, праз тэлефон з адказным доктарам ці загадчыкам аддзяленьня таксама пагаварыць складана, яны вельмі занятыя.

А па-другое, канвой не дазваляе яму ні з кім размаўляць. Як мне растлумачылі, такі парадак, калі крымінальная справа заведзеная. Ён ужо не затрыманы, а арыштаваны, завялі справу паводле артыкулу 342 Крымінальнага кодэксу.

У чацьвер раніцай паехала ў шпіталь, хацела дамагчыся сустрэчы з загадчыкам аддзяленьня, але трапіла ў невялікае здарэньне, няцяжкае — пашкоджана толькі люстэрка, але ўсё адно зараз вось чакаю ДАІ, — жонка Вадзіма разгубленая.


"ЗЧМТ, шматлікія гематомы, пашкоджаньні ўнутраных органаў"


Яна дагэтуль ня можа адысьці ад шоку, які перажывала ў нядзелю, 15 лістапада. Кажа, што муж сышоў з дому прыкладна а палове на першую. Увечары раздаўся званок: дзяжурная адвакатка тэлефануе з Цэнтральнага РУУС, кажа, што Вадзім затрыманы ў раёне бульвару Шаўчэнкі — вуліцы Чарвякова, яго прывезьлі ў пастарунак.

— Адвакатка сказала, што дамаглася, каб Вадзіму выклікалі "хуткую". Зь яе слоў спачатку вынікала, што яму наагул патрэбная рэанімацыя. Я хацела адразу імчацца ў шпіталь хуткай дапамогі, але да нас прыйшлі з так званым "аглядам". Абыходзіліся даволі карэктна, агляд быў павярхоўны. Але адвакат мне кажа, што гэта не азначае, што ня прыйдуць зь пільнейшым ператрусам, — працягвае Вольга.

У шпіталь яна трапіла. Тое, што пабачыла, было шокам.

— Дзякуй Богу, рэанімацыя яму не спатрэбілася, але стан нядобры. Вадзім быў на вазку, скручаны. Рука да сэрца прыкладзена. З носу кроў цякла, усе штаны былі ў крыві. Вельмі ўразіла галава — яна вельмі апухлая. Адчуваецца, пабілі яго моцна. Пазьней я даведалася, што ў мужа закрытая чэрапна-мазгавая траўма, гематомы на грудзях, на лапатках, на нагах.

А цяпер адвакатка кажа, што прызначылі шэраг новых дасьледаваньняў, бо падазраюць сур’ёзнае пашкоджаньне ўнутраных органаў, — кажа Вольга.

— Я перакананая, што гэта мантаж. Ніколі ня бачыла такіх рэчаў у мужа.

Яшчэ большы шок у Вольгі быў пасьля сюжэту, які паказалі па БТ. Сюжэт называўся "На мірны пратэст зь нямірным арсэналам".

Там ёсьць кадры з затрыманьня: Вадзім з акрываўленым тварам стаіць на каленях, рукі зьвязаныя. Мужчына зь цяжкасьцю вымаўляе словы. Пры затрыманьні сілавікі правяраюць заплечнік. Нібыта "ў арсэнале былі армейская і дымавая шашкі, самаробныя пэтарды, рагатка і жалезныя шарыкі, самаробны дручок, балаклава".

— Ператрус заплечніка падчас затрыманьня выглядае дзіўна: звычайна ўсіх хуценька "пакуюць" у аўтазакі ці мікрааўтобусы, а не разьбіраюцца, што ў кожнага зь іх у заплечніку, — кажа жонка.

Ёсьць кадры допыту, дзе за сьпінай Вадзіма мужчына са зьмененым голасам задае пытаньні, яго не паказваюць, а паказваюць толькі затрыманага з цалкам заплюшчанымі вачыма.
Вольга ня верыць, што ў яе мужа маглі быць рэчы, якія паказалі.

— Ніколі ня бачыла такіх рэчаў у мужа. Ён жа не падлетак. Ён не маргінал. Ён дарослы, сур’ёзны чалавек.

Я перакананая, што гэта мантаж. Задавалі нейкія звычайныя пытаньні, кшталту: "Вам 43 рока?" — ён адказваў: "Так". І пад гэта мантуюць тое пытаньне, на якое патрэбны адказ "так", — мяркуе Вадзімава жонка.

Яна ня верыць, што муж мог так падстаўляць сям’ю. Вельмі кранальна піша, што ў Вадзіма абвостранае пачуцьцё справядлівасьці, уласнай годнасьці.

— У мяне невялікая, але вельмі шчасьлівая сям’я. Дзяўчаткі шалёна любяць тату, зрэшты, як і ён іх. Кожнае вяртаньне з працы суправаджаецца гонкай, хто першы дабяжыць да таты і мацней яго абдыме. Ім усё роўна, што тата дойлід, які, як ён сам кажа, добра "натаптаў" у месьце. Куды ні паедзеш у Менску, заўсёды знойдзецца, што праектаваў тата. Дзесьці прыпынак грамадзкага транспарту, дзесьці рэканструкцыя будынку — гістарычнага помніку, дзесьці мэдычны цэнтар альбо дойлідская прывязка помніка, сквэр... Ім важна, каб ён прыходзіў дадому!

Цяпер Вольга перажывае яшчэ і за старэйшую дачку, якой 10 рокаў.

— Яна ўсё разумее, параілі нам пайсьці да псыхоляга. Дачка баіцца выходзіць на вуліцу гуляць, толькі дом — школа — дом. Малодшай 3 гады, ёй патлумачылі, што тата хварэе, — кажа Вольга.

Вадзім Дзьмітранок — ня толькі вядомы дойлід. Ён быў сябрам ініцыятыўнай групы Віктара Бабарыкі, зьбіраў подпісы за яго вылучэньне кандыдатам у прэзыдэнты, пазьней увайшоў у пашыраны склад Каардынацыйнай рады.

 


Да санкцый ЭЗ супраць Беларусі далучыліся яшчэ сем краін


Акрамя краін ЭЗ, яшчэ сем іншых краін далучаюцца да санкцый супраць уладаў Беларусі: Украіна, Альбанія, Чарнагорыя, Паўночная Македонія, Ісьляндыя, Ліхтэнштайн і Нарвэгія.

Пра гэта заявіў кіраўнік дыпляматыі ЭЗ Жузэп Бурэль.

2 кастрычніка Эўразьвяз увёў санкцыі супраць 40 беларускіх чыноўнікаў — кіраўнікоў і старшых афіцэраў МУС, КДБ, чальцоў ЦВК, былога генэральнага пракурора.

6 лістапада сьпіс быў пашыраны, у яго дадалі яшчэ 15 чыноўнікаў, у тым ліку Аляксандра і Віктара Лукашак, а таксама кіраўніка адміністрацыі прэзыдэнта, старшыню КДБ, старшыню Сьледчага камітэту, прэс-сакратарку Лукашкі, старшыню Канстытуцыйнага суду і іншых асобаў з найвышэйшага кіраўніцтва.

 

 

"Беларуськалій" звольніў 49 пратэстоўцаў


Фармальная падстава: прагулы, бо суд палічыў страйк незаконным.

Паводле тэлеграм-каналу страйкоўцаў "Беларуськалію", у страйку ўдзельнічаюць каля 90 чалавек. Кіраўніцтва прадпрыемства пагражае звольніць іншых страйкоўцаў.


"Радыё Свабода", 20 лістападу 2020 р.

 


Расшыфроўка размоў бандытаў з атачэння Лукашкі


Што стала вядома з новых тэлефонных перамоў Эйсмант і Баскава.

Telegram-канал NEXTA выклаў другую порцыю запісаў гутарак з галасамі, вельмі падобнымі да галасоў вядомых асоб. У першай людзі, якія гучаць як кіраўнік ФХБ Дзмітрый Баскаў і яго сябар-баец Дзмітрый Шакута, абмяркоўваюць нешта вельмі падобнае на тое, што адбылося на плошчы Перамен, што прывяло да гібелі Рамана Бандарэнкі — і Баскава, і Шакута яшчэ да гэтага сталі падазраваць у прысутнасці на плошчы у трагічны вечар.

У новым запісе таксама фігуруюць два суразмоўцы — адзін голас усё такі ж моцна моцна падобны да голаса Баскава, другі ж вельмі нагадвае голас Наталлі Эйсмант — прэс-сакратаркі Лукашкі, якая патрапіла ў санкцыйныя спісы ЭЗ. Два галасы абмяркоўвалі вельмі знаёмыя беларусам у апошнія месяцы дзеяння — знішчэнне стужак і муралаў. Для гэтага ўладальнікі галасоў збіралі вялікую кампанію (называюцца вельмі знаёмыя прозвішчы), абмяркоўвалі абарону ад простага народа з імёнамі вышэйшых чыноў карнікаў — і ўсур'ёз узброіліся, прычым перспектыва атакаваць людзей не тое што не палохае, а выклікала смех, піша "Трыбуна".

Telegram-канал сцвярджае, што размовы мелі месца 18-19 кастрычніка. Менавіта ў ноч паміж гэтымі датамі здарылася знішчэнне нейкай кампаніяй БЧБ-стужак у ЖК "Мегаполіс", дзе бачылі людзей, вельмі падобных да Баскава, Шакута і не толькі. Акрамя таго, у размове проста і ўскосна пацвярджаецца, што ён прыходзіць у нядзелю — гэты дзень і быў 18 кастрычніка.

Жаночы голас называў суразмоўцаў "Дзіма", а мужчынскі абраў зварот "Натуля" — адпаведна, так "Трыбуна" называе удзельнікаў запісу ў тэкставай расшыфроўцы.

Вось што можна даведацца з апублікаваных перамоў.


Не ўсе "выканаўцы" былі знаёмыя, а кіроўца "Дзімы" выпіў піва —

але, відавочна, на план гэта не паўплывала


Мяркуючы з размовы, на "шпацыр" выязджалі 12 чалавек. І, прынамсі, не ўсе яны ведалі адзін аднаго загадзя — "Натуля" прапанавала "Дзіму" да выезду 15-20 хвілін надаць таму, каб "пазнаёміцца наогул" і размеркаваць ролі: "хто на тэлефон здымае, хто размаўляе, хто што". Акрамя гэтага, "Натуля" ўдакладніла, хто будзе за стырном — пасля высветлілася, што кіроўцаў планавалі пакінуць у салоне напагатове "на ўсякі выпадак, ці мала што". Кампанія збіралася даехаць да месца на двух бусах — за стырно аднаго знайшлі чалавека ад удзельнікаў кампаніі, а бус з "Дзімам" ён даверыў уласнаму кіроўцу як гарантыю прывёўшы тое, што шафёр "былы СБП" (так прынята скарачаць службу бяспекі Лукашкі). Праўда, пазней высветлілася, што кіроўца "Дзімы", не ведаючы пра задуму, выпіў піва — таму што "ну нядзеля, з вёскі прыехаў". Незразумела, як выйшлі з сітуацыі, але на план гэта, здаецца, не паўплывала.

"Натуля" скардзілася на адключаны інтэрнэт і патлумачыла, што ў Палацы незалежнасці няма wi-fi.

"Натуля" патлумачыла тэлефонную размову замест інтэрнэт-спосабаў камунікацыі адсутнасцю інтэрнэту — відавочна, справа была ў нядзелю, бо адключэнне ў Менску менавіта ў гэты дзень для цяжкасці традыцыйных маршаў стабільна адбываюцца ўжо шмат тыдняў запар. Пасля чарговай скаргі "Натулі" "Дзіма" даў параду пераключыцца на wi-fi, на што яна даволі раздражнёна адказала: "Ды які wi-fi ў Палацы незалежнасці, халера, ты што?", — і патлумачыла, што ў Палацы незалежнасці бесправадная сетка бывае толькі на буйных мерапрыемствах, і то з пашпартам — "Дзіма" гэтага не ведаў. Такая дасведчанасць суразмоўніцы толькі ўзмацняе падазрэнне аб тым, што голас можа належаць Наталлі Эйсмант — прэс-сакратарцы Лукашкі, якая рэгулярна працуе ў паказаным будынку.


"Дзіма" перадаў "Натулі" нумары аўто Шакуты і Захарава —
аўто з названымі лічбамі бачылі на аўтапрабегах


"Натуля" нагадала, што кампаніі трэба "разам сустрэцца, аўтамабілі пакінуць і перасесці" — для апошняга яна прапанавала месца "каля Драздоў, каля царскай брамы", але для гэтага варта было перадаць нумары машын нейкаму Шахраеву. Чалавек з такім прозвішчам, Дзмітрый Шахрай, з 2017 року ўзначальвае ўжо згаданую СБП. Пазней "Дзіма" паведаміў, што скінуў "Натулі" нумары свайго аўто і аўто Дзмітрыя Шакуты — яшчэ адная цэглінка ў сцяну падазрэння ва ўдзеле ў падобных мерапрыемствах байца і сябра Баскава з аналагічным імем. Пасля гэтага "Дзіма" папрасіў запісаць яшчэ і нумар аўто "гэтага, Захарава" — і прама яго назваў, удакладніўшы, што гэта "аўто федэрацыі". Перадаваць лічбы не будзем, але аўто з такімі нумарамі трапляла у кадр на праўладных аўтапрабегах, у якіх не раз удзельнічаў галоўны трэнер хакейнай зборнай Беларусі Міхаіл Захараў.


Гучала імя хакеіста, якога ўжо падазравалі з відэа з "Мегаполісу"


У відэа фігуруе шмат імёнаў — "Натуля" згадвае Ксюшу, Сяргея, Аню, Лену, аб асобах якіх у нас няма версій, ды і проста нейкіх людзей, якім "была пастаўленая задача далучыцца да нас". Але калі "Дзіма" тлумачыў, з кім прыбудзе, у апавяданні фігуравалі "Ваўчкі, [мае] суседзі". Пазней "Дзіма" пацвердзіў для "Натулі", што прывязе "Пашу і Жанэт". А гэтая інфармацыя умацоўвае вельмі пэўнае падазрэнне — бо людзей, вельмі падобных да гульца каманды Лукашкі Паўла Волчака і яго жонку Жанэт, заўважылі на відэа з "Мегаполіса" практычна адразу пасля яго публікацыі. "Трыбуна" тады спрабавала ўзяць каментар у хакеіста, але ён спачатку папрасіў ператэлефанаваць праз некалькі гадзін, а потым перастаў браць слухаўку.


Здымаць нумары не дазволіў Караеў, яго намесніка бачылі ў "Мегаполісе"
ў ноч зрэзу стужак (тут пра гэта гаворка), падтрымка АМАП


У момант абмеркавання "аперацыі" "Натуля" са смехам заўважыла: "Лепш за ўсё будзе, калі нас не чужыя, а свае" (які дзеяслоў ішоў пасля гэтага — па запісе зразумець не атрымалася), — але тут жа заявіла, што такога не можа быць. Хто для кампаніі "свае", стала зразумела з далейшых размоваў — у іх фігуруюць звесткі карнікаў вышэйшага ўзроўню.

У працэсе папярэдняга абмеркавання "Дзіма" спраўдзіў у "Натулі", ці "скруцяць" ім нумары. Субяседніца адказала, што Шахрай параіў здымаць нумары, толькі калі машыны будуць пад'язджаць "блізка зусім" (мабыць, да камер мясцовых жыхароў) — а калі вытрымліваць дыстанцыю, можна, каб не было "пытанняў наогул ніякіх", проста перадаць нумары Кубракову. На 18 кастрычніка ўладальнік такога прозвішча Іван Кубракоў быў начальнікам ГУУС Менгарвыканкама — праз паўтары тыдні яго прызначылі кіраўніком усяго МУС. Пры гэтым сама "Натуля" меркавала, што лепш "скруціць нумары" і перадаць Кубракову апісанне аўтамабіляў. Але пасля ў адной з гутарак задуменна паведаміла: "Нешта мне кажа Караеў [нумары] не здымаць...". Уладальнік такога прозвішча Юры Караеў на 18 кастрычніка быў міністрам унутраных спраў Беларусі — менавіта яго пазней змяніў Кубракоў.

Падчас размовы "Дзімы" і "Натулі" у часе самой паездкі высветлілася, што іх маршрут уключаў цэлы шэраг мясцін, у тым ліку нейкі "эпіцэнтр, дзе па пяцьсот выходзіць", і адна з "табакерак", папрацаваць з якой асобна папрасіў "Дзіма", а завяршаць "справу" павінны былі, "працуючы па праспекце Дзяржынскага" — менавіта там размешчаны ЖК "Мегаполіс". У адной з апошніх гутарак "Натуля" кажа пра месца, дзе стужкі "вісяць уздоўж дарогі" — і цікава, што БЧБ-стужкі ў "Мегаполісе" сапраўды былі відаць з праспекта. Пры гэтым "Натуля" распавяла "Дзіму" аб прыкрыцці з АМАП ад Аляксандра Пятровіча, пазней назваўшы і прозвішча — Барсукоў. Менавіта так клічуць на 18 кастрычніка намесніка міністра ўнутраных спраў, а цяпер памочніка Аляксандра Лукашэнкі ў Менску. І ж падобнага да Барсукова чалавека акурат бачылі ў "Мегаполісе" ўначы з 18 на 19 кастрычніка — той, знаходзячыся сярод байцоў "Алмазу", нібыта тэлефанаваў у ізалятар на Акрэсьціна і прасіў падрыхтаваць месцы для чатырох чалавек. Зрэшты, абышлося без затрыманняў — жыхары проста разышліся.


На загад "забіраць" людзей "Дзіма" са смехам прапанаваў саваць у багажнік


"Натуля" згадала пажаданне ад Караева — ён размаўляў з нагоды "аперацыі" "зразумела з кім", пасля чаго сказаў ёй, што ёсць "задача не проста ставіць на месца, а тыпу забіраць". Мяркуючы з размовы, меліся на ўвазе тыя, хто мог выйсці на абарону стужак — гэта значыць перад "Натуляй" і "Дзімам" маячыла перспектыва выкарыстоўваць да людзей сілу. Аднак суразмоўцаў гэта ані не збянтэжыла. "Натуля" са смехам спытала, куды кампанія "будзе іх "пакаваць", "Дзіма", гігікнуў у адказ, спакойна адказаў: "У багажнік", — што выклікала новы ўсплёск весялосці ў "Натулі". Але, як ужо гаварылася, у "Мегаполісе" абышлося без гэтага.


"Натуля" прасіла ўзяць "баявы інструмент",

ля самой быў "з гумай", астатнім — "аэразольчыкі, палачкі"


"Натуля" сказала "Дзіму", каб ён папрасіў іншага Дзіму ("сябра свайго самага баявога") узяць з сабой "інструмент баявы і не толькі" — пра яго наяўнасць суразмоўніцы, маўляў, паведамілі Караеву. Наводзіць на меркаванне, што пад "сябрам" зноў мелі на ўвазе Шакуту — Юры Караеў дакладна з ім знаёмы, бо ўзначальваў унутраныя войскі, дзе баец працуе, і Караеў жа застаецца кіраўніком федэрацыі кікбоксінга і тайландскага бокса, галоўных тыпаў спорту Шакуты. "Дзіма" пры гэтым згадаў, што яму таксама "шэф казаў браць" — "Натуля" (зноў са смехам) заўважыла: "Мы як на вайну". Па гэтых словах можна зрабіць выснову, што гаворка ішла пра зброю.

Пазней "Дзіма" папрасіў "Натулю" ўдакладніць, "браць ці не браць" — яна адказала, што "ёй скажа міністр". І тут жа пахвалілася, што ў яе "ёсць адзін з гумай", які сказана ўзяць сабе — "Дзіма" на гэта кінуў: "Ну смешна". Іншых чальцоў кампаніі таксама планавалася ўзброіць — "Натуля" ласкава назвала іх арсенал: "Аэразольчыкі, палачкі". "Дзіма" ўхваліў: "Давай, пакуй", — пасля чаго абодва засмяяліся, а затым выдалі фразу на дваіх: "Прагуляемся ўвечары, папырскаем".


Шмат абмяркоўвалі, ці выпіць перад "справай" — па выніку выйшаў фэйл са шклянкамі


Праз усе размовы цягнулася прапанова "Натулі" выпіць перад "справай" Масандры — гатунак віна, што вырабляецца ў Крыме. "Натуля" спачатку заявіла, што ў яе цэлых дзве скрыні гэтага напою — маўляў, дасталіся "ад маскалёўскага пасла", але тут жа дадала, што пажартавала. Незадоўга да выезду "Натуля" ўдакладніла, ці браць Масандру, а потым сказала "Дзіму", што з рэакцыі кампаніі "так зразумела, што ўсё саромеюцца" — але суразмоўца ўхваліў план і заклікаў "браць усё што ёсць".

Аднак ужо ў дарозе высветліўся грандыёзны правал "экспедыцыі" — ніхто не ўзяў кубачкі пад разліў! Для развязання праблемы дамовіліся спыніцца ля крамы і набыць тару — у гэты момант "Натуля" весела дадала: "І купі што-небудзь нармальнага, што мы, будзем віном душыцца?".


"Дзіма" — як мы бачым, нездарма — усё ж баяўся тэлефонных размоў


Здаецца, у "Дзімы" былі падазрэнні наконт магчымага праслухоўвання(як бачым, нездарма). У нейкі момант "Натуля" заўважыла, што суразмоўца "нейкі не такі", на што "Дзіма" адказаў, што проста не ведае, што можна гаварыць праз "звычайную тэлефонную сувязь". Праўда, як вы маглі зразумець з разбору, ад досыць падрабязнага разбору планаў імавернасць перахопу размовы ніводнага з суразмоўцаў не спыніла.

 


Армія павінна ўзяць пад варту галоўнага злачынцу


Тады яе камандаванне стане героямі беларускага народа.

Telegram-канал "Баста!" апублікаваў зварот свайго чытача да беларускіх афіцэраў.

— На сёння ў краіне існуе адзін, вядомы і зразумелы любому факт — супрацьзаконны захоп улады сілавым шляхам. Нелегітымны прэзідэнт злачынным спосабам, з дапамогай адданых яму бандытаў утрымлівае ўладу і тэрарызуе народ, рэпрэсуе яго і знішчае.

Звяржэнне такой улады арміяй не мае нічога агульнага з ваенным пераваротам. Гэта не пераварот, бо ўлада ўжо па-за законам і захопленая злачынным чынам. Гэта аднаўленне справядлівасці і законнасці, і абарона народа, збавенне яго ад тэрору. Для войска было ўжо дастаткова падставаў прыбраць гэты злачынны рэжым, як некаторыя яго прадстаўнікі кажуць "за адзін дзень". Армія з народам? Не! Армія вытрымлівае нейтральную пазіцыю і чакае для сябе зручны момант і глядзіць, на які бок схіліцца чаша вагаў. На бок народа альбо на бок нелегітымнай улады. На чый схіліцца, на тым баку армія і будзе. Калі б за Ціханоўскую было 52%, а за Лукашку 48%, тады так, тут грамадства падзялілася, зрабіла свой выбар, і дзелі практычна роўныя. Арміі ўдзельнічаць было б дзіўна, гэта быў бы ваенны пераварот. Але калі ўся краіна ўстала супраць дыктатуры і з прычыны сваёй чалавечнасці мірна пратэстуе, а нелегітымная ўлада сінімі пальцамі забівае, збівае свой народ, то знаходжанне арміі ўбаку, як назіральніцы — гэта таксама злачынства.

Функцыі арміі — абарона краіны ад вонкавага ворага. Але на сёння няма ніякага вонкавага ворага! Ёсць толькі ўнутраны вораг, і ён — самы небяспечны для грамадства і дзяржавы! Вы хочаце, каб гэты вораг пакінуў адны руіны? Руіны эканомікі, руіны палітыкі, руіны закону, руіны правоў чалавека, разваленую банкаўскую сістэму, закрытыя заводы, і ў цэлым прыгнечаную нацыю! Армія — гэта частка беларускага грамадства! Вы хочаце самі жыць у такой краіне? І каб вашы дзеці жылі ў такіх жа ўмовах?

Армія дае прысягу народу!

Што не проста можа, а павінна зрабіць армія:

1. Увесці войскі ў места, узяць пад варту галоўнага злачынцу і ўсіх ягоных паслугачоў.
2. Гарантаваць бяспечнае вяртанне абранай народам прэзідэнткі.
3. Захоўваць стабільнасць і парадак цягам 6 месяцаў, пакуль новая Прэзідэнтка і яе каманда будуць арганізоўваць новыя, адпаведныя ўсім сусветным патрабаванням сумленныя выбары.
4. Забяспечыць дапамогу ў арышце ўсіх злачынцаў, хто мае дачыненне да ўтрымання ўлады — узяць пад кантроль АМАП і ўсе бандыцкія групоўкі МУС, у тым ліку ягоную верхавіну.

Усё гэта трэба зрабіць да канца 2020 року. Вось тады армія будзе з народам, а яе камандаванне — героямі краіны, свайго народа і прыкладам на ўвесь свет.

А пакуль войска не з народам — падзяліўся меркаваннем чытач Telegram-канала.

 


У Горадні падарвалі аўтамабіль супрацоўніка МУС


Аўто знаходзілася на паркоўцы ў двары.

Сёння ўночы (а 01:30 гадзін) паступіла паведамленне аб гучным выбуху ў адным з двароў Горадні, паведамляе тэлеграм-канал Нехта.

Як высветлілася, прычынай шуму стаў выбух каля аднаго з аўтамабіляў, прыпаркаваных у двары.

Гаспадар аўто дзейны супрацоўнік міліцыі. Распачатая крымінальная справа.

 

 

Сталі вядомыя імёны і пасады 28 суўдзельнікаў Лукашкі,
якія трапілі пад санкцыі краін Балтыі


Ім забаронены ўезд у Літву, Латвію і Эстонію.

Міністр замежных спраў Літвы Лінас Лінкявічус заявіў аб супольным з Латвіяй і Эстоніяй увядзенні санкцый супраць 28 суўдзельнікаў Лукашкі. Сталі вядомыя іх імёны і пасады.

Сяргей Кавальчук, міністр спорту і турызму;
Ігар Луцкі, міністр інфармацыі;
Міхаіл Кравец, намеснік Міністра спорту і турызму;
Раман Кот, намеснік начальніка адміністрацыі Кастрычніцкага раёна места Горадні;
Дзмітрый Стрыбулевіч, ст. УІМ маёр міліцыі;
Вячаслаў Сулкоўскі, УУС Берасцейскай вобласці, маёр міліцыі;
Яўген Вайцэховіч, генеральны дырэктар, адкрытае акцыянернае таварыства "Менскі завод грамадзянскай авіяцыі №407";
Дзмітрый Шынкарэвіч, УУС Берасцейскай вобласці, маёр міліцыі;
Стахавец Юрый Мікалаевіч, УУС Берасцейскай вобласці, маёр міліцыі;
Дзмітрый Юнкевіч, маёр міліцыі;
Максім Кішковіч, прапаршчык міліцыі міліцыянт-кіроўца АМАП;
Сяргей Хорт, ГУБАЗіК падпалкоўнік міліцыі;
Мікалай Карпянкоў, намеснік міністра ўнутраных спраў - камандуючы ўнутранымі войскамі;
Марыя Мазуркевіч, прапаршчык міліцыі, міліцыянт аператыўнай роты АМАП УУС г. Гародні;
Людміла Дзей, УДВП МУС Гомельскай вобласці падпалкоўнік унутранай службы;
Вадзім Дзенісенка, генерал-маёр камандуючы Сіламі спецыяльных аперацый Узброеных Сіл;
Уладзімір Базанаў, намеснік старшыні Сталай камісіі ў нацыянальнай бяспецы;
Рыгор Азаронак, журналіст СТВ;
Дзмітрый Жук, галоўны рэдактар газеты "СБ. Беларусь сегодня";
Васіль Дземянцей, былы намеснік старшыні КДБ;
Алена Някрасава, суддзя Заводскага раёна Алена Някрасава;
Міхаіл Орда, старшыня Федэрацыі прафсаюзаў;
Алена Манкевіч, намесніца Старшыні Федэрацыі прафсаюзаў;
Мікалай Мацюкевіч, член Савета ФПБ і яго Прэзідыума;
Ганна Варфаламеева, сакратарка Федэрацыі прафсаюзаў;
Уладзімір Перцаў, дырэктар Прадстаўніцтва МТРК "Мір";
Міхаіл Пятровіч, намеснік міністра спорту і турызму.

 


У Беларусі можа адбыцца "палацавы пераварот"


Тэрор узрастае і, мабыць, Лукашка ўсё яшчэ разлічвае здушыць пратэсты сілавымі метадамі, запалохваючы і аказваючы ціск на людзей. Усе яго палітычныя фінты (пра перадачу 70-80 адсоткаў паўнамоцтваў парламенту і ўраду без змен Канстытуцыі краіны. — Рэд.) — пустая гульня. Тыя, хто супраць яго пратэстуюць, не вераць ні адзінаму яго слову. Патрабаванне адно — сыход Лукашкі, выказала сваё меркаванне "Обозреватель" палітолаг Наталля Васілевіч.

— Але ў той жа час тэрор — дарагое задавальненне, і рэсурсы хутка заканчваюцца. Каб застацца ва ўладзе, патрэбныя грошы. Калі перакідваць іх з "падкормлівання" пакуль яшчэ лаяльных груп на сілавікоў, то база лаяльных груп будзе таксама скарачацца, а пратэсты яшчэ больш узрастаць. Трэба будзе яшчэ больш рэсурсаў, каб іх стрымліваць, а вось адкуль іх браць — невядома. Калі ж падкормліваць карнікаў, тыя могуць і "палацавы пераварот" зладзіць. Лукашка апошнія месяцы сам заганяе сябе ў кут, — мяркуе палітолаг.

 


"Пачалася барацьба за выжыванне":
тры версіі тэлефонных зліваў ад адстаўнога палкоўніка КДБ Валерыя Косткі


Перамовы найбліжэйшага атачэння Лукашкі з'явіліся ў Сеціве не проста так.

Былы палкоўнік КДБ Валерый Костка пракаментаваў "Беларускаму партызану" злівы аўдыёзапісаў размоў найбліжэйшага атачэння Лукашкі:

— Злівы тэлефонных размоў найбліжэйшага атачэння Лукашкі з'явіліся не проста так. Існуюць тры асноўныя версіі.

Версія першая. Большасць нашых калегаў звярнула ўвагу, што злівы адбыліся напярэдадні візіту Лаўрушкі. Лукашка абяцаў Пуйлу "канстытуцыйную рэформу", каб супакоіць грамадства, аднак за тры з паловай месяцы яму не ўдалося выканаць абяцанне.

Таму перад прыездам Лаўрушкі выкідваюцца аўдыёзапісы — каб пазбавіць Лукашку ўсялякіх аргументаў у размове з пасланцам Пуйла: цяпер Крэмль будзе ўказваць — Лукашка будзе выконваць.

Другая версія таксама мае права на жыццё. Калі паглядзець на апошнія нарады з удзелам Лукашкі, то заўважаем, што Эйсмант сядзіць трэцяй злева ад Лукашкі, і толькі чацвёртым сядзіць старшыня КДБ!

Атрымліваецца, што прэс-сакратарка Лукашкі ў табелі аб рангах ужо вышэй за старшыню КДБ. Такое становішча рэчаў магло не спадабаецца беларускім спецслужбам: Эйсмант тэлефануе і Барсукову, і міністрам і дае ўказанні, прапануе "Масакру".

Яна ўжо адчувае сябе другім прэзідэнтам — таксама нелегітымным, але другім. Гэта магло выклікаць раздражненне і выклікаць гэты ўкід — як удар па Эйсмант.

Трэцяя версія: усё ідзе да свайго лагічнага заканчэння. Рана ці позна пачнуцца вялікія разборкі: хто вінаваты і хто чым займаўся. Тут прасочваецца тэндэнцыя ўсю віну ўскласці на Балабу, Карпянкова, Барсукова — падставіць канкурэнтаў сярод спецслужбаў.

Гэты зліў наносіць удар і па найбліжэйшаму колу Лукашкі, і па МУС. Як павукі ў банцы, спецслужбы пачалі барацьбу за выжыванне: кармавая база скончылася, пачынаюць жэрці адзін аднаго.

Вось тры асноўныя версіі: ФСБ, КДБ і ўнутраныя разборкі.

— Запісы дакладныя або ёсць падставы падазраваць фэйкі?

— Вядома, можна падазраваць і фэйкавы ўкід. Але пытанне ў тым, як падрабіць галасы, як падрабіць манеры бытавых стасункаў, узровень інтэлекту галоўных дзейных асоб?

Малаймаверна, што падробкай запісаў займаліся тэлеграм-каналы ці яшчэ хтосьці — яны далёкія ад унутранай кухні атачэння Лукашкі.

Дапусцім, гэта фэйкі. Адзін фэйк, другі фэйк — раз гэтым хтосьці займаецца, значыць, гэта робіцца з пэўнай мэтай. І сэнс палягае не ў тым, каб праславіць Наташу Эйсмант, гэта ўдары па ўсёй сістэме Лукашкі, або па структуры МУС — гэта мэтанакіраваная праца. І я думаю, што гэтым займаецца той, хто кантралюе ўсе тэлефонныя размовы.

Мы прыйшлі ўсе ж да высновы, што гэта не фэйк, а рэальнасць. Вось толькі хто за гэтым стаіць — з ходу адказаць не атрымаецца. Трэба праводзіць расследаванне, а ў нас ніякіх магчымасцяў правесці расследаванне няма.

Мы выказваем версіі, якія шляхам следства трэба альбо спраўджваць, альбо не.


"Хартыя’97%", 20 лістапада 2020 р.

 

 

Затрыманы адзін з лідараў стачкаму "Беларуськалія" Анатоль Бокун


Раніцай у Салігорску ў раёне крамы "Гурман" экіпаж ДАІ спыніў Анатоля Бокуна. Пасля чаго быў выкліканы нарад міліцыі для канваіравання ў РАУС.

 


Наталля Эйсмант удзельнічала ў налёце на ЖК "Мегаполіс"?


Карыстальнікі інтэрнэту звярнулі ўвагу, што жанчына, падобная на Наталлю Эйсмант, удзельнічала ў налёце на ЖК "Мегаполіс".

Учора ў сеціве апублікавалі запіс тэлефонных размоваў паміж, як мяркуецца, старшынёй Федэрацыі хакею Беларусі Дзмітрыем Баскавым і прэс-сакратаркай Лукашкі Наталляй Эйсмант. Два галасы, падобныя да галасоў Баскава і Эйсмант, абмяркоўваюць удзел у рэйдах па дварах, дзе яны  пад прыкрыццём сілавікоў зразаюць бчб-стужкі і замазваюць пратэставыя надпісы.

Пасля гэтага карыстальнікі інтэрнэту звярнулі ўвагу, што людзі падобныя на Баскава і Эйсмант былі заўважаныя на відэа Tut.by падчас скандальнага інцыдэнту ў ЖК "Мегаполіс".

Ноччу 19 кастрычніка ў ЖК "Мегаполіс" група агрэсіўных людзей зразалі стужкі. Калі гэта пабачылі мясцовыя жыхары, яны выйшлі на вуліцу, адбыўся канфлікт. Пасля гэтага ў "Мегаполіс" прыехалі звычайныя міліцыянты, амапаўцы, а таксама спецназ са зброяй.

 


СК адмовіўся распачынаць крымінальную справу за збіццё 16-рочнага школьніка


Мікіту Залатарова абвінавачваюць у тым, што 10 жніўня, збягаючы ад сілавікоў падчас разгону акцыі пратэсту ў Гомлі, ён нібыта кінуў бутэльку з гаручай сумессю ў бок міліцыянта. Хлопцу пагражае да 10 рокаў зняволення паводле ч. 3 арт. 339 ("зацятае хуліганства") КК.

Залатарова затрымалі дома 11 жніўня. З пастарунку яго забрала хуткая дапамога, ён трапіў у рэанімацыю. Сваякам Мікіта распавёў, што яго збівалі міліцыянты. Бацька напісаў заяву ў СК з патрабаваннем правесці праверку.

У СК прызналі, што ў дачыненні школьніка выкарыстоўвалася фізічная сіла: падчас затрымання яму заламалі рукі за спіну і надзелі кайданкі. А вось ніякага збіцця нібыта не было, сцвярджаюць у СК.

"У ходзе праверкі не атрымана дадзеных аб неправамерным ужыванні фізічнай сілы і спецыяльных сродкаў працаўнікамі органаў унутраных справаў".

Таксама падлетку працягнулі тэрмін знаходжання пад вартай да 4-х месяцаў.

 

У Менску міліцыянты затрымалі вулічных музыкаў


Раніцай на плошчы Якуба Коласа ў Менску міліцыянты затрымалі вулічных музыкаў, якія выступалі ў падземным пераходзе

— Калі я спусцілася, пачула толькі апошнія ўдары ў барабан — і ўсё, яны ўжо пакавалі свае інструменты. Міліцыя суправадзіла іх у бус. Прычыны я не чула, але гралі яны бяскрыўдныя песні. Яны гралі ў гэтым пераходзе пастаянна — 1-3 разы на тыдзень, — распавядае сведка.


"Белсат", 20 лістапада 2020 р.

 

 

У Горадне падпалілі машыну амапаўца


Як паведамляе Следчы камітэт, гарэў аўтамабіль, які належыць 41-рочнаму карніку АМАП. Побач з машынай выяўлены сляды гарэння і знойдзены прыкметы выбуху. Таксама пашкоджаныя тры аўтамабілі, якія стаялі побач.

Пачатая крымінальная справа па ч. 2 арт. 218 "Наўмыснае пашкоджанне маёмасці, здзейсненае агульнанебяспечным спосабам" КК РБ.


"Наша Ніва", 20 лістапада 2020 р.

 


"Неравнодушные граждане", которые по ночам срезают бело-красно-белые ленты


"Неравнодушные граждане", которые по ночам срезают бело-красно-белые ленты, как следует из записей разговоров между Натальей Эйсмонт и Дмитрием Басковым, действуют под прикрытием карарелей высшего ранга: Караев, Шахраев, Кубраков, Барсуков. Но Ник обратил внимание на менее очевидных персонажей.

Павел и Жанетта — это вот эти ребята засветились ранее. Это экс-хоккеист Павел Волчек и его супруга Жанетта. Как называет их Басков в разговоре — "Волчки".

Далее дважды в разговоре фигурирует Аня. Сначала Наташа говорит о том, что она заберёт Аню, а затем, по словам Наташи, Аня предлагала в магазине купить стаканчики для "Массандры".

Что ж, встречайте: Анна Эйсмонт, спортивная ведущая "Беларусь 1" и сестра Ивана Эйсмонта, главы БГТРК. Та самая участница секс-эскорта Лукашки, которая обеспечила карьерный рост всему роду.

На этом видео наша героиня на отметке 5.16.

Также звучит в разговоре имя Ксюша. По сведениям Ника, это никто иная как Ксения Санкович. Бывшая гимнастка, которая любит собирать арбузы на фазенде Лукашки.

Кроме того, в разговоре звучит ещё два имени: Лена и Сергей. По ним источники Ника продолжают работать. Информация скоро появится.

Таким образом, из 11 человек из банды опознаны 7 человек:

Дмитрий Басков
Павел Волчек
Жанетта Волчек
Наталья Эйсмонт
Анна Эйсмонт
Дмитрий Шакута
Ксения Санкович

Вот этим персонажи пока остаются без фамилий:

Сергей (?)
Лена (?)

Ещё двое пока неизвестны. Но мы вас найдём. Готовьтесь.


"Ник и Майк", 20 лістапада 2020 р.

 

 

"Падзякуйце, што сына вярнулі цэлым і жывым".
Сям'ю затрыманага падлетка прызналі сацыяльна небяспечнаю


— Я ніколі ім не прабачу таго, што яны рабілі з маім Ромам, што выломлівалі яму пальцы, білі. Хто яны пасля такога здзеку з дзіцяці? Ці людзі?

Падлетка затрымалі за тое, што  ён проста сядзеў на лаўцы. Хлопца моцна збілі, сям’ю паставілі на ўлік, а маці (яна грамадзянка Масковіі) прыгразілі дэпартацыяй. А, і яшчэ міліцыянт забраў у 14-рочнага Ромы з кішэні 5 рублёў. Абсурд? Не, проста жыццё у Беларусі.

Дарогаю да аддзялення міліцыі 14-рочнага Рамана Белахвостава білі па галаве, выломлівалі пальцы.

 


Менская міліцыя даслала копію пратакола паводле арт. 23.34 КаАП
на імя і адрас чалавека, які памёр сем рокаў таму


— Гэта копія пратакола, там напісана, што Мельнікаў Аляксандр Яфімавіч 13 верасня ўзяў актыўны ўдзел у недазволеным мітынгу. Так клікалі майго бацьку, і ён сапраўды жыў па гэтым адрасе, — распавёў Антон Мельнікаў, сын нябожчыка. — Пратакол прыйшоў на адрас бацькоў, яго прачытала мама. Вельмі знервавалася, бо гэта не найлепшы спосаб памінаць блізкага чалавека.

У МУС сітуацыю патлумачылі "тэхнічнай памылкай".

 


Кацярыну Андрэеву і Дар'ю Чульцову перавялі ў ІЧУ на Акрэсціна


Журналісткі "Белсату" былі затрыманыя 15 лістапада пасля стрыму з плошчы Пераменаў. Увесь тыдзень яны знаходзіліся ў ЦІП на Акрэсіцна. Учора стала вядома, што Кацярыне Андрэевай выставілі абвінавачанне паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак). Ёй абраная мера стрымання: арышт на 2 месяца.

Планавалася, што яшчэ ў пятніцу яе павязуць у СІЗА Жодзіна. Аднак замест гэтага ў ноч з 20 на 21 лістапада яе перавялі ў ІЧУ. Плануецца, што ў Жодзіна яе павязуць у панядзелак. Паводле сукамерніцы, якая сёння выйшла на свабоду, Кацярына трымаецца добра, не губляе аптымізму.

Таксама ў ІЧУ пераведзеная аператарка Дар'я Чульцова, але іх з Кацярынай пасадзілі ў розныя камеры.

 


У Новае Баравой зноў "госці"


У Новую Баравую зноў прыйшлі госці, якіх ніхто не запрашаў. Здымаюць сцяг. Спадзяемся, што хаця б венціль ад трубы з вадой пакінуць на месцы.

 


Украінскія ўлады не плануюць сустракацца

з цяперашнімі лідарамі беларускай апазіцыі


— Ціханоўская, Калеснікава і іншыя займаюць прамаскалёўскую пазіцыю па важных для нашай краіны пытаннях, што тычацца адэкватнай ацэнкі дзеянняў Расейскай Федэрацыі ва Украіне. У прыватнасці, Крыма. Мы не будзем з імі кантактаваць, — адзначыў у размове з украінскім выданнем ZN.ua высокапастаўлены прадстаўнік Офіса прэзідэнта Уладзіміра Зяленскага.

Крыніцы ZN.ua у Офісе прэзідэнта і Міністэрстве замежных справаў адзначаюць: улічваючы настроі цяперашніх лідэраў беларускай апазіцыі, у выпадку іх прыходу да ўлады яны будуць праводзіць у дачыненні Украіны палітыку, якая ў цэлым не будзе адрознівацца ад той, якую праводзіць Лукашка.

 


"За адзіную Беларусь" 21 895 рублёў


На правядзенне "патрыятычнай" акцыі "Аўтапрабег "За адзіную Беларусь" была запланаваная сума ў 21 895 рублёў. Крыніца фінансавання — бюджэтныя сродкі. Заказчык/арганізатар — "Менскканцэрт".

Саладуха заспяваў за 2000 р, Ланская, Алешка і Жанэт — за 1000 р, а Аўра — за 4000 р.

 

"Белсат", 21 лістапада 2020 р.

 


"Беларусь перажывае нябачны крызіс,
які можа завяршыцца грамадзянскай вайной"


21 лістапада Мітрапаліт Тадэвуш Кандрусевіч служыў Імшу ў віленскім касьцёле сьвятой Тэрэзы (пры Вострай Браме). На пачатку службы ён заклікаў маліцца за Беларусь, якая "перажывае нябачны грамадзка-палітычны крызіс, які працягваецца больш за тры месяцы, якому ня бачна канца, і які можа завяршыцца грамадзянскай вайной".

— Мы ведаем, што такое падзеленае грамадзтва, яно будзе зьнішчана, як кажа Езус Хрыстос. А мы хочам, каб наша Бацькаўшчына жыла і была шчасьлівай. Мы супраць гвалту, супраць няпраўды, супраць несправядлівасьці і ўсё гэта асуджаем. Але мусім зь любоўю ставіцца да кожнага чалавека, умець прабачаць тым, хто робіць зло. Гэта нялёгка, але трэба сузіраць крыж Езуса Хрыста, які сказаў: "Ойча, прабач ім, бо ня ведаюць, што робяць!", — зазначыў каталіцкі герарх.

Ён лічыць, што трэба прасіць у Бога ласкі, каб у грамадзтве панаваў галоўны закон — любові да Бога і бліжняга.

— Які б іншы быў сьвет і наша краіна, калі б мы жылі паводле гэтага закону. Мы розныя, але павінны быць адзінымі ў жаданьні шчасьця для нашай Бацькаўшчыны, — заклікаў Тадэвуш Кандрусевіч.

Амаль тры месяцы ён жыве за мяжой, у Польшчы. Беларускія ўлады не пусьцілі яго на радзіму, прызнаўшы пашпарт несапраўдным. У Вільні для мітрапаліта была другая імша на роднай беларускай мове — першую ён адслужыў у Польшчы.

— Таму я вельмі рады, што нягледзячы на складаныя абставіны, вас сабралася тут нямала, — зьвярнуўся ён да вернікаў.

 

Некалькі дваровых чатаў Менску перайшлі пад кантроль невядомых


21 лістапада адразу некалькі менскіх дваровых чатаў зьмянілі сваю аватарку на укашысцкі сьцяг ці герб — у папярэдніх выпадках гэта служыла прыкметай, што чат перайшоў пад кантроль невядомых.  

Так, дваровы чат "Малінаўка 007" рэзка зьмяніў тэматыку (там зьявіліся рэпосты з праўладнага тэлеграм-каналу "Жоўтыя сьлівы") і фота на аватарцы — зараз там чырвона-зялёная ануча. Таксама яшчэ тры дваровыя чаты — "Малінаўка 1", "Малінаўка 8-9" і "Слабадзкая 111" — зьмянілі аватарку на аднолькавыя выявы лукашысцкага герба.


"Радыё Свабода", 21 лістапада 2020 р.

 


Аўтазакі з Менску едуць у бок Берасья


Верагодная прычына, чаму вязняў ізалятара ў Баранавічах сёння выпусцілі раней, чым мусілі, — "расчыстка" менскага ізалятара ў завулку Акрэсціна перад заўтрашнім маршам. Раніцай 21 лістапада менчукі заўважылі калону аўтазакаў, якая кіравалася да выезда з места ў бок Берасья.

 


"Пакуль у краіне беззаконне, супраціў — наш абавязак!"


Людзі з банерамі "Пакуль у краіне беззаконне, супраціў — наш абавязак!" перакрылі вуліцу ў Маладэчне.

 


Новыя "Белые халаты"


Тэлеграм-суполка беларускіх медыкаў "Белые халаты" заяўляе, што стваральнік канала нарэшце знаходзіцца ў бяспечным месцы. Але, паколькі канал дыскрэдытаваны паспяховай спробай узлому, яны заклікаюць усіх падпісвацца на свой новы канал — @belhalat_by.


"Эўрарадыё", 21 лістапада 2020 р.

 

 

Марш супраць фашызму


Пачалося. Аб 11:55 на ўваход і выхад зачыненыя станцыі метро "Плошча Леніна", "Кастрычніцкая", "Плошча Перамогі", "Плошча Якуба Коласа", "Няміга", "Купалаўская", усе станцыі трэцяй лініі. Цягнікі ідуць без прыпынку на гэтых станцыях.

Менск. Шмат бусаў ля Бангалору з боку вул. Арлоўскай.

У Менску па-ранейшаму ачэпленыя стэла і палац Незалежнасці. Вельмі шмат тэхнікі на вуліцы Сапёраў.

Нам пішуць: "Казлова 3, хуткая з людзьмі ў чорным, будзьце асцярожныя!"

У Менску людзі ідуць невялікімі маршамі. Міліцыянты ўжо затрымалі чалавека з асабліва небяспечным парасонам.

Не толькі метро, але і наземнўы транспарт. У Менску адмененыя прыпынкі грамадскага транспарту на праспекце Незалежнасці ад вуліцы Я. Купалы да Інстытуту Культуры ў абодвух напрамках.

Бабруйск. На плошчы Леніна, дзе знаходзіцца месцкая адміністрацыя, пад казырком будынку стаяць бэжавы аўтобус МАЗ, які звычайна выкарыстоўваюць для дастаўкі АМАПу. Пара міліцыянтаў і аўтазак, знаходзяцца на плошчы бліжэй да фантану.

Менская Каменная Горка выходзіць.

Горадня. Сённяшняя акцыя пройдзе ў іншым фармаце, каб пазбегнуць масавых затрыманняў. А 13:30 пратэстоўцы плануюць збірацца на прыпынках па сваіх раёнах ды сядаць у грамадскі транспарт, а ў 14:00 выйсці на бліжэйшым прыпынку, стаць у ланцуг салідарнасці і зноўку з'ехаць.

Берасце. На пешаходнай вуліцы Савецкай міліцыянтаў больш чым людзей.

З'явіліся новыя сведчанні пра адключэнне інтэрнэту ў Менску. Афіцыйнага пацверджання гэтага пакуль няма.

А вось так сёння гуляюць жыхары Бараўлянаў.

Менск, Усход. Людзі збіраюцца ля Нацыянальнай бібліятэкі. Некаторыя сталі ў карагод вакол ялінкі.

У Каменнай Горцы сабралася каля 250 пратэстоўцаў. Людзі чакаюць падыходу іншых калонаў.

Паведамляецца пра бусы з АМАПам каля "Рыгі" і станцыі метро "Пушкінская".

На Нямізе адбываецца дзіўная рэч: проста навідавоку, не хаваючыся, людзі са знешнасцю алказалежных бяздомнікаў п’юць гарэлку. 8 чалавек, потым да іх падышлі яшчэ 4. Іх не чапае міліцыя, яны проста стаяць і п’юць гарэлку.

Ва Уруччы сабраліся каля 2000 чалавек, людзі працягваюць падыходзіць. Да акцыі пад?ехаў сіні бус. Людзі крычаць у яго бок "Фашысты!", але ніхто не выходзіць.

Дзяржынск гуляе.

А1 паведамляе ў 13:00: "У адпаведнасці з распараджэннем упаўнаважаных дзяржаўных органаў 22 лістапада ў Менску зніжаная прапускная здольнасць мабільнага інтэрнэту. Выкананне дадзенага патрабавання вядзе да пагаршэння якасці сэрвісу перадачы дадзеных або часовай недаступнасці паслугі".

Менск. Ля метро Пушкінская сабраліся некалькі дзясяткаў чалавек з нацыянальнай сімволікай. Таксама людзі нясуць кветкі да мемарыяла Тарайкоўскаму.

Карнікі разагналі калону ў Малінаўцы, якая рухалася ад цэнтру Мірнага. Людзі ўцяклі.

У Бараўлянах разагналі людзей.

Менск. Чытачы паведамляюць, што ў Менску каля ГЦ Green City бачна дым і чутно стрэлы/выбухі.

Ва Уруччы вялікая калона ўжо дасягнула каля 4000 чалавек. Да яе далучаюцца меншыя калоны з іншых раёнаў места. Людзі выйшлі на дарогу, але прапускаюць грамадскі транспарт.

Па вуліцы Куйбышава рухаюцца некалькі соцень пратэстоўцаў у бок Камароўскага рынку.

Закрытая станцыя метро "Каменная Горка".

У Каменнай Горцы застаюцца некалькі соцень чалавек. Карнікі пасля кропкавага хапуна і страляніны з'ехалі.

Вось як выглядае сітуацыя ў менскай Малінаўцы. Чытачы паведамляюць, што частка пратэстоўцаў выйшла на дарогу, скандуюць "Жыве Беларусь!".

Шматтысячная калона ва Уруччы, перакрыўшы рух на дарозе, рушыла ў бок цэнтру места. Побач з калонай машына ДАІ ды некалькі ціхароў.

Калона пратэстоўцаў колькасцю некалькі тысяч чалавек рухаецца па вуліцы Багдановіча. Людзі з нацыянальнай сімволікай скандуюць: "Жыве Беларусь!".

Калона каля 200 чалавек рухаецца па вуліцы Прытыцкага.

Бяроза. На традыцыйным нядзельным чаяванні на плошчы затрыманыя 3 чалавекі. Таксама вядома пра акцыі ў Ваўкавыску, Жодзіне, Дзяржынску, Заслаўі, Бараўлянах.

Менск. Калоне з Уручча каля Усясвяцкай царквы перакрылі рух сем бусаў з карнікамі. Людзі сышлі ў парк і цяпер гуляюць там.

У мікрараёне Паўднёвы Захад карнікі таксама ўжылі святлошумавыя гранаты супраць пратэстоўцаў. Але людзі, нягледзячы на выбухі, пайшлі на іх з узнятымі рукамі, выціснуўшы карнікаў у бусы.

АМАП не даў прайсці калоне, якая рухалася па вуліцы Багдановіча ў бок кавярні Белая вежа. Людзі павярнулі назад. Рух транспарту на вуліцы Багдановіча перакрыты.

Каля Уручча карнікі кропкава затрымліваюць людзей. Аўтазакаў, куды можна масава іх змяшчаць, пакуль няма. У сілавікоў у руках зброя. Калі аднаго хлопца затрымалі і дзяўчына прасіла яго не забіраць, карнік накіраваў на яе стрэльбу.

На вуліцы Альшэўскага недалёка ад скрыжавання з Глебкі былі чуваць стрэлы. Людзі скандуюць: "Забойцы!". Калона рушыла далей праз двары.

У 13:50 закрылі таксама станцыю метро "Пятроўшчына".

Менск. Хапун каля Каменнай Горкі і на вуліцы Веры Харужай.

Вядома ўжо пра два дзясяткі затрыманых. Сярод іх – лекар-раэніматолаг Зміцер Салошкін.


Галоўнае на гэты час:


У Беларусі праходзяць Маршы супраць фашызму: людзі не ідуць адной вялікай калонай, а збіраюцца меншымі ў сваіх раёнах.
У некалькіх месцах у Менску (Каменная Горка, Масюкоўшчына, Паўднёвы Захад) карнікі ўжылі святлошумавыя гранаты і стрэлы.
У Менску ўлады перакрылі 12 станцыяў метро і рух аўтобусаў па праспекце Незалежнасці.
Акцыі праходзяць таксама ў Бараўлянах, Заслаўі, Ваўкавыску, Дзяржынску, Бярозе, Жодзіне.

Чытачы паведамляюць пра затрыманні на вул. Прытыцкага ў Менску.

Калона з Уручча, якую спрабавалі разагнаць карнікі, зноў сабралася і рушыла далей.
Да калоны на Паўднёвым захадзе (Менск) далучыліся музыкі.

Каля Dana Mall вельмі шмат бусаў. Прывезлі нават калючы дрот. Незразумела навошта, бо людзі адсюль ужо сышлі.

Менск. Зараз ля метро "Пушкінская" хапун.

Атмасфера ў калоне ва Уруччы. Людзі скандуюць: "Глядзі ў вакно, а не тэлевізар".

Каля Уручча маці закрывае дзіця, якое спужалася сілавікоў. АМАПаўцы не даюць людзям хадзіць па сваім жа месце.

Жыхары Іўя выйшлі на марш. Да іх прыехалі міліцыянты.

У Менску калона спецтранспарту, у тым ліку 2 вадамёты, рухаецца па вул. Каліноўскага ў бок Лагойскага тракту.

Таксама вядома пра затрыманні на вул. Шаўчэнкі. Карнікі правяраюць аўтамабілі.

Карнікі са зброяй спрабуюць пужаць пратэстоўцаў на вул. Голубева (Менск). Людзі праганяюць карнікоў ды адбіваюць іншых пратэстоўцаў.
А тым часам у раёне МТЗ сабралася вялікая калона пратэстоўцаў. Перакрываецца рух транспарта.

Горадня. Ланцугі салідарнасці ў мікрараёнах Дзевятоўка, Паўднёвы і іншых. Па цэнтры места гуляюць жанчыны з бчб-парасонамі.

Лекара Змітра Салошкіна і ягонага сына Якуба, якіх затрымалі ў Каменнай Горцы, выпусцілі, склаўшы на іх пратаколы.

Уручча і Новая Баравая таксама маршрыюць!

У Пінску першыя затрыманні. Толькі што на пешаходнай вуліцы Леніна затрымалі трох чалавек. Адзін з іх Анатоль Ваткевіч, прозвішча другога — Дашкевіч. Трэці пакуль невядомы.

Менск. У дварах каля Каменнай горкі будуюць барыкады.

Карнікі ў чорным з дручкамі ходзяць па пад'ездах дамоў на вуліцы Багдановіча, шукаюць пратэстоўцаў.

Каля метро "Пушкінская" зноў пачаўся хапун.

Малінаўка. Жыхары заблакавалі АМАП, бусік не можа праехаць, карнікі злуюцца.

Затрыманых у Бярозе выпусцілі пасля высвятлення асобы, без складання пратаколаў у гэты раз.

Лагойск гуляе.

Менск. У раёне станцыі метро "Усход" кагосьці забрала "хуткая", побач стаіць бусік.

"Глядзіце ў вакно, а не ў тэлевізар!". Гэта скандуюць тысячы чалавек, якія ідуць у менскім мікрараёне Зялёны Луг.

Пінск. Стала вядома, што каля будынку пінскага ГАУС затрымалі некалькі чалавек, якія прыйшлі сустракаць людзей з ІЧУ. Прозвішча адной з затрыманых — Алена Галавач.

Менск. Каля метро "Каменная горка" чуваць стрэлы і выбухі.

Поўная зачыстка на Паўднёвым Захадзе каля "Берасця". Грузяць жанчын і людзей сталага веку.

Каля ГЦ "Трыа" ў Віцебску ўсё больш і больш карнікаў. Ужо 4 аўтобусы, адзін аўтазак, шмат мікрааўтобусаў і проста службовых машынаў карнікаў. У гэтай жа калоне стаіць хуткая, на пасажырскім крэсле якой сядзіць мужчына ў камуфляжы. Патрулі карнікаў стаяць каля кожнага ўваходу ў гандлёвы цэнтр.

Менск. Калону на пр. Дзяржынскага разагналі святлошумавымі гранатамі, але людзі сабраліся ізноў.

На перакрыжаванні праспекту Незалежнасці і вуліцы Каліноўскага стаяць 2 аўтазакі, вадамёт і 6 вайсковых грузавікоў.

Сярод затрыманых сёння ў Менску — выкладчыца БДУІР Юлія Пашкоўская.

На гэты момант вядомыя імёны 92 затрыманых у Менску. Некаторых з іх ужо паспелі вызваліць.

Нагадаем, што тыдзень таму колькасць затрыманых на гэтую гадзіну была значна большая.

Менск. Падчас раённых маршаў 22 лістапада затрыманы Ілля Чарапко-Самахвалаў, актор, вакаліст гуртоў "Петля Пристрастия" і "Кассиопея".

Карнікі з’язджаюць ад Стэллы.

Нам пішуць, што ў Менску з боку вуліцы Някрасава выязджаюць бусікі з АМАПам. Яны кіруюцца ў бок вуліцы Багдановіча, магчыма ў бок універсаму "Рыга".

Ад 15:40 грамадскі транспарт ізноў спыняецца на праспекце Незалежнасці.

Людзі сабраліся на вул. Голубева і крычаць "Ухадзі!".

У Менску жанчына шпацыруе па месце з надпісам на спіне: "Рома, я выходжу".

А ва Уруччы карнікі ходзяць проста па дварах!

Мабільны аператар А1 паведаміў пра поўнае аднаўленне працы мабільнага інтэрнэту ў Менску.

Жыхары Паўднёвага Захаду адбілі дзяўчыну ў карнікаў. Супраць пратэстоўцаў ужылі спецсродкі, але яны ўсё адно не адступіліся.

Нам пішуць: "В 15:42 на Притыцкого 158-160 видел как 2 буса догнали лёгкой авто чёрного цвета, сзади ГАИ и синими маяками ехали, эти два буса зажали автомобиль, сразу разбили все окна, и вытянули автомобилиста".

Ля ГЦ "Магніт" сабралося шмат людзей, машыны сігналяць.

Іўе. Там сёння таксама збіраліся людзі, але не абышлося без вялікай колькасці супрацоўнікаў міліцыі.

Навіны з Бабруйску. Перадаюць, што там каля 20 чалавек сабраліся да 14-ай гадзіны на пл. Леніна і шпацыравалі да плошчы Перамогі, дзе запалілі лампадкі ў гонар загінулага Рамана Бандарэнкі.

Дэманстрацыя скончылася а 15:15. Тым часам, прэс-сакратарка МУС Вольга Чамадан[ава] сцвярджае, што анідзе, апроч Менску, не было шэсцяў. 

У Берасці зноў затрымалі 63-рочную Алену Гнаўк — разам з сынам. Яна ўжо была аштрафаваная, арыштаваная, з нядаўняга часу падазраваная ў крымінальнай справе. Ейны "зварот хрысціянкі" прызнавалі экстрэмісцкім.

Сярод затрыманых у Менску — Дзяніс Урбановіч. Менавіта так клічуць старшыню "Маладога фронту".

Праваабарончы цэнтр "Вясна" паведамляе пра 133 затрыманых па ўсёй Беларусі. 

Нам пішуць: "Курасовщина и Сеница два часа гуляла по всему району и разошлась перед самым носом слабовиков. Вместе мы сила".

Ягор Камісараў накіраваны ў БХМД ў непрытомным стане з раёна Нацыянальнай бібліятэкі.

Затрыманы таксама музыка Цімур Рэйзіс. Мультыінструменталіст, удзельнік гурта "Аддис-Абеба" і іншых праектаў.

Затрыманне ў Менску, узброеныя сілавікі цягнуць мужчыну ў бус. Жанчыны побач крычаць на сілавікоў, а тыя пагражаюць: "Завалю".

Менская міліцыя пацвердзіла ўжыванне спецсродкаў на сённяшнім маршы.

— Пры затрыманні асобаў, якія парушалі грамадскі парадак і супраціўляліся супрацоўнікам міліцыі, ужылі спецсродкі, — заявіла прэс-сакратар МУС Вольга Чамадан.

Таксама паводле Чамадана, колькасць удзельнікаў пратэстаў змяншаецца, а ў іншых местах, апроч Менску, людзі ўвогуле не выходзілі на вуліцу.


Галоўнае на гэты час:


Па ўсёй Беларусі праходзіць Марш супраць фашызму. Гэтым разам людзі выходзяць дварамі.
Вядома пра 133 затрыманні. Гэта значна меней, чым у мінулую нядзелю.
У Менску ізноў пачаў працаваць мабільны інтэрнэт, адкрылі станцыі метро, па праспекце Незалежнасці пачаў ездзіць грамадскі транспарт.
Пры затрыманні ў Менску ўжывалі спецсродкі.

Паводле звестк валанцёраў, сёння ў Менску затрымалі 200 чалавек.

Перадаюць, што ў Віцебску, на жаль, марш не адбыўся.

Большая частка міліцыі паехала ў бок цэнтру места. Кал ГЦ "Трыа" і МТС пакінулі па аўтобусе і некалькі машынаў.

Пад будынкам пінскага ГАУС было затрымана 14 чалавек. Іх пратрымалі 3 гадзіны і пачалі выпускаць. Дакладна не вядома ці адпусцілі ўсіх.

На вуліцы Леніна былі затрымалі трох чалавек — Ваткевіча, Дашкевіча і Кабрынца. Не вядома, ці іх адпусцілі, ці пакінулі ў ІЧУ.

У Пінску адпусцілі ўсіх 18 затрыманых. Іх апытвалі па справе разбітага шкла машыны суддзі Свіціна. 

Але ж людзі лічаць, што іх затрымалі, каб не пусціць на традыцыйную прагулку па пешаходнай вуліцы Леніна.

Менск. Бусы з карнікамі едуць па сустрэчнай. Ім можна, а людзям піць гарбату ў сваім двары нельга.

 

Сёння затрымалі лекара-атарыналарынголага 11 ГКШ Валерыя Раткевіча. Зараз ён знаходзіцца на Акрэсціна.

Добрыя навіны з Горадні! Тры з чатырох затрыманых сёння ўжо на свабодзе. На іх склалі пратаколы па арт. 23.34 КаАП РБ.

Жыхары Віцебску сёння не змаглі сабрацца ўдзень, таму вырашылі сабрацца асобна ўвечары. Каля 50 чалавек і вялізны 25 метровы сцяг.

 


Свежая гісторыя наўпрост ад нашай чытачкі


"Здравствуйте! Сегодня 22-го ноября после хапуна на "ДанаМолл", когда автозаки и водомёты отъехали и вроде как всё успокоилось, зашла в национальную библиотеку. Через час, ближе к 16:00 собиралась выходить и с ужасом увидела, как вахта библиотеки пропускает ОМОН. Оказывается каратели неизвестно сколько по времени прочесывали библиотеку! Я увидела сначала одного, он уже выходил. Я начала громко высказываться и спрашивать у работников на пропуске: "Вы что уже ОМОН в библиотеку впускаете на нас?!". Мне ничего не ответили. Ну а через 10 мин, когда уже выходила из гардероба, увидела ещё двоих омоновцев в балаклавах. В состоянии шока от увиденного не сообразила включить камеру. Успела потом набрать родителей и сказала, что в библиотеке был ОМОН, но никого не забрали! На мои слова о том, что скоро к ним не придёт ни один читатель и почему они впускают тех, кто убивает нашых людей, от работников библиотеки я услышала только: "Начинается! Заканчивайте эту свою пропаганду!"


"Белсат", 22 лістападу 2020 р.

 

 

Беларусь супраць фашызму


2 лістапада ў Беларусі праходзіць "Марш супраць фашызму". Ён праходзіць у новым фармаце. І мы не зможам быць паўсюль.

Калі вы сталі сведкамі затрыманняў, незаконных дзеянняў сілавікоў ці, наадварот, знялі нешта прыгожае і натхняльняе — распавядзіце нам пра гэта! Напісаць нам можна праз @euroradio_minsk.

Калі ласка, дапамажыце нашым журналістам асвятляць гэтыя найважнейшыя падзеі ў нашай гісторыі!

Нагадваем: мы ніколі і нікому не адкрываем сваіх крыніц, калі яны самі гэтага не хочуць.

Менск. "Неабыякавыя грамадзяне" стаяць з чырвона-зялёнымі сцягамі і сустракаюць карнікоў і спецтэхніку, якая выязджае з вайсковай часткі ў ваенным мястэчку пад Уруччам.

У мікрараёне "Усход" супрацоўнікі МНС зразаюць мясцовую славутасць — пафарбаваную ў БЧБ-колеры мініяцюрную Эйфелеву вежу — і пілуюць яе на часткі. Радыкальная барацьба з "радыкалізацыяй"!

Да таго нехта два разы перафарбоўваў вежу ў колеры БЧБ-сцяга, а камунальнікі вярталі ёй звычайны шэры колер. На трэці раз прыйшлі карнікі, і вырашылі, што "красиво и достойно" гэта калі вежы ўвогуле не будзе.

Ва Уруччы сімвалу раёна — Змагару Змагарычу — вярнулі колеры БЧБ-сцяга. Да таго прыходзілі пралукашэнкаўскія вандалы і залівалі яго зялёнай фарбай.

Цяпер чакаем, калі прыйдуць МНСнікі і спілуюць і яго, як спілавалі Эйфелеву вежу ў мікрараёне "Усход"?

Калона характэрных бусікаў без нумароў побач са Студэнцкай вёскай на Паўднёвым захадзе. Тры сініх, два белых.

Заслаўе. Жыхары мястэчка выйшлі на марш пратэсту.

Менск. У 11:55 на ўваход і выхад зачыненыя станцыі метро "Плошча Леніна", "Кастрычніцкая", "Плошча Перамогі", "Плошча Якуба Коласа", "Няміга", "Купалаўская" і усе станцыі трэцяй лініі.

Першыя затрыманні пратэстоўцаў у месце.

Менсктранс вырашыў, што ён нічым не горшы за Менскі метрапалітэн, і адмяніў прыпынкі на праспекце Незалежнасці — ад вуліцы Янкі Купалы да Інстытута Культуры, абодвух напрамках.

Мабільны інтэрнэт у Менску цяпер сапраўды адключаны. Нашы чытачы паведамляюць, што ўжо хвілін пяць не працуе інтэрнэт у МТС, А1 і Life.

А вось нумар *5050, па якім вы можаце слухаць навіны ад @euroradio, працуе.

Па ўсім месце людзі збіраюцца ў невялікія калоны і ідуць па сваіх раёнах са сцягамі.

Бараўляны. Людзі выйшлі на пратэстны марш.

Менск. Людзі збіраюцца ў розных месцах горада. Пакуль што гэта невялікія калоны, якія стыхійна ўзнікаюць ва ўсіх раёнах Менска і Беларусі.

Супраць пратэстоўцаў, якія стаяць у раёне станцыі метро "Каменная горка" карнікі прымянілі спецсродкі. Мяркуючы па характары стрэла і выбухаў, гэта траўматычны пісталет "Аса" і петарды.

Людзі водзяць карагоды вакол елкі каля Нацыянальнай бібліятэцы.

У 13:20 на ўваход і выхад зачынена станцыя метро "Каменная Горка". Менавіта там карнікі пачалі прымяняць спецсродкі супраць мірных пратэстоўцаў.

Раён універсама "Брэст" на Паўднёвым Захадзе. Карнікі ўжо там.

Людзі невялікімі групамі ідуць дварамі і па невялікіх вуліцах, па дарозе збіраючыся ў калоны. Вось вам яшчэ некалькі відэа партызанскіх атрадаў.

Чытачы перадаюць, што ў Масюкоўшчыне былі чуваць стрэлы. Людзі скандуюць у бок сілавікоў: "Забойцы!". Бусік з'язджае ад групы пратэстоўцаў пад улюлюканне.

Беларускія пратэстоўцы прызвычаіліся да выбухаў і больш іх не баяцца. На Паўднёвым захадзе карнікі спрабуюць разагнаць людзей. Выкарыстоўваюць спецсродкі.

Але пратэстоўцы не толькі не разыходзяцца, але і крычаць: "Фашысты!" і "Пайшоў на х**!"

У 13:50 на ўваход і выхад зачыненая станцыя метро "Пятроўшчына". Мяркуючы па нашай інфармацыі, гэта не выпадкова: побач з ёю неўзабаве магло б апынуцца даволі шмат пратэстоўцаў.

Карнікі і спецтэхніка на вуліцы Максіма Танка. Але пратэстоўцаў там не бачна!

"Лукаш[эн]ка ў аўтазак!" і "Далучайся!" — з такімі лозунгамі людзі працягваюць збірацца ў месце.

Жорсткае затрыманне на вуліцы Багдановіча. Там цяпер арудуюць вось гэтыя карнікі без формы, у шлемах і бронекамізэльках (ГУБАЗіК — "Ju.K."). Учацвярох на аднаго.

Затрыманні ў раёне Каменнай Горкі. Чытачы перадаюць, што карнікі ломяцца нават у пад’езды.

Па звестках валанцёраў, затрыманы музыка Цімур Рэйзіс. Мультыінструменталіст, удзельнік гурта "Аддис-Абеба" і іншых цікавых праектаў.

Чытачы передаюць, што вялікая калона спецтэхнікі, у тым ліку вадамёт, з бусікамі і карнікамі едуць у бок Уручча, дзе сабралася вялікая колькасць людзей.

Жорсткае відэа. Карнікі ставяць пратэстоўцаў на калені, кідаюць на зямлю, настаўляюць на іх стрэльбы. Дзіцё на фоне крычыць: "Мама, мне страшна!"

У парку Паўлава карнікі выкарасталі супраць пратэстоўцаў спецсродкі. Мяркуючы па гуку — стралялі святлошумавым са стрэльбы ці з пісталета "Аса".

Карнікі і пратэстоўцы на вуліцы Голубева.

Шмат літар, але па справе. Вельмі цікавая сітуацыя ўтварылася ў Менску 22 лістапада. Пратэстоўцы вырашылі сабрацца ў асобныя калоны ў некалькіх пунктах. У кожны з гэтых пунктаў прыбыў АМАП з намерам зладзіць разгоны і хапуны. Але расклад сіл у сённяшнім супрацьстаянні аказаўся прынцыпова іншы, чым было апошнім часам, калі калонам з некалькіх тысяч пратэстоўцаў супрацьстаяў шэраг са ста-двухсот карнікаў.

Сёння 10-20 карнікоў апынаюцца сам-насам з калонай на 500-1000 чалавек. Вельмі часта ў такой сітуацыі яны вымушаныя адступіць, разумеючы, як мала іх — і як шмат пратэстоўцаў. Гэта важны псіхалагічны момант.

Пратэстоўцы ж у большасці сітуацый працягваюць паводзіць сябе абсалютна мірна. Яны не адказваюць агрэсіяй на петарды і стрэлы з траўматычнай зброі. А канфлікты паміж імі і карнікамі здараюцца збольшага толькі тады, калі карнікі спрабуюць некага затрымаць.

Яшчэ адна калона людзей. Па ўсім месце дзясяткі калон і груп пратэстоўцаў, якія ходзяць па сваім раёне або збіраюцца ў адным месцы. Сілавікі спрабуюць разганяць людзей у адным месцы, але ў гэты час яны збіраюцца ў іншым.

Хаатычнае затрыманне дваіх хлопцаў, якія стаялі, нікога не чапалі, ні ад кога не ўцякалі і да апошняга моманту не звярталі ўвагі на карнікаў.

Вось так людзі сёння збіраліся каля ўнівермага "Беларусь" і ішлі калонай па Партызанскім раёне.

Падчас раённых маршаў 22 лістапада затрыманы Ілля Чарапко-Самахвалаў, акцёр і музыка, вакаліст гуртоў "Петля Пристрастия" і "Кассиопея". Чатыры дні таму ў "Кассиопеи" выйшаў новы альбом — "По колено в любви".

Затрыманы вакаліст "Петли Пристрастия" і "Кассиопеи" Ілля Чарапко-Самахвалаў — у Партызанскім РУУС.

Сёння пратэстоўцы "захапілі" курган у Малінаўцы. Выглядала гэта крута.

З 15:40 грамадскі транспарт зноў спыняецца на прыпынках на праспекце Незалежнасці.

Гэта бадай што самая вялікая калона, якую сёння бачыла ў менскіх раёнах. Яна ідзе па Уруччы, скандуючы "Трыбунал!".


Слухачы паведамляюць, што мабільны інтэрнэт працуе без абмежаванняў. Сёння сталіца жыла без яго блізу трох гадзінаў.

Чытач даслаў відэа з калонай на вуліцы Максіма Танка. Менавіта для яе разгону ўдзень 22 лістапада ў той раён сагналі шмат карнікаў і спецтэхнікі.

У 16:10 усе станцыі метро адкрытыя для пасажыраў. Метрапалітэн працуе ў штатным рэжыме.

22 лістапада 10 станцый метро закрываліся ў цэнтры Менска, і яшчэ дзве — на ўскрайках места, там, дзе збіраліся пратэстоўцы. Яны не працавалі блізу 4 гадзінаў.

Жанчына на прыпынку ў Каменнай горцы скрытыкавала вулічныя пратэсты, а пратэстоўцаў назвала бязмозглым і тупым статкам авечак, якім кіруюць. Па нейкім дзіўным супадзенні, у руках жанчыны — пакет з гербам антытэрарэстычнага падраздзялення КДБ Беларусі "Альфа".

Пратэстоўцы, якія сабраліся каля "Магніта" на Паўднёвым Захадзе, адбіваюць у сілавікоў дзяўчыну, нягледзячы на стрэлы.

Берасце. Невялікая калона пратэстоўцаў 22 лістапада прайшла па вуліцах у раёне Кавалёва.

Менск. Ва Уруччы вайскоўцы ганяліся за пратэстоўцамі па лесе. Затрымалі мінімум дваіх.

Разам з Іллёй Чарапко-Самахвалавым затрыманы Яўген Юнаў — легенда беларускага рэкламнага рынку, крэатыўны дырэктар Primary/JWT.

Яшчэ адно відэа з вуліцы Голубева. У нейкі момант людзі выстраіліся перад карнікамі з паднятымі рукамі. Тыя не ведалі, што рабіць, і ў выніку пагрузіліся ў бусікі і з'ехалі.

Вадамёт і тэнтаваныя грузавікі карнікоў заўважаныя на выездзе з Менска. Найхутчэй, яны вяртаюцца ў месцы распалажэння.

У спісах затрыманых, якія складаюць валанцёры, па стане на 19:00 — больш за 300 прозвішчаў. У спісах праваабаронцаў з "Вясны" — 260 чалавек. У іх ліку музыкі Цімур Рэйзіс і Ілля Чарапко-Самахвалаў, рэкламіст Яўген Юнаў.

 


Сёння дзень нараджэння Вольгі Хіжынковай


Сваё 34-рочча Міс Беларусь-2008 сустрэне ў ізалятары на Акрэсціна.

Вольга актыўны ўдзельнік акцый пратэсту пасля прэзідэнцкіх выбараў 2020 року. 15 верасня была звольненая з Нацыянальнай школы прыгажосці з-за сваёй грамадзянскай пазіцыі. 8 лістапада ёй прысудзілі 27 сутак арышту за ўдзел у несанкцыянаваных масавых мерапрыемствах.

Мастачка Аня Радзько намалявала партрэт Вольгі Хіжынковай ў гонар яе дня нараджэння.


"Эўрарадыё", 22 лістападу 2020 р.

 


Карнікі ў Лебядзіным


Лебядзіны, Менск: карнікі, заматаныя ў чорнае да вачэй, правялі рэйд унутр мікрараёна, хапалі мужчын. На іх адрас гучалі праклёны, жанчыны плакалі.

 


Больш 300 затрыманых


Ужо вядомыя імёны больш 300 затрыманых сёння дэманстрантаў. 

З менскіх РУУСаў хуткія дапамогі забралі як мінімум 4 чалавекі, паведамляюць валанцёры.

 


Агульная лічба затрыманых за час пратэстаў перасягнула 30 тысяч чалавек


Па стане на вечар учорашняга дня іх было 29 940. Па стане на 17:33 нядзелі праваабаронцам-вясноўцам былі вядомыя імёны 179 затрыманых сёння, што разам складае 30 119 чалавек. Агульная лічба затрыманых сёння, па ацэнках нашых журналістаў, складае каля 400 чалавек.

 

 

"Гаварылі паміж сабой, што ад мяне трэба пазбавіцца".
Менчука забралі на пратэстах і непрытомным перадалі хуткай


Падчас сённяшніх акцый у Менску сведкі паведамілі валанцёрам, што ў раёне Нацыянальнай бібліятэкі хуткая забрала непрытомнага чалавека. Стала вядома імя — Ягор Камісараў. 

У спісах затрыманых яго не было. 

А потым аказалася, што Ягор ужо дома. Ён расказаў, як усё было. 

Мужчына працуе аддзелачнікам. 

— Мяне затрымлівалі на Лагойскім тракце, фактычна побач з маім домам. Я з жонкай вяртаўся з крамы, пакет з прадуктамі несла яна. Чаму яна? Бо я нядаўна перанёс аперацыю на сэрцы, вось чаму (Ягор прадэманстраваў нам фота адпаведнага шнару на грудзях — "Н.Н."). 

Тут мы ўбачылі, як людзі ў аліўкавым б'юць хлопца. Я спыніўся, кажу, што ж вы робіце? Вас шмат, а ён адзін, не біце яго. Пачуўшы гэта, яны кінуліся на мяне, пачалі біць, завалаклі ў бус. 

Я казаў, каб не білі, бо ў мяне толькі што была аперацыя на сэрцы. Але як я зразумеў, гаварыць з імі бессэнсоўна. Шмат непрыемных словаў пачуў у свой бок. Атрымаў шмат удараў па розных частках цела, у тым ліку па галаве.

Потым я з імі катаўся ў бусіку па розных раёнах места, паўтараў пра сэрца. Мне станавілася рэальна вельмі кепска, я страчваў прытомнасць на кароткі час і прыходзіў у сябе. 

Тут яны паміж сабой ужо пачалі гаварыць, што "ад яго трэба пазбавіцца". 

Ну і я зноў пачаў падаць кудысьці ў сябе, мы ў гэты час былі ў раёне Нацыянальнай бібліятэкі. Прыйшоў у прытомнасць я ўжо ў машыне медыкаў, людзей у аліўкавым побач не было. Мяне адвезлі ў лякарню на Курасоўшчыне. 

Медыкі нават не задавалі пытанняў, чаму я пабіты, па-мойму, яны і так усё разумеюць. 

Правялі абследаванне, выявілася, што ў дадатак да візуальна бачных пабояў яшчэ чэрапна-мазгавая траўма, але ад шпіталізацыі я адмовіўся, — расказаў Ягор.


"Наша Ніва", 22 лістападу 2020 р.

 

 

Тысячы выйшлі на лякальныя маршы "супраць фашызму".
Галоўнае


У Менску пятнаццатую нядзелю запар прайшоў пратэставы марш супраць улады Лукашкі. Сёньняшні "Марш супраць фашызму", у адрозьненьне ад папярэдніх акцый пратэсту, ня меў супольнай кропкі збору — лякальныя шэсьці праходзілі адначасова ў розных раёнах Менску.


Кароткі аналіз


— Такі фармат стварае больш цяжкасьцяў для амапаўцаў. Ім трэба ўвесь час перамяшчацца, шукаць месца збору людзей, якія хутка мяняюць месцы дысьлякацыі. У выніку гэтага затрыманых аказалася менш, чым звычайна, — аналізуе палітычны аглядальнік Валер Карбалевіч. — Але ёсьць і мінусы. Цяжка падлічыць, колькі насамрэч людзей выйшла на марш. Не ўсе змаглі знайсьці сваю калёну. Няма адчуваньня агульнай еднасьці, уражаньня, што "сваіх" шмат, што яны — большасьць.


Што адбывалася ў Менску


Ад 12:00 у шматлікіх дварах розных местаў пачалі зьбірацца пратэстоўцы, якія злучаліся ў "раённыя" калёны — дзе па дзясятку чалавек, дзе па некалькі тысяч.

Менскія ўлады перакрылі ня толькі шматлікія станцыі мэтро, але і рух грамадзкага транспарту на праспэкце Незалежнасьці. Карнікі хаатычна перакрывалі дарогі ў раёнах пратэстаў. Мабільны інтэрнэт адключалі на 4 гадзіны.

Карнікі дзейнічалі хаатычна і жорстка, спачатку чынілі толькі адзінкавыя затрыманьні, пасьля сталі нападаць на калёны дэманстрантаў больш актыўна.

Часьцей за ранейшыя акцыі карнікі ўжывалі спэцсродкі супраць мірных пратэстоўцаў — пераважна "покаўкі", слабейшыя за сьвятлашумавыя гранаты.

Падобныя выпадкі былі зафіксаваныя ў раёне мэтро "Каменная горка", у мікрараёне Малінаўка і на праспэкце Дзяржынскага ў Менску, стрэлы чулі ў Масюкоўшчыне.

У МУС Беларусі пацьвердзілі прымяненьне спэцсродкаў у Менску. "Супрацоўнікі міліцыі (карнікі — "Ju.K.") неаднаразова папярэджвалі аб незаконнасьці ўдзелу ў несанкцыянаваных мерапрыемствах і нагадвалі аб выкананьні Правіл дарожнага руху", — гаворыцца ў паведамленьні ведамства.

Відэа з розных раёнаў зафіксавалі, як часта людзі не разьбягаліся перад узброенымі карнікамі, а, узьняўшы рукі дагары, ішлі на іх, прымушаючы адступаць. А пасьля разгонаў зноў зьбіраліся ў калёны і працягвалі шэсьце. Не аднойчы дэманстранты адбівалі паплечнікаў у карнікоў.

Праваабаронцам "Вясны" вядомыя імёны больш як 310 затрыманых — значна менш, чым на ранейшых нядзельных акцыях.

Сярод затрыманых у сталіцы — доктар-рэаніматоляг Зьміцер Салошкін зь непаўналетнім сынам (адпусьцілі пасьля складаньня пратаколу), саліст гурта "Петля Пристрастия" Ільля Чарапко-Самахвалаў, мультыінструмэнталіст гурта "Аддис-Абеба" Цімур Рэйзіс, урач-тэрапеўт 26-й менскай паліклінікі Глеб Лявоненка і 83-рочны жыхар Заслаўля Максім Радзін.

Прыхільнікі перамен цягам 106 дзён працягваюць патрабаваць адстаўкі Лукашкі і правядзеньня новых сумленных выбараў, вызваленьня палітвязьняў, а таксама адказнасьці за зьбіваньне і катаваньне мірных дэманстрантаў.

Валянтэры: пасьля разгону дэманстрацый у Менску шпіталізавалі 6 чалавек
Тэлеграм-канал spiski_okrestina апублікаваў зьвесткі пра шпіталізаваных пасьля разгону шэсьцяў удзельнікаў акцый пратэсту ў Менску, пры якім карнікі выкарыстоўвалі спэцсродкі.

У сьпісе чатыры чалавекі:

Ягор Камісараў шпіталізаваны ў Лякарню хуткай дапамогі. Была інфарамцыя, што ён быў у непрытомнеым стане.
Пятро Жогаль і Ўладзімер Сідорын быў вывезены на машыне хуткай дапамогі з Першамайскага РУУС Менска.
Мікалая Цяцеркіна шпіталізавалі ў Лякарню хуткай дапамогі з Кастрычніцкага РУУС.Тупчын А.Л. з Фрунзенскага РУУС.
Дзяўчыну (прозьвішча невядомае) з Партызанскага РУУС.

22 лістапада зьявілася відэа з Савецкага РУУС Менску, куды карнікі прывезьлі грамадзян, затрыманых на 15-м нядзельным маршы супраць фальсыфікацыі выбараў і гвалту.
На відэа невядомы ў цывільным цягне затрыманага грамадзяніна з будынку, пры гэтым іншых людзей ужо паставілі да сьценкі і прымусілі трымаць рукі ўгору.

Цягам апошніх месяцаў было шмат заяваў пра катаваньні ў РУУС і турмах. У Сьлеччы камітэт было пададзена больш за 2000 скаргаў на катаваньні. Некалькі людзей загінулі. Ніводнай крымінальнай справы па гэтых фактах не заведзена.

Пасьля затрыманьня ў Цэнтральным РУУС Менска памёр зьбіты актывіст Раман Бандарэнка, якога невядомыя ў цывільным выкралі ля ягонага дому на "плошчы Перамен" у Менску.

Крымінальнай справы па факце гэтага забойства таксама няма, затое завялі справу на лекара і журналіста, якія апублікавалі зьвесткі пра стан пабітага актывіста.

 


"Марш супраць фашызму", новы фармат пратэстаў у Менску, звыш 320 затрыманых.
Найважнейшае за 22 лістапада


У Менску "Марш супраць фашызму", у адрозьненьне ад папярэдніх акцый пратэсту, ня меў супольнага пункту збору — лякальныя шэсьці праходзілі адначасова ў розных раёнах Менску.

Звыш 320 затрыманых на акцыях пратэсту ў Беларусі 22 лістапада.

Валянтэры: пасьля разгону дэманстрацый у Менску 6 чалавек шпіталізавалі.

Гарадзенцы падтрымалі новы фармат пратэсту для краіны. Яны зьбіраліся ў сваіх раёнах каля дарог на прыпынках зь бел-чырвона-белымі сьцягамі або хадзілі па сваім раёне маршам, рабілі фота, пасьля разыходзіліся.

Кіраўнік Беларускай Праваслаўнай Аўтакефальнай царквы архіяпіскап Сьвятаслаў Логін сёньня падчас набажэнства ў саборы сьвятога Кірылы Тураўскага ў Таронта пракляў Лукашку і адлучыў яго ад царквы.


"Радыё Свабода", 22 лістапада 2020 р.

 

 

Некалькі тысяч пэнсіянэраў выйшлі на "Марш мудрасьці" ў Менску,
карнікі заблякавалі ім шлях на 


Каля трох тысяч людзей сталага веку восьмы раз сабраліся ў цэнтры Менску на марш пратэсту супраць гвалту і беззаконьня. Маршрут плянавалі ранейшы — ад плошчы Незалежнасьці да плошчы Якуба Коласа, але ўдзельнікам маршу не далі яго прайсьці да канца.

Пасьля таго як людзі прамінулі Кастрычніцкую плошчу, спачатку ля вуліцы Янкі Купалы, а потым ля Опэры АМАП блякаваў і расьсякаў калёну пэнсіянэраў. Тады людзі пайшлі вуліцамі Янкі Купалы, Багдановіча, Аляізы Пашкевіч, Чычэрына.

Карнікі прынцыпова не пускалі людзей на праспэкт Незалежнасьці. Сьведкі бачылі затрыманьні трох чалавек. Жанчыны скардзіліся, што карнікі ў чорным штурхалі іх на асфальт.

Праваабарончаму цэнтру "Вясна" вядома, што сярод затрыманых — 58-рочны Алег Гжыбоўскі і 72-рочная Валянціна Няхай.

13:45. Менскае мэтро зачыніла выхады з станцыі на плошчы Незалежнасьці, дзе зьбіраюцца пэнсіянэры.

На ўваход і выхад зачынены другі вэстыбюль станцыі мэтро "Плошча Леніна" (уваход з боку плошчы Незалежнасьці). Пра гэта паведаміў менскі мэтрапалітэн. Цягнікі спыняюцца на гэтай станцыі.

13:50. Аўтазакі накіраваліся на плошчу Незалежнасьці.

13:55. Уезд на плошчу Незалежнасьці перакрыты з боку вуліцы Бабруйскай.

14:05. Сабраліся некалькі соцень пэнсіянэраў зь бел-чырвона-белымі сьцягамі і парасонамі, а таксама плякатамі.

Калёна рушыла праспэктам Незалежнасьці, людзі скандуюць "Фашысты!" мікрааўтобусам, якія іх суправаджаюць уздоўж праспэкту. Карнікі не замінаюць руху.

14:10. Калёна павольна рухаецца, каля будынку КДБ людзі гукаюць: "Трыбунал!", "Свабоду палітвязьням!", "Забойцы!".

14:16. Пэнсіянэры спыніліся ля будынку КДБ і крычаць у вокны: "Я выходжу!", "Рома — наш герой!", "Трыбунал!".

14:20. Людзі далучаюцца да маршу. У калёне ўжо каля тысячы чалавек.

14:26. Слухачы "Эўрарадыё" паведамілі пра затрыманьне на праспэкце Незалежнасьці, насупраць будынку КДБ.

14:40. Атмасфэра на маршы пэнсіянэраў эмацыйная, людзі шмат скандуюць.

14:42. ДАІ перакрыла праспэкт Незалежнасьці каля Кастрычніцкай плошчы.

14:50. Марш на Кастрычніцкай плошчы. Ля Палацу культуры прафсаюзаў людзі выгукаюць: "Свабоду прафсаюзам!".

14:55. Шмат карнікаў суправаджаюць марш пэнсіянэраў.

14:55. Карнікі перакрылі ходнікі праспэкту Незалежнасьці ля скрыжаваньня з вуліцай Янкі Купалы. Людзі гукаюць ім: "Пайшоў вон, ты і твой амон!". Людзі павярнулі на вуліцу Янкі Купалы.

15:00. Марш рухаецца вуліцай Янкі Купалы. Карнікі перакрылі праспэкт Незалежнасьці і ходнікі. Каля цырку яны перакрылі дарогу аўтобусамі. Калі пэнсіянэры пачалі пераходзіць дарогу, пачалася штурханіна паміж імі і карнікамі.

Людзі крычаць міліцыянтам "Забойцы!", "Як вы можаце!", "Пайшоў вон, ты і твой амон!".

15:10. Галава калёны дайшла амаль да Опэрнага тэатру, хвост яшчэ на праспэкце. Карнікі не даюць пэнсіянэрам вярнуцца на праспэкт Незалежнасьці.

15:20. Адзінай калёны пэнсіянэраў фактычна няма, частка людзей стаіць на ходніках вуліцы Янкі Купалы, частка ў сквэрах. Некаторыя разыходзяцца, напалоханыя карнікамі. Аўтазак і 7 аўтобусаў з карнікамі стаяць уздоўж вуліцы.

15:25. Частка людзей спынілася на пляцоўцы каля Опэрнага тэатру, яны водзяць карагод і пяюць.

15:30. Частка людзей пайшла да помніка Багдановічу, частка разышлася. Жанчыны расказваюць, што карнікі ў чорным штурхалі іх на асфальт і яны падалі.

15:35. Некалькі соцень чалавек прадоўжылі марш вуліцай Багдановіча. Ім сыгналяць машыны. АМАП у бусах і аўтазак едуць за імі.

15:40. Некалькі соцень чалавек адразу за Опэрным тэатрам павярнулі на вуліцу Аляізы Пашкевіч, ідуць у кірунку Міністэрства абароны. Карнікі пабеглі перакрываць ім дарогу. Па дарозе людзі крычалі вайсковым, якія ім трапляліся, чаму яны не бароняць людзей.

15:42. Пасьля невялікай сутычкі з АМАПам пэнсіянэры пайшлі далей вуліцай Аляізы Пашкевіч. Як паведамляе Tut.by, аднаго з удзельнікаў маршу пэнсіянэраў зь вялікім сьцягам схапілі на плошчы Перамогі, "зацягнулі ў бус". Але жанчын, якія яго баранілі, затрымліваць ня сталі.

15:50. Большасьць удзельнікаў маршу разышлася пад ціскам карнікаў, чалавек 200 рухаюцца вуліцай Чычэрына ў кірунку праспэкту Незалежнасьці. За імі едуць мінібусы і аўтазак.

16:00. Карнкі заціснулі людзей ў раёне Опэрнага тэатру, не давалі ім сабрацца ў калёну і рушыць. Большасьць людзей пад ціскам АМАПу разышлася, некаторыя яшчэ гуляюць прылеглымі вуліцамі і набярэжнай Сьвіслачы.

16:20. Некаторыя ўдзельнікі маршу ўсё ж дабраліся да плошчы Якуба Коласа. Уезд на праспэкт Незалежнасьці ў раёне плошчы Якуба Коласа перакрыты, паведамляе Onliner.

 


Марш пэнсіянэраў у Горадні


У Горадні два дзясяткі пэнсіянэраў ідуць маршам па цэнтры места пад бел-чырвона-белымі парасонамі. За імі ідуць міліцыянты ў форме.

 


Удзельнік Алімпіяды скочыў у ваду, каб унікнуць затрыманьня сілавікамі ў Менску


У інтэрнэце 22 лістапада ў эфіры БТ зьявілася відэа, на якім мокры мужчына кажа, што ён, уцякаючы ад сілавікоў, скочыў у канал за Нацыянальнай бібліятэкай, каб унікнуць гвалту. Аднак у выніку міліцыянты яго дасталі і запісалі ролік.

Гэта быў вядомы беларускі лёгкаатлет-мнагаборац Мікалай Шубянок. Ён выступаў за зборную Беларусі ў лёгкай атлетыцы ў 2004–2013 роках, чэмпіён Унівэрсіяды ў Бялградзе, трохразовы здабыўца Кубку Эўропы ў камандным заліку, удзельнік летніх Алімпійскіх гульняў у Пэкіне. Майстар спорту Рэспублікі Беларусі міжнароднай клясы.

— Са мной усё добра, дзякуй. Атрымаў па сьпіне і галаве ад АМАПу — ад якога ўцёк, а другі бус высадзіў, хутчэй за ўсё, моладзь [з часткі] 3214, якія на сьвежака мяне даганялі. Я вырашыў скакаць у вадаём за бібліятэкай — гэта мяне выратавала, яны дасталі мяне з вады з прабітай галавой, я ўвесь дрыжэў, і, мабыць, пабаяўшыся, перадалі "хуткай", — сказаў Шубянок.

Пазьней Мікалаю прывезьлі сухое адзеньне ў лякарню, і ён зьехаў адтуль.

 


Пасьля суду за акцыю памяці Бандарэнкі лідэр гурту "Стары Ольса"
зьехаў ва Ўкраіну


Музыка Зьміцер Сасноўскі, лідэр гурту старажынай музыкі "Стары Ольса", зьехаў ва Ўкраіну. Пра гэта ён паведаміў у фэйсбуку.

"У Кіеве, у сяброў, у бясьпецы. Успаміны напішу. Дзякуй: Віктаравіч, мая сям’я, выратавальная сям’я, кансьпірацыйны дом, гараж, пацаны, Сандры з Познаня, Філу з Мінэапалісу, Антону з Тэхасу, пастару Рычарду, Панкевічу, Карыне і Жэні, палкоўніку. І яшчэ гары добрых людзяў! Жыве вечна! Мы пераможам!" — напісаў ён.

13 лістапада Зьмітра Сасноўскага затрымалі ў Клецку, дзе ён стаяў у "жывым ланцугу" памяці Рамана Бандарэнкі. Праз тры дні ён быў пакараны штрафам 810 рублёў.

 

 

Учора ў Менску затрымалі яшчэ адну выкладчыцу БДУІР


Паводле @peaceful_bsuir, старшую выкладчыцу катэдры інжынэрнай псыхалёгіі і эрганомікі БДУІР Юлію Пашкоўскую затрымалі побач з домам, калі гуляла з сабакам і зрабіла амапаўцам заўвагу, што дзеці баяцца адны хадзіць па вуліцы, калі ў двары бегаюць "касманаўты".

Агулам праваабаронцам "Вясны" цяпер вядомыя прозьвішчы 379 затрыманых учора ў Беларусі.

 


Адзін з дырэктараў EPAM на Акрэсьціна


Ва ўчорашніх сьпісах "Вясны" зьявіўся Ігар Аўсянік — Senior Director, Special Projects у EPAM Systems. Тое, што затрымалі менавіта дырэктара EPAM, dev.by пацьвердзіла ягоная жонка.

 


"Сядзелі і ўпэўнена абмяркоўвалі, што будзе, калі пераможам"


Музыка Павал Аракелян выйшаў на волю

— Паўсюль, ад самага пачатку і да канца, паўнавартасныя катаваньні. Антысанітарыя, адсутнасьць гігіены, туалетнай паперы, вады, чалавечага стаўленьня. Але ўсім, хто там знаходзіцца, усім людзям пляваць на гэта абсалютна.

Саксафаніст Павал Аракелян выйшаў на волю пасьля 15 дзён арышту і ў інтэрвію расказаў пра сваё затрыманьне і ўражаньні ад турэмных прыгодаў.

 


У Горадні марш пэнсіянэраў прайшоў пад чырвона-белымі парасонамі.
Нікога не затрымалі


Каля 30 пэнсіянэраў сабраліся ўдзень у парку Жылібэра, адтуль прайшлі ўздоўж усёй вуліцы Сацыялістычнай. Некаторыя ішлі з кавенькамі. Гукалі "Жыве Беларусь!". Усю дарогу іх суправаджалі 4 міліцыянты. Затрыманьняў не было відаць.

У сярэдзіне шэсьця побач з пэнсіянэрамі спыніўся аўтамабіль, адкуль выйшаў новы памочнік прэзыдэнта ў Гарадзенскай вобласьці Юры Караеў ("Карнік"), пачаў абурацца, чаго яны тут ходзяць, але потым зьехаў.

 


Марш пэнсіянэраў сёньня прайшоў у Лідзе


У ім узялі ўдзел каля 10 чалавек, якія прайшлі цэнтрам места ў суправаджэньні 3 міліцэйскіх бусаў.

 

 

У Беларусі зьявіліся 6 новых палітвязьняў. Агулам іх ужо 132


Сёньня праваабаронцы назвалі палітвязьнямі студэнтаў Глеба Фіцнера, Іллю Трахтэнбэрга, Марыю Каленік, Вікторыю Гранкоўскую, Анастасію Булыбенку, а таксама выкладчыцу БДУІР Вольгу Філатчанкаву.

 


На вучняў менскай гімназіі складаюць пратаколы за сьпевы ў перапынках —
"несанкцыянаванае мерапрыемства"


Дзеці сьпявалі на перапынках песьні з рэпэртуару Лявона Вольскага, гуртоў Ляпіс Трубяцкі, Brutto. Пасьля чарговага іхнага флэшмобу шматдзетны бацька Андрэй Асіпенка, дзеці якога таксама тут вучацца, прыйшоў у двор гімназіі з плякатам "Дзеці, вы неймаверныя!".

Хтосьці выклікаў міліцыю, Асіпенку затрымалі і пасадзілі на 15 дзён — за ўдзел у несанкцыянаваным мерапрыемстве. 30 кастрычніка 150 бацькоў прыйшлі да гімназіі і запатрабавалі ад дырэктара тлумачэньняў, чаму ў гімназію выклікаюць міліцыю, якая палохае дзяцей. А самі вучні пачалі выходзіць з чыстымі аркушамі паперы.

 


Блогеру і анархісту Міколу Дзядку выставілі абвінавачаньне
ў арганізацыі беспарадкаў


Зараз палітвязень знаходзіцца ў карантыннай камэры СІЗА № 1. Дзядка затрымалі 12 лістапада, пасьля затрыманьня яго білі і катавалі. Прэс-служба МУС апублікавала відэа, дзе пабіты блогер сябе агаварыў.

 

Краіны Балтыі ўзгаднілі салідарны санкцыйны сьпіс супраць уладаў Беларусі,
у яго ўвайшлі 156 імёнаў


Урады Літвы, Латвіі і Эстоніі ўзгаднілі салідарны санкцыйны сьпіс урадоўцаў Рэспублікі Беларусь, на якіх пашыраюцца абмежаваньні ў гэтых трох краінах.

Сьпіс апублікаваў афіцыйны ўрадавы весьнік на сайце Міністэрства замежных справаў Эстоніі. У яго ўвайшлі 156 чалавек.

У Эўразьвязе былі ўжо два раўнды ўхваленьня санкцыйных сьпісаў, абавязковых для ўсіх краінаў ЭЗ. Але паасобныя дзяржавы могуць прымаць і ўласныя санкцыйныя сьпісы, што і зрабілі краіны Балтыі.

Міністры ЭЗ дамовіліся аб трэцім пакеце эўрапейскіх санкцыяў супраць беларускіх уладаўІ сьпісы ЭЗ, і нацыянальныя сьпісы толькі базавыя і будуць папаўняцца як пэрсанальнымі, так і эканамічнымі санкцыямі цягам далейшага ўкладаньня сьпісаў з абгрунтаваньнямі.

"Радыё Свабода", 23 лістапада 2020 р.

 


У Жодзіне таксама прайшла акцыя пенсіянераў


Паведамляецца, што ў Жодзіна таксама прайшла акцыя пенсіянераў. Мясцовыя жыхары выйшлі на пратэст з бел-чырвона-белымі парасонамі.

 


Працаўнік МНПЗ далучыўся да нацыянальнага страйку


Кастусь Янкін стаў першым з працаўнікоў "Мазырскага нафтаперапрацоўчага завода"), якія далучыліся да нацыянальнай стачкі. Пра гэта паведамляе тэлеграм-канал "МБК".

Ён запісаў яскравы відэазварот да беларусаў.


"Хартыя’97%", 23 лістапада 2020 р.

 

 

Чарговы фэйк лукашыстаў


Галоўны праўладны тэлеграм-канал разрэкламаваў петыцыю на Change.org (не мае ніякай юрыдычнай сілы) з прапановай прапісаць у Канстытуцыі забарону на выкарыстанне бел-чырвона-белага сцяга.

З дапамогай адміністратыўнага рэсурса гэта петыцыя, створаная экс-начальнікам галоўнага ўпраўлення кадраў Міністэрства абароны Беларусі, за чатыры дні набрала толькі каля 800 подпісаў.


"Наша Ніва", 23 лістапада 2020 р.

 

 

Затрымалі 437 чалавек


Па дадзеных валанцёраў, учора ў Менску затрымалі 437 чалавек.


"Белсат", 23 лістапада 2020 р.

 


Машына ДАІ, якая суправаджала "спецтэхніку", збіла дваіх пешаходаў


У Менску машына ДАІ, якая суправаджала "спецтэхніку", збіла дваіх пешаходаў, якія пераходзілі дарогу на зялёнае святло. Вінаватымі, вядома, зробяць пешаходаў: маўляў, яны мусілі ведаць, што, калі набліжаецца машына ДАІ з уключанымі маячкамі, пераходзіць дарогу нельга.

Але ёсць яшчэ адна вельмі важная дэталь.

Здарэнне адбылося ў 16:10, калі было яшчэ светла. "Экипаж оставался на месте ДТП до окончания необходимых мероприятий", — падкрэслівае тэлеграм-канал мінскай ДАІ. Але ў гэта складана паверыць, бо на здымках, падпісаных "Фото с места ДТП в момент оформления", глыбокі вечар.

 

Нечаканая праблема "Плошчы Перамен"


У жыхароў "Плошчы Перамен" намалявалася нечаканая праблема. Байцы, якія з мінулай нядзелі патрулююць двор, засцалі, прабачце, усе куты.

 


"Belarusian"


Сёлета складальнікі Оксфардскага слоўніка не змаглі выбраць слова року. 2020 рок быў, на іх думку, "беспрэцэдэнтным", і адно нейкае слова, на іх думку, не можа адлюстраваць яго сутнасць.

Таму было выбрана шмат "словаў року" — па 1-2 на кожны месяц. І адным са словаў жніўня стала "Belarusian" — "беларус", "беларускі".

 


"Працуем, браты": пра што перамаўляюцца "Дняпро-300" і "Агат"


Апублікаваны новы запіс перамоў паміж сілавікамі. Як мяркуецца, двое супрацоўнікаў унутраных войскаў перагаворваюцца падчас разгону мірных пратэстаў у Менску. Ён з'явіўся ў ТГ-канале @motolkohelp.

Пацвердзіць сапраўднасць запісу немагчыма. Можна толькі адзначыць рэгулярнасць, з якой апошнім часам падобныя перамовы трапляюць у прэсу. На мінулым тыдні былі апублікаваныя запісы тых, хто сочыць за сям'ёй Рамана Бандарэнкі, а таксама гутаркі людзей, па голасе падобных да старшыні Федэрацыі хакея Беларусі Дзмітрыя Баскава і прэс-сакратаркі Лукашкі Наталлі Эйсмант.

У двух новых файлах нехта з пазыўным "Дняпро-300" размаўляе з кімсьці, як мяркуецца, старшым па званні (ён не прадстаўляецца). "Еўрарадыё" расшыфроўвае змест запісаў.


"Усіх хай затрымліваюць, не*уй там стаяць"


Максімальная інфармацыя пра тых, хто размаўляе, — іх пазыўныя. Пры гэтым той, хто, як мяркуецца, з'яўляецца старшым, ніяк не прадстаўляецца. Хутчэй за ўсё, менавіта ён у наступным дыялогу дае ўказанне камандзе з пазыўным "Дняпро-300".

— "Дняпро-300", трэба абавязкова кагосьці затрымаць, на*уй. Прадумай так, каб былі, бл*, затрыманыя, бл*дзь, гэтыя "наглядчыкі", бл*дзь.

— Я "Дняпро-300", прыняў. Ужо аднаго ўзялі. Разам атрымліваецца [моцныя перашкоды, хутчэй за ўсё "...атрымліваецца дзесяць, трэба яшчэ". — "Еўрарадыё"].

— Я маю на ўвазе з тых, хто там стаіць, бл*дзь, гэтыя назіральнікі, на*уй.

— Прыняў-прыняў. 320, 302. [Перашкоды] Працуем, браты!

[…]

Мяркуючы па наступным урыўку перамоў, гаворка можа ісці пра работу ў ачапленні, якое не прапускае пратэстоўцаў да таго часу, пакуль іх не затрымаюць.

— Ты справа запускаў каго?

— Справа пайшоў 302... 301.

— [Перашкоды] Зверху хтосьці бяжыць насустрач?

— З тыльнага боку зайшлі. "Дняпро-300", я... "Дняпро-12", "Дняпро-300", зайшлі з тыльнага боку, бяруць.

— Усё, малайцы, хай працуюць. Усё, усіх хай затрымліваюць, не*уй там стаяць.

— 302, хутчэй-хутчэй. 301, 301, хутчэй-хутчэй. Бярэм, бярэм усіх.

Наступная размова ідзе асобным файлам. У ім ужо іншыя ўдзельнікі. Мяркуючы па змесце, адзін з удзельнікаў — той, хто можа прымаць рашэнні пра месцазнаходжанне вайсковых машын.

— "Агат", я 310-ы, прыём.

— На прыёме.

— Значыць, наша месца заняў жоўты аўтобус. Таму дазвольце, мы станем за медыцынскай машынкай. Каля прыбіральняў.

— Так, станавіцеся насупраць прыбіральняў проста.

— Зразумеў, выконваю.

 


З "Беларуськалія" звольнілі яшчэ 6 удзельнікаў забастоўкі


З "Беларуськалія" звольнілі яшчэ 6 удзельнікаў забастоўкі. Агульная колькасць звольненых у лістападзе "за прагулы" склала 55 чалавек. Пра гэта паведамляе тэлеграм-канал прадпрыемства. Ён заклікае "не паддавацца на правакацыі", бо "паход у стачкам" — гэта не часовае мерапрыемства, а рэальныя прагулы і звальненні". І 55 чалавек ужо "страцілі працу і сацыяльны пакет", а на іх месцы прыходзяць "кваліфікаваныя кадры".

У лістападзе амаль штодня па некалькі працаўнікаў "Беларуськалія" аб'яўлялі пра далучэнне да агульнанацыянальнага страйку. Каб спыніць гэты працэс, кіраўніцтва прадпрыемства пайшло на масавыя звальненні. 19 лістапада стала вядома, што звольнены "за прагулы" 49 страйкоўцаў.

 


У Берасці затрымалі групу "партызан": вялі "рэйкавую вайну", "вешалі" АМАП


У Брэсце міліцыя затрымала групу "партызан", якая складалася з некалькіх мужчын і жанчыны (іх узрост — ад 26 да 38 рокаў). Затрыманне АМАП правёў яшчэ 11 лістапада, але пра гэтую справу МУС распавёў толькі цяпер. "Партызан" падазраюць у вядзенні "рэйкавай вайны" — у акцыях сабатажу на чыгунцы ў Кобрынскім раёне ў канцы кастрычніка, у выніку чаго спыняўся рух цягнікоў, у разбіцці шкла ў акне апорнага пункту міліцыі, у падпале аўтамабільных шынаў на дарозе, у вывешанні на дрэвах і агароджы пуцеправода ў Брэсце пудзілаў з "цынічнымі" надпісамі "АМАП", "МЕНТ" і "Хлус". Адзін з затрыманых заявіў, што акцыі праводзіліся "з-за дзеянняў карнікаў у Менску".

Усе затрыманыя, якіх называюць удзельнікамі "злачыннай групоўкі", знаходзяцца пад вартай. Яны праходзяць падазраванымі па крымінальных справах, якія распачыналіся раней пасля праведзеных акцый.


"Эўрарадыё", 23 лістапада 2020 р.

 


Ну, что ж, всё-таки обосрались


В Беларуси начались очень активные поиски того, кто осмелился слить переговоры Баскова, Эйсмонт и Шакуты. Допрошены были все, кто мог быть причастным и у кого есть доступ. Допрос был с пристрастием, чтобы ни у кого не было желания солгать. Сошлись во мнении, что все фигуранты чисты.

Это подвержает информацию источников Ника, что слив — след маскалёвских спецслужб. Так сказать, артподготовка под скорый приезд Лаврушки.  Помнится, как-то Лукашка презентовал Мишустину эпичные переговоры Ника и Майка (которые родили целую кучу мемов и дали название даже этому каналу). Эйсмонт, Басков и Шакута — это маскалёвская ответочка от Петрова и Баширова, так сказать. Только вот в Дроздах не до смеха от того, что дело коснулось самого близкого окружения Лукашки. 

Этот слив заставил серьёзно переполошиться. Было много разговоров о том, что Беларусь сама производит секьюрные средства связи. Но все они разбились о банальную реальность. Как говорится, экономика должна быть экономной, а безопасность — безопасной. В данном случае вышло по-другому: аппаратура связи — маскалёвская, софт — оттуда же. Поэтому и безопасность такая, какая есть. Кажется, кому-то в "Научно-техническом центре КГБ" прилетит… Или уже?

Теперь Лаврушка едет к Лукашке не только с вопросами о невыполненных обещаниях (два месяца со времени встречи с Пуйлом в Сочи истекли, а никакого референдума по новой конституции не видать и близко), но и с чётким посылом: вы под колпаком у Мюллера. Маскалёвской стороне известно гораздо больше, чем весёлые выступления Лукашки о многовекторности по телевизору.

С этим связана и изменившаяся риторика по макалёвскому телевидению, например. Если раньше провластного псевдоаналитика Шпаковского звали и слушали, то сейчас с него просто смеются.

В общем, Масковия продолжает загонять хитрогожопого беларусского деятеля в угол. Обольщаться не стоит. Масковия точно думает только о себе, а не о беларусском народе. Но как ещё одна точка давления такой расклад подойдёт.


Telegram-канал "Ник и Майк", 23 лістапада 2020 р.

 

 

Пасля жорсткага збіцця ў ГАУС з Беларусі з'ехаў
геніяльны майстар музычных інструментаў


Заставацца ў Беларусі ён палічыў для сябе і сваёй сям'і небяспечным. Гісторыю Андрэя Шкледа распавядае media-polesye.by.

Імя геніяльнага майстра музычных інструментаў Андрэя Шклёды з Пінска вядома далёка за межамі Беларусі. У Андрэя не было спецыяльнай адукацыі, ён — самавук. Але вучыцца да яго тонкасцям рэдкага рамяства прыязджалі майстры з Масковіі, Украіны, краін Балтыі. На вырабленых ім інструментах сёння граюць беларускія і замежныя знакамітасці.

10 жніўня Андрэй быў жорстка збіты супрацоўнікамі карных структур. Спачатку на вуліцы Кірава ў Пінску, дзе яго разам з братам Раманам схапілі невядомыя і даставілі ў будынак Пінскага ГАУС. Затым гвалт працягваўся ў адным з кабінетаў, потым у памяшканні стралковага ціра. Андрэя збівалі, маральна прыніжалі, катавалі, заганяючы шпільку пад пазногаць. Патрабавалі прызнацца, што ў ноч з 9 на 10 жніўня знаходзіўся ў шэрагах пратэстоўцаў.

Андрэй палітыкай не цікавіўся, нават на выбары ніколі не хадзіў. Яго цікавасцю па жыцці была музыка, а галоўным багаццем — рукі і тонкі музычны слых. Як раз па іх і прыйшоўся асноўны ўдар кулакамі, дубінкамі і ботамі. Андрэя збівалі так, што галава была падобная на мяч, а рукі надоўга страцілі адчувальнасць. У перапынку паміж збіццём ён ляжаў у лужыне ўласнай крыві, прыціснуты да падлогі чужым ботам. А яшчэ быў страх за сваіх блізкіх. Каты ў пагонах праглядалі змесціва яго мабільнага тэлефона, фатаграфіі жонкі і сына і пагражалі прыехаць да яго ў Кудрычы і зладзіць расправу над сям'ёй.

У адзін міг зруйнаваліся мары аб шчаслівай сямейым жыцці ў палескай глыбінцы. Незадоўга да жнівеньскіх падзей Андрэй Шкледа вярнуўся з Польшчы. Купіў домік у вёсцы Кудрычы і перабраўся сюды разам з сям'ёй. Збіраўся аддаць сына ў бліжэйшую сельскую школу. У Кудрычы пацягнуліся журналісты вядучых беларускіх СМІ, каб распавесці аб вяртанні геніяльнага майстра, а музыкі — каб замовіць у яго інструмент.

Новае жыццё, толькі пачаўшыся, раптоўна абарвалася. Памятаючы пра пагрозы расправы, Андрэй доўгі час баяўся вяртацца дадому, жыў у брата і знаходзіўся ў стане дэпрэсіі.

На дапамогу геніяльнаму майстру прыйшла музычная супольнасць. Даведаўшыся аб тым, што з ім здарылася, музыканты арганізавалі Андрэю і яго брату Раману курс рэабілітацыі ў Чэхіі.

Як распавяла Медыя-Палессю іх сястра Вольга, пасля таго, што з Андрэем здарылася 10 жніўня ў Пінску, ён баіцца вяртацца ў Беларусь, дзе чалавека проста так могуць схапіць на вуліцы, даставіць у аддзяленне міліцыі і там збіваць. І мае намер застацца ў Чэхіі. Беларуская дыяспара там вельмі гасцінна прыняла сваіх землякоў. Дапамагае і маральна, і матэрыяльна. Клапоціцца пра іх і чэшскае дзяржава. Сёння браты вывучаюць чэшскую мову, плануюць знайсці сабе працу ў Чэхіі.

У пачатку лістапада да сваіх мужоў адправіліся і жонкі з дзецьмі. Сям'і ўз'ядналіся.


"Новы Час", 23 лістапада 2020 р.

 


Машыніст "Беларуськалія" далучыўся да стачкі


Машыніст "Беларуськалія" Аляксандр Клязовіч далучыўся да стачкі і а 1:30 адмовіўся падымацца на паверхню.

Каля 4:30 Аляксандра Клязовіча падняў на паверхню ваенізаваны горнавыратавальны атрад. Хуткая дапамога з ім выехала за тэрыторыю 4 рудаўпралення.

 


У Салігорску вартаўнік КДБ садовымі нажніцамі забіў
рабочага "Беларуськалія" пасля палітычнай спрэчкі


12 жніўня ў Салігорску, проста ля будынка КДБ, адбылося забойства. Ваенны пенсіянер Леанід Штайда, па версіі следства, нанёс удар нажніцамі ў шыю работніку "Беларуськалія" Генадзю Кісялю. Пацярпелага спрабавалі выратаваць і нападнік, і мінакі, і медыкі, але неўзабаве ён памёр у рэанімацыі. Штайда і Кісель асабіста знаёмыя не былі, у той дзень яны сустрэліся выпадкова, але да гэтага перапісваліся ў сацсетках, дзе спрачаліся пра палітыку: пенсіянер падтрымліваў дзейную ўладу, у работніка было іншае меркаванне. Канфлікт скончыўся трагедыяй.

Леанід Штайда — невысокі пажылы мужчына, яму 67 рокаў. Падчас суда ён амаль увесь час стаіць ля маленькай шчылінкі шкляной клеткі. Кажа, што па стане здароўя дрэнна чуе, і просіць удзельнікаў працэсу казаць гучней. Калі паглядзець на яго старонку ў сацсетках, відаць, што ён актыўна займаўся спортам: хадзіў на валейбол, катаўся на ровары, зімой акунаўся ў палонку. Ён быў частым наведвальнікам "Аднакласнікаў", падпісаны на прамаскалёўскія суполкі і групы афіцэраў. У яго вайсковае мінулае, ужо на пенсіі, да арышту працаваў вартаўніком у мясцовым КДБ, побач з якім, уласна, і адбылося забойства.

У аператыўных зводках тады паведамлялі: 12 жніўня, каля 19 гадзін, 50-рочны мужчына, праязджаючы на ровары па вуліцы Паркавай, сустрэў 67-рочнага гараджаніна. Паміж мужчынамі адбылася сварка. Падчас бойкі пешаход ударыў раварыста ў шыю садовымі нажніцамі. Пацярпелага даставілі ў лякарню, але выратаваць яго не ўдалося.

Тое, што адбылося, бачылі мінакі і жыхары інтэрната, размешчанага побач з месцам злачынства. Так, сведка Віталь Чарніцкі патлумачыў у судзе, што ўвечары выйшаў на балкон пакурыць. Убачыў мужчыну, які ўвесь быў у крыві і трымаўся за шыю. Побач на тратуары ляжаў ровар.

— Другі мужчына пабег да прыпаркаванай машыны, узяў аптэчку, — растлумачыў сведка. — Параненага паклалі на зямлю, пачалі аказваць яму медыцынскую дапамогу. Кроў біла фантанам. Праз некалькі хвілін прыехала хуткая дапамога, і яго забралі. Затым прыехалі супрацоўнікі РУУС, абвінавачаны ім тлумачыў, што адбылося. Паколькі яго затрымалі, я зрабіў выснову, што ён датычны да таго, што адбылося.

У судзе заслухалі яшчэ аднаго сведку, Кірыл Гусоўскі таксама жыве ў доме па суседстве з месцам злачынства, ён чуў, як пасля таго, што адбылося, абвінавачаны камусьці тэлефанаваў і казаў: "Я забіў чалавека".

Забітаму Генадзю Кісялю было 50 рокаў, працаваў на "Беларуськаліі", жанаты, у яго засталося двое дарослых дзяцей. Сын Аляксей даведаўся пра смерць бацькі ад сястры, калі быў у рэйсе. Пра тое, што ў бацькі быў канфлікт з кімсьці ў сетцы, сын не ведаў, абставіны яму сталі вядомыя ўжо пасля трагедыі.

— Яны ніколі не бачыліся асабіста, — кажа Аляксей Кісель пра ўзаемаадносіны бацькі з абвінавачаным. — Канфлікт у іх быў у Інтэрнэце, у перапісцы. Я даведаўся пра гэта ўжо пасля смерці таты. Ён перапісваўся ў "Аднакласніках" з рознымі людзьмі, у асноўным з калегамі, відэа розныя глядзеў. Аб тым, што яму нехта пагражаў, я нічога не ведаў. Бацька быў адважным чалавекам, які нічога не баяўся. Не думаю, што ён бы мяне аб такім папярэджваў. Ён заўсёды стаяў на баку справядлівасці.

Пасля яго смерці я вывучыў яго старонку ў "Аднакласніках". Там была вельмі вялікая перапіска з абвінавачаным. Не хапіла мне нерваў нават усё прачытаць, таму што там было вельмі шмат абразлівых слоў у адрас бацькі з боку абвінавачанага. Ён пісаў яму "п'яніца, няўдачнік, не служыў, нічога ў жыцці не дамогся". Гэта ўсё няпраўда, мой бацька шмат чаго дамогся ў жыцці, у яго выдатная сям'я.

Аляксей адзначыў, што абразлівыя каментары ў абмеркаваннях Штайда пісаў і іншым карыстальнікам "Аднакласнікаў". Але яны, у адрозненне ад Генадзя Кісяля, жылі не ў Салігорску.

Сустрэчу з Леанідам Штайдам Аляксей называе "збегам абставінаў". Кажа, што бацька ў гэты дзень вяртаўся з дачы, павінен быў заехаць дадому да сына, які ў гэты час быў у камандзіроўцы, каб пакарміць ката. 12 жніўня ў Салігорску, як і ў многіх гарадах, былі пратэсты, сілавікі часткова перакрывалі рух, таму бацька паехаў па дарозе, якая праходзіла ля будынка КДБ.

Леанід Штайда, у сваю чаргу, растлумачыў, што ў гэты вечар збіраўся на трэніроўку па валейболе. Па дарозе вырашыў заскочыць на працу, каб аддаць калегу, іншаму вартаўніку, садовыя нажніцы, якія на час забраў, каб падстрыгчы кусты ў сябе на дачы. Штайда лічыць, што Кісель наўмысна да яго прыехаў, у судзе ён згадаў, што ў месце ўжо на ўсю моц дзейнічалі "змагары".

Па версіі абвінавачанага, Генадзь Кісель напаў на яго, а Штайда спрабаваў абараніць сябе, у руцэ апынуліся тыя самыя нажніцы, памерам каля 50 см, якімі ён і трапіў у шыю непрыяцелю. У судзе Леанід заявіў, што лічыў Кісяля "не ворагам, а заблудным".

Нягледзячы на тое, што Леанід і Генадзь у рэальным жыцці да таго злапомнага дня не сустракаліся, у іх быў агульны знаёмы — Валерый Смаляк, з Кісялём ён разам працаваў, са Штайдам — гуляў у валейбол.

— За два месяцы да таго, што здарылася, Леанід цікавіўся пра Генадзя, — растлумачыў сведка Смаляк у судзе. — Я пачаў яму казаць, які ён па працы, на што Леанід папрасіў расказаць, што ён за чалавек. І я сказаў, што Гена — праўдалюб, са сваёй жыццёвай пазіцыяй. Ён не баяўся прызнацца, калі не меў у чымсьці рацыі. Працы не баяўся, працавіты, трэба дапамагчы — ішоў і дапамагаў. Выпіць ён не любіў, пасля працы дадому ішоў. А брыгада калі і збіралася, ён грам сто сухога віна вып'е — і ўсё. Я потым жартам казаў Гене: што гэта табой КДБ цікавіцца, што ты ўжо там нарабіў? Не памятаю, ён сам назваў прозвішча Штайда ці я сказаў, але ён назваў яго "ч** * * * * ла" і нават размаўляць пра гэта не стаў.

Штайда — былы палітработнік, у яго свая пазіцыя, ідэйна ён старамодны, ён жа вырас у Савецкім Саюзе, таму і мысленне такое.

Жонка абвінавачанага ўвайшла ў залу суда са слязамі на вачах. Яна звярнулася да сям'і Генадзя Кісяля:

— Прабачце нам!

Але яе тут жа спыніў пракурор:

— Гэта і для адных, і для другіх трагедыя, але нам працаваць трэба.

Лідзія Штайда нічога не ведала аб віртуальным канфлікце мужа з Генадзем Кісялём.

— Чула, што ён у сетцы высвятляў адносіны, але што там было дакладна, не ведаю. Ён у мяне наогул спакойны, на працы ў яго канфліктаў не было. У той дзень збіраўся паехаць займацца спортам. Заехаў на працу перадаць гэтыя нажніцы. Як ён мне распавядаў, у гэты момант да яго на ровары пад'ехаў мужчына, спытаў: "Штайда ты?"

І стаў яго зневажаць, абражаць, палез біцца да яго. Муж хацеў прадухіліць напад, не заўважыў, як нажніцы вылецелі ў яго з рук — і такая трагедыя адбылася, гора і ў людзей, і ў нас. А так муж добры чалавек, мы з ім з адной вёскі, разам раслі, 40 рокаў разам пражылі. Такое гора, што не перадаць. Ён не ехаў туды, каб яго забіваць. Ён не забойца.

Паводле судова-медыцынскай экспертызы, прычына смерці Генадзя Кісяля — скразная колата-рэзаная рана. Прыкладна ў 18:30 Генадзь убачыў Леаніда, а ўжо ў 19:20 у лякарні была зафіксавана смерць. Медыцынскі агляд паказаў, што ў крыві памерлага было 0,66 праміле алкаголю, нападнік быў цвярозым. На тэлефоне Штайды знайшлі паведамленні Кісялю, але ў судзе іх агучваць не сталі: таямніца асабістай перапіскі. Хоць каментары гэтыя дагэтуль можна пачытаць пад папулярнымі паблікамі Салігорска, і слова "тупы" там самае бяскрыўднае.

Мяркуючы па дадзеных відэаназірання, якія зачытаў пракурор, бойка доўжылася каля адной хвіліны. І сам момант нападу ў кадр не трапіў. Але адразу некалькі момантаў, зафіксаваных на экспертызах, кажуць не на карысць версіі абвінавачанага, што ён абараняўся: і сляды крыві, знойдзеныя на ровары, і характар раны, і тое, як нажніцы ўвайшлі ў шыю, і следчы эксперымент.

Вайсковаму пенсіянеру прад'яўленае абвінавачванне ў забойстве (ч. 1 арт. 139 КК), па якой пагражае ад 6 да 15 рокаў пазбаўлення волі. Дзяржабвінаваўца запытаў сем з паловай рокаў, з улікам, што Штайда спрабаваў аказаць Кісялю медыцынскую дапамогу адразу пасля ўдару (хуткую дапамогу выклікалі мінакі, але Леанід дастаў з машыны аптэчку, заціскаў ручніком рану).

Сям'я Генадзя цяжка перажывае яго страту і пакуль адмаўляецца ад каментароў. Пад адным з пастоў, дзе разгарэлася палітычная спрэчка паміж Кісялём і Штайдам, жонка забітага напісала: "З яго сыходам засталася маці, у якой Гена быў адзіным сынам, засталіся сын і дачка, для якіх ён быў прыкладам і проста клапатлівым бацькам, засталася адна я, яго жонка. І проста не разумею, як мне жыць далей, таму што ён быў мой сябар, мая апора, маё ўсё, а я была проста побач з ім. Вось такі светлы і цудоўны чалавек быў мой муж. І ў войску ён служыў, вярнуўся ў званні сяржанта, хоць яму прапаноўвалі застацца і працягнуць службу, але дома яго чакала я, яго жонка. Ён шмат вучыўся на розных курсах, каб больш ведаць і ўмець. І працаваў ён у шахце на самай прэстыжнай прафесіі: машыніст горна-вымальных машын. І зваршчыкам ён быў, якіх яшчэ пашукаць, і ўсё рабіў сам, сваімі рукамі. Безадмоўна дапамагаў усім, хто да яго звяртаўся. Заўсёды і ўсё казаў у вочы, ён ніколі не кідаў камень у спіну".

 

 

За перакрытую вуліцы ў Маладэчне завялі крымінальную справу


21 лістапада некалькі чалавек выйшлі на праезную частку з плакатам.

Завялі крымінальную справу па ч.1 арт.342 (арганізацыя групавых дзеянняў, што груба парушаюць грамадскі парадак).

Затрымалі двух мясцовых жыхароў, узростам 28 і 34 рока.

 


Услед за медыкамі з БХМД супрацоўнікі Tut.by
сталі ў калідоры з таблічкамі "0 праміле"


У СІЗА КДБ знаходзяцца журналіст партала Кацярына Барысевіч і лекар ЛХМД. Яны з'яўляюцца падазраванымі па ч. 3. арт. 178 — "раскрыццё ўрачэбнай таямніцы, якое пацягнула цяжкія наступствы".

На партале быў апублікаваны дакумент, які сведчыць пра тое, што ў крыві збітага і памерлага Рамана Бандарэнка не было алкаголю. СК і Лукашка заяўляюць, што Раман быў п'яны. За збіццё Бандарэнкі ніхто не затрыманы, нават не распачатая крымінальная справа.

 

 

Затрыманні ў Віцебску


Сёння ўвечары некалькі дзясяткаў чалавек выйшлі пагуляць са сцягамі, затрымалі мінімум траіх.

 


Затрыманы Ігар Ільяш


[Журналіст] Ігар Ільяш знаходзіцца ў ІЧУ на Акрэсціна. Пра гэта паведамілі сваякі.


"Наша Ніва", 24 лістапада 2020 р.

 


У Курапатах на камені-помніку ахвярам сталінізму напісалі:
"Вернем практыку НКУС"

 

На камені-помніку ахвярам сталінізму ў Курапатах з'явіўся надпіс: "Вернем практыку НКУС". Надпіс зроблены чырвонай фарбай. 

Фотаздымак апаганенага каменя-помніка апублікаваны ў сацсетках.

Гэта ўжо не першы выпадак, калі вандалы дзейнічаюць на месцы масавых расстрэлаў ахвяраў сталінскіх рэпрэсій. У Курапатах неаднаразова разбівалі вядомую "лавачку Клінтана", а абразлівыя надпісы з'яўляліся нават на афіцыйным помніку ахвярам. Аднак міліцыя ніводнага разу не знайшла вінаватых.

 

 

Новы закон "пра недапушчальнасць гераізацыі нацызму" патрэбны Лукашке,
каб забараніць БЧБ-сцяг


24 лістапада Лукашка анансаваў новы законапраект — "пра недапушчальнасць гераізацыі нацызму". Але ў Беларусі ўжо ёсць закон "Аб супрацьдзеянні экстрымізму", артыкул 14-1 якога — "Супрацьдзеянне рэабілітацыі нацызму". Навошта яшчэ адзін закон?

Наўрад ці справа проста ў словах "гераізацыя" і "рэабілітацыя". Гераізацыя нацызму — прыватны выпадак рэабілітацыі нацызму. То бок, новы закон не будзе ахопліваць нейкіх новых сітуацый, якія не прадугледжаныя ужо дзеючым заканадаўствам.

Справа можа быць у тым, што паводле азначэння прыведзенага ў законе "Аб супрацьдзеянні экстрымізму", нацысцкай сімволікай не з'яўляецца БЧБ-сцяг. У законе пра "гераізацыю" БЧБ-сцяг можа быць згаданы наўпрост, і за яго ўжыванне можа быць прадугледжаная крымінальная адказнасць.

 


З Інстытута гісторыі НАН звольнілі навуковага супрацоўніка
аддзела генеалогіі, геральдыкі і нумізматыкі Андрэя Радамана


Цяпер у сценах Акадэміі навук праходзіць "чыстка" недабранадзейных навукоўцаў. Раней стала вядома, што адразу траім гісторыкам не працягнулі кантракты.

Андрэй Радаман зусім нядаўна быў госцем праграмы "Эўрарадыё" "Ідэя Х", дзе распавядаў, як беларусам пабудаваць краіну, у якой сапраўды хочацца жыць і якую яны будуць лічыць найлепшай краінай у свеце.

 

 

Зьнік журналіст Ігар Ільяш


24 лістапада ў Беларусі не было вулічных пратэстаў. Але рэпрэсіі супраць журналістаў працягнуліся. Карнікі правялі ператрус у кватэры Ігара Ільяша — там знойдзены пратакол канфіскацыі рэчаў. Тэлефоны Ільяша недасяжныя, сам ён, мяркуючы па ўсім, затрыманы.

Журналістка Кацярына Андрэева — жонка Ігара Ільяша — затрыманая па крымінальнай справе. Яе, а таксама Дар'ю Чульцову і Кацярыну Барысевіч, у дачыненні да якіх таксама распачатыя крымінальныя справы, праваабаронцы сёння прызналі палітвязнямі.


"Эўрарадыё", 24 лістапада 2020 р.

 

 

Да страйку далучыліся


Пасьля Аляксандра Клязовіча, якога раніцай вывезьлі з шахты, сёньня да страйку далучыўся яшчэ адзін машыніст горных машын рудніка 3РУ "Беларуськалію" Сяргей Журневіч, паведамляе страйкам.

Супрацоўнік "Нафтану" Іван Лінкевіч заявіў аб далучэньні да агульнанацыянальнай забастоўкі. Паводле зьвестак на 18 лістапада, на ААТ "Нафтан" і заводзе "Палімір" да страйку далучыліся 6 чалавек

 


Другая выкладчыца мэдунівэрсытэту звальняецца
на знак салідарнасьці з калегамі


На знак салідарнасьці са звольненымі і арыштаванымі мэдыкамі з БДМУ звальняецца асыстэнт катэдры эпідэміялёгіі Алена Лагавая, паведамляе @ruparbdmu. Яна была адной з удзельніц вядомага відэазвароту выкладчыкаў БДМУ, якія падтрымалі пратэсты студэнтаў.

 


Бацька Мікалая Дзядка падаў заяву ў СК па факце зьбіцьця сына


Аляксандар Дзядок патрабуе завесьці крымінальную справу супраць тых, хто біў яго сына, нягледзячы на тое, што той быў адзін у кватэры і не супраціўляўся пры затрыманьні, хто  пагражаў яму і катаваў, патрабуючы нейкіх прызнаньняў і пароляў да кампутара і тэлеграму.

 


Журналісту, якому падчас пратэстаў зламалі рукі,
адмовілі ў завядзеньні крымінальнай справы


Журналісту з Горадні Руслану Кулевічу і яго жонцы Тацяне адмовілі ў завядзеньні крымінальнай справы па факце цялесных пашкоджаньняў "праз адсутнасьць у дзеі складу злачынства". Адказ з СК прыйшоў адзін на дваіх. Руслана і Тацяну затрымалі 11 жніўня ў цэнтры места. Руслану зламалі абедзьве рукі і асудзілі на 7 дзён арышту. Пасьля вызваленьня сужэнцаў пачалі цкаваць і перасьледаваць.

 


"Ніводнага рубля ў казну рэжыму".
Сьпявачка Рыта Дакота адмяніла канцэрт у Менску


"Я не прыеду ў Менск ня толькі таму, што адразу паеду ў "канцлягер" на Акрэсьціна, а ў першую чаргу таму, што не хачу ніводнага рубля прыносіць у казну рэжыму", — напісала сьпявачка ў Інстаграме. У жніўні Рыта Дакота прысьвяціла новую песьню пратэстам пасьля прэзыдэнцкіх выбараў у Беларусі.

 


Без адзінага подпісу:
зьявіўся зварот беларускіх спартоўцаў у падтрымку ўлады


На сайце "Спартыўная панарама" зьявіўся зварот спартоўцаў у падтрымку дзейнай улады. Але пад ім няма ніводнага прозьвішча тых, хто яго падтрымаў. Ананімныя спартоўцы заяўляюць, што іх большасьць, а тыя, хто крытыкуе ўладу, у меншасьці.

Адкрыты ліст беларускіх спартоўцаў з патрабаваньнямі правесьці новыя выбары, вызваліць палітвязьняў і інш. падпісалі ўжо 1132 чалавекі.

 

Далучыліся да санкцый Эўразьвязу


Паўночная Македонія, Чарнагорыя, Альбанія, Ісьляндыя, Ліхтэнштэйн і Нарвэгія далучыліся да другога пакету санкцый Эўразьвязу супраць беларускіх чыноўнікаў, гаворыцца ў заяве офісу кіраўніка дыпляматыі ЭЗ Жузэпа Бурэля.

 

Дэпутат Менскага гарсавету ўнёс у парадак дня сэсіі пытаньні
пра гвалт і рэпрэсіі ў Беларусі


Дэпутат Павал Бачарнікаў зьвярнуўся да старшыні Менскага гарадзкога савету з просьбай уключыць у парадак дня наступнай сэсіі пытаньні вызваленьня палітвязьняў, расьсьледаваньня гвалту пасьля выбараў, а таксама магчымасьці зьбірацца на масавыя мерапрыемствы паводле заяўнага прынцыпу.

 


КДБ скончыў расьсьледаваньне па справе "Белгазпрамбанку"


Віктару Бабарыку выставілі абвінавачаньне па ч. 3 арт. 430 і ч. 2 арт. 235 КК РБ — атрыманьне хабару арганізаванай групай у асабліва буйным памеры (да 15 рокаў турмы) і "адмываньне" грошай, атрыманых злачынным шляхам у асабліва буйным памеры (да 7 рокаў турмы).

Абвінавачаньні ў атрыманьні хабару прад'явілі яшчэ 6 намесьнікам старшыні праўленьня "Белгазпрамбанку". Усе, акрамя Бабарыкі, цалкам прызналі сваю віну.

 


Спартоўцы пачалі падпісваць адкрыты зварот у падтрымку ўлады


Паводле Мінспорту, у ліку першых зварот "да міжнароднай і беларускай грамадзкасьці" ў штаб-кватэры НАК падпісалі алімпійскія чэмпіёны Аляксандар Масяйкоў, Аляксей Абалмасаў, Яніна Правалінская-Карольчык, Кацярына Карстэн, Сяргей Булыгін.

 


Праваабаронцы прызналі 8 новых палітвязьняў. Усяго іх ужо 140


Беларускія праваабаронцы прызналі палітвязьнямі Сяргея Крыўчэню, Арцёма Мядзьведзкага, Яўгена Курганава, Дзьмітрыя Жэбуртовіча, Мікалая Дзядка, Аляксея Самусенку, Кіма Самусенку і Паўла Дразда, якіх абвінавачваюць па арт. 293 і 342 Крымінальнага кодэксу Беларусі. Усяго ў Беларусі ўжо 140 палітвязьняў.

 


"Я адчуў шчыпок". За "гвалт над міліцыянтам" асудзілі лекарку з Калінкавічаў


Лекарку-пэдыятра Алену Б. пакаралі 2 рокамі "хатняй хіміі" за "гвалт над міліцыянтам" (арт. 364 КК). Пад крымінальны перасьлед жыхарка райцэнтру трапіла праз тое, што бараніла пры затрыманьні свайго мужа, рэаніматоляга, і ўкусіла за сьпіну міліцыянта Віталя К.


"Радыё Свабода", 24 лістапада 2020 р.

 


Настаўнікаў збіраюць дапамогу для раённага шпіталя


У Кобрыне і Кобрынскім раёне з усіх настаўнікаў збіраюць дапамогу для раённага шпіталя, пішуць гледачы.

— Відаць, усе грошы сышлі на праўладныя мітынгі і аўтапрабегі, а вось на медыцыну падчас пандэміі сродкаў не засталося, — кажа чалавек, які даслаў нам інфармацыю.

Нашыя крыніцы кажуць, што прапануюць здаваць грошы добраахвотна, але не меней за 5 рублёў. А кіраўніцтва забараняе абмяркоўваць у калектыве, калі нехта адмовіўся.

 


Новыя страйкоўцы


+1 на Беларускай чыгунцы. Да забастоўкі далучыўся электраманцёр Аляксандр Корвель.
Яшчэ тры рабочых далучыліся да стачкі ў Салігорску.
"Беларуськалій". Машыніст горных выемачных машын рудніка 3РУ Сяргей Журневіч.
ТАА "Пассат". Прараб будаўніча-мантажных працаў Арцём Заброцкі.
ААА "ЛМЗ "Универсал". Інжынер-электронік Ігар Асіпян.

 


Лукашка анансаваў закон аб недапушчальнасці гераізацыі нацызму


— Нашыя дзяржавы паслядоўна адстойваюць абсалютную недапушчальнасць перагляду яе (Другой сусветнай вайны — "Белсат") вынікаў і гераізацыі нацызму. Дарэчы, у бліжэйшы час наш парламент разгледзіць законапраект аб недапушчальнасці гераізацыі нацызму ў Беларусі. Так званай гераізацыі сёння грашаць вельмі многія краіны, асабліва размешчаныя побач з намі. А дарма. Перакананы, што ніякія заслугі перад Бацькаўшчынай не могуць апраўдаць злачынствы супраць чалавецтва, — сказаў ён у размове з амбасадарам Ізраілю.

 


Медыкі стаяць на расцяжцы. Вельмі моцная акцыя!


Медыкі ЛХМД зладзілі акцыю салідарнасці "0 праміле" з калегам, якога пасадзілі ў Амерыканку за інфармацыю пра 0 праміле ў Рамана Бандарэнкі.

Услед за медыкамі з БСМП супрацоўнікі Tut.by выбудаваліся ў калідоры з таблічкамі "0 праміле".

Ужо пятыя суткі ў ШЫЗА КДБ знаходзяцца журналіст Tut.by Кацярына Барысевіч і лекар ЛХМД. Яны з'яўляюцца падазраванымі па ч. 3. ст. 178 — "разгалашэнне медычнай таямніцы, якое пацягнула цяжкія наступствы".

На Tut.by быў апублікаваны дакумент, які сведчыць пра тое, што ў крыві збітага і памерлага Рамана Бандарэнка не было алкаголю. СК і Лукашка заяўлялі, што Раман быў п'яны. Пры гэтым за збіванне Рамана Бандарэнка ніхто не затрыманы, больш таго — нават не ўзбуджана крымінальная справа.

 


15 сутак насуперак закону


Горадня. Грамадскаму актывісту і ўладальніку крамы беларускіх колераў "Адметнасць" Сяргею Верамеенку прысудзілі 5 содняў адміністратыўнага арышту.

Адметнасць прысуду ў дачыненні да Сяргея Верамеенкі ў тым, што яго судзілі за ўдзел у мітынгу 19 жніўня. Адміністрацыйныя справы маюць тэрмін даўніны — 2 месяцы. Аднак, ні міліцыянты, ні суд на гэта ўвагі не звярнулі.

 

 

Працаўнік Менскага электратэхнічнага заводу далучыўся да стачкі


Аляксандр Жэрдзеў, працаўнік Менскага электратэхнічнага заводу імя У.І. Казлова далучыўся да агульнанацыянальнай стачкі.

Аляксандр Жэрдзеў падтрымаў патрабаванні Народнага ўльтыматуму і далучыўся да страйкоўцаў.

 


Трох чалавек затрымалі за блакаванне чыгункі


У Берасці за блакаванне чыгункі затрымалі Яўгена Комвуля, Аляксандра Булыгу, а таксама Сяргея і Вольгу Сіліч.

Затрыманыя падазраюцца ў псаванні чыгуначнай сігналізацыі паводле ч. 1 арт 309 КК РБ. Сваякі паведамляюць, што затрыманых болей, мужчын збіваюць, каб далі прызнальныя паказанні. Пра гэта сведчаць і праваабаронцы.

"Затрыманні адбываліся ў жорсткай форме: як распавялі сваякі, мінімум аднаму чалавеку выбілі ломам дзверы ў кватэры і надзелі чорны мех на галаву, як мінімум траіх збівалі — людзі ў чорным падчас або пасля затрымання (адзначым, што пасля затрымання людзі дастаўляліся ў Ленінскі РАУС Берасця). Аднаму з затрыманых дакладна давялося выклікаць хуткую дапамогу. Падобна, што акрамя фізічнага гвалту на падазраваных аказваўся ціск у іншых формах. Напрыклад, затрыманая жонка аднаго з падазраваных, у якой дыягназавалі інсуліназалежны дыябет, а таксама інваліднасць 2-й групы па зроку. Сваякі апісвалі гэта не інакш як трымаюць у закладніках".

 


Пасля ператрусаў у ЖК "Каскад"


Жыхары ЖК "Каскад", у чыіх кватэрах адбыліся ператрусы, паказалі зламаныя дзверы і парэзаныя падушкі.

Некаторым жыхарам зламалі дзверы так, што прыйдзецца цалкам іх мяняць. У кватэрах сілавікі рэзалі падушкі, залазілі за плінтусы на кухні.

 


У Менску знік журналіст Ігар Ільяш


Знік журналіст Ігар Ільяш, муж затрыманай па крымінальнай справе журналісткі Кацярыны Андрэевай

Тэлефоны журналіста недасяжныя. Таксама ён не прыйшоў на сустрэчу з калегамі.

У кватэры Ігара Ільяша брат знайшоў пратакол вымання кампутара, тэлефона і г.д. На копіі пратаколу не бачна ні імёнаў, ні з якой прычыны карнікі зрабілі выманне тэхнікі. 

Дзе цяпер знаходзіцца Ігар Ільяш — невядома. 


"Белсат", 24 лістапада 2020 р.

 


Вадим Прокопьев рассказал новые подробности
убийства лукашистами Романа Бондаренко


Ресторатор опубликовал очередное видео на своём ютуб-канале. В нём он обращается к главе ФХБ Дмитрию Баскову и многократному чемпиону мира по муайтай Дмитрию Шакуте. Этих двух связывают с избиением вечером 11 ноября 31-летнего жителя "Площади Перемен" Романа Бондаренко, который скончался в менской больнице скорой помощи 12 ноября.

Прокопьев убежден, что шаткое положение Лукашенко привело к новому статусу присягнувших на верность власти Шакуты и Баскова.

— Поздравляю с повышением: вы были решалами, а теперь мокрушники, — говорит ресторатор.

Он называет их обоих соучастниками преступлений и пророчит им суд.

 

 

Дружины самообороны


Для координации наших групп готовится ряд мероприятий которые будут в скором времени анонсированы. Основной подход фокусируется на безопасности участников и налаживание эффективного взаимодействия.

Прошлые выходные показали, что протестующие переходят к более решительным действиям. Во многих местах люди смогли отбивать своих, заставляя отступать карателей. Создание организованных дружин даст возможность противостоять режимным прихвостням на другом уровне.

Мы нацелены на перелом ситуации. Этого можно добиться полностью измотав силы режима посредством долгосрочных безостановочных протестов. И затем самим перехватить инициативу. Для этого необходимо подготовить инфраструктуру и слаженые группы.


Telegram-канал "Баста", 24 лістапада 2020 р.

 

 

Затрымалі былога сьледчага Яўгена Юшкевіча,
які дапамагаў працаўладкавацца звольненым сілавікам


Пра затрыманьне піша блогер Антон Матолька. Вядома, што Яўген Юшкевіч знаходзіцца ў турме на Акрэсьціна.

Ён сышоў з праваахоўных органаў некалькі рокаў таму, а апошнім часам актыўна кансультаваў сілавікоў, якія хацелі звольніцца.

Ён таксама актыўна вёў Twitter, дзе публікаваў інфармацыю з МУС і СК, цяпер ягоны акаўнт недасяжны.

Яўген Юшкевіч Магілёву, скончыў юрфак БДУ, два рока працаваў пазаштатным супрацоўнікам у сьледзтве менскай пракуратуры, потым яшчэ пяць — сьледчым і старшым сьледчым аддзелу расьсьледаваньня эканамічных злачынстваў упраўленьня СК па Менску. Стаў мабільным распрацоўнікам у кампаніі-рэзыдэнце ПВТ.

Разам з аднадумцамі ў разгар акцый салідарнасьці ён задумаў і запусьціў праект bychange.me — дапамога ў працаўладкаваньні для тых, хто больш ня хоча выконваць загадаў, якія не адпавядаюць асабістым перакананьням.

 


У Пінску зьнік карэспандэнт сайту "Медыя-Палессе",
якога ўчора выклікалі ў міліцыю


Журналіста Яўгена Мікалаевіча выклікалі 24 лістапада ў пінскую міліцыю, пасьля гэтага сувязь з ім зьнікла.

Як паведамляе БАЖ, карэспандэнта "Медыя-Палессе" Яўгена Мікалаевіча праз тэлефон запрасілі прыйсьці ў аддзяленьне крымінальнага вышуку ў Пінску, дзе яго хацелі апытаць. У якасьці каго і ў рамках якой справы, не патлумачылі. У 14:30 ён папярэдзіў пра гэта галоўнага рэдактара і пайшоў на размову.

Увесь вечар сувязі з журналістам не было, яго тэлефон недаступны і раніцай.

Начальнік Пінскага ГАУС Дзьмітры Каравякоўскі на пытаньне рэдактаркі Сьвятланы Гарда аб выкліку і месцазнаходжаньні Яўгена Мікалаевіча, сказаў, што нічога ня ведае, бо ў вытворчасьці Пінскага ГАУС знаходзіцца больш за 1800 матэрыялаў. Ён прапанаваў напісаць пісьмовы запыт, што і было зроблена.

Яўген Мікалаевіч асьвятляў акцыі пратэсту ў Пінску, яго судзілі ўжо двойчы і каралі "суткамі" за працу на акцыі 10 жніўня, а таксама за знаходжаньне на мітынгу 30 жніўня — тады ён наогул стаяў убаку. Друога тэрміну журналіст не адбываў, пастанова была абскарджаная ў абласным судзе.

 


Раённая адміністрацыя ў Менску зьбірае сьпіс кватэр зь "недзяржаўнай сымболікай"


Чытачы даслалі ліст, які прыйшоў у адно з таварыстваў уласьнікаў у Менску.

У ім адміністрацыя Цэнтральнага раёну Менску патрабуе даць пісьмовую інфармацыю аб уласьніках кватэр, на фасадах (вокнах) якіх ёсьць "недзяржаўная сымболіка (сьцягі, улёткі)".

У выпадку невыкананьня пагражаюць адміністрацыйнай адказнасьцю.

 


"І ў аўтазаку, і ў турме на падлозе валяўся бел-чырвона-белы сьцяг", —
журналіст Ігар Карней выйшаў з-пад арышту


25 лістапада выйшаў на волю журналіст Ігар Карней. Яго затрымалі перад пачаткам маршу 15 лістапада на "Пушкінскай", асудзілі на 10 сутак. Тэрмін ён адбываў у Жодзіне. Кажа, што самым цяжкім было 12-гадзіннае стаяньне каля сьцяны ў двары пастарунку.


Так моцна цягнулі ў аўтазак, што парвалі куртку


Забралі Ігара Карнея разам з жонкай Інай прыкладна а 12-й гадзіне каля "МакДоналдзу" на "Пушкінскай", дзе тады было абвешчана месца збору. Людзей было няшмат, калёна толькі пачынала фармавацца, прыгадвае журналіст.

— Народ стаяў на ўзбочынах. І наагул здавалася, што гэтых карнікоў-слабавікоў было больш, чым пратэстоўцаў. Спачатку яны пабеглі браць людзей у двары, а ўжо потым хапалі тых, хто на ходніках знаходзіўся.

Мяне схапілі і так моцна цягнулі, што куртку парвалі. Калі саджалі ў аўтазак, на ўваходзе на падлогу быў кінуты бел-чырвона-белы сьцяг, але мы неяк адсунулі яго крыху лявей, каб не таптаць. Атрымаў пару разоў па сьпіне. Пасадзілі ў маленькую камэру чацьвярых, а той адсек быў разьлічаны максымум на дваіх. Павазілі па месьце, а потым туды трэба было жанчын перасадзіць. Мужчын у аўтазаку паставілі на калені, так і ехалі да РУУСу, — апавядае Ігар.


12 гадзін трымалі на холадзе ў двары пастарунку


Прывезьлі ў міліцыю, паставілі частку затрыманых уздоўж агароджы РУУСу, частку каля гаража. Тварамі да сьцяны, рукі ўгару.

— У двары пастарунку быў самы цяжкі экстрым. Фактычна нас там трымалі з гадзіны дня да гадзіны ночы. Пэрыядычна падыходзілі міліцыянты, патрабавалі, каб мы рукі яшчэ вышэй узьнялі. У той дзень было даволі халодна — увечары тэмпэратура мінусавая, без пальчатак рукі мерзьлі.

У гадзіну ночы прыехаў аўтазак, і ўсіх затрыманых некуды павезьлі. Спачатку ня ведалі, куды. Потым ужо АМАПавец сказаў, што ў Жодзіна.

— У пакоі надгляду таксама бел-чырвона-белы сьцяг на падлозе валяўся, хто адмаўляўся наступаць — білі дручкамі, нагамі, кулакамі. Потым ужо разьвялі па камэрах — у камэру на 10 чалавек запхнулі 20. Першыя двое сутак не было ні матрацаў, ні пасьцельных прыналежнасьцяў. Фактычна першую ноч і ня спалі — хтосьці падклаў рукі пад галаву і спрабаваў драмаць на стале. Другая ноч таксама цяжкая была, — кажа Ігар.


"Штраф выклікаў у АМАПаўцаў прыступ ярасьці —

яны патрабавалі тлумачэньняў у судзьдзяў"


У аўторак, на трэці дзень пасьля затрыманьня, былі суды. Судзілі праз скайп судзьдзі з Крупак, Смалявічаў і Чэрвеня.

— Адчувалася, што яны нічога не разумеюць: пратаколы складзеныя абы як, месца затрыманьня пазначана ня тое, час таксама ня той. Людзі абураліся, не пагаджаліся, а яны не зьвярталі ўвагі, бо зразумела, што яны паняцьця ня маюць пра сталічныя лякацыі.

Судзілі паводле шаблёну. Калі чалавек трапляў другі раз, давалі болей. Аднаму такому "рэцыдывісту" далі 20 сутак паводле артыкулаў 23.34 і 23.4. Прыпісалі яшчэ супраціў міліцыі. Давалі і па 15 сутак — шляхам складаньня двух пратаколаў: 10 плюс 7, атрымліваецца 15. У парадку выключэньня пару прысудаў было па 7-8 сутак. Толькі адзін быў штраф. Гэта выклікала ў амапаўцаў прыступ лютасьці, яны патрабавалі ад судзьдзяў тлумачэньняў, чаму штраф, а ня суткі, — кажа Ігар.

На ўмовы ўтрыманьня журналіст ня скардзіцца. Адзін раз выводзілі на прагулку, адзін раз — у душ. Перадачы, якія сваякі прывезьлі ў сераду раніцай, перадалі толькі ўвечары ў чацьвер.

— Учора пасадзілі хлопца, які прынёс нам навіны з волі. Дарэчы, ён пастаўляе посуд у турмы. Пакуль ня ведаю, ці ўсё дайшло ў перадачы, але літаратуру яны дакладна фільтравалі. Ну а супрацоўнікі турмы нармальныя, даволі адэкватныя, але часам прыходзілі амапаўцы.

Сумна было, рабіць няма чаго. Пад’ём а 6-й, адбой а 22-й. Сядзець на нарах нельга ўдзень. Вакол стала — 6 пасадачных месцаў, стоячы чытаеш, ходзіш кругамі. Ніводнага ліста, ніводнай тэлеграмы ніхто з сукамэрнікаў так і не атрымаў, ніякай сувязі з вонкавым сьветам не было, — апавядае пра турэмныя будні Ігар.


Сукамэрнікі — спрэс айцішнікі, навуковыя супрацоўнікі, адлічаныя студэнты


Што да кантынгенту, у камэры былі толькі "палітычныя". Амаль усе — з вышэйшай адукацыяй, усе працуюць.

— Шмат айцішнікаў, былі навуковыя супрацоўнікі акадэмічных інстытутаў, адлічаныя студэнты, прадпрымальнікі, рабочыя з МАЗу, зь БелАЗу — цалкам прыстойная публіка, — кажа Ігар.

 

З Інстытуту гісторыі звольнілі чацьвёртага навукоўца — Уладзімера Шыпілу


Уладзімер Шыпіла — чацьвёрты ў ліку тых, з кім кіраўніцтва Інстытуту гісторыі не працягнула кантракт. Раней ён адбываў суткі за ўдзел у ланцугу салідарнасьці каля Акадэміі навук. Да звальненьня ён працаваў у аддзеле антрапалёгіі.

Пра тое, што Шыпілу не працягнулі кантакт паведаміла Наша Ніва. Таксама ў лістападзе не працягнулі кантракт з Аляксеем Шаландам (загадчык аддзела генэалёгіі, геральдыкі і нумізматыкі), Андрэем Радаманам (супрацоўнік аддзела генэалёгіі, геральдыкі і нумізматыкі) і Кацярынай Крывічанінай (займалася гісторыяй міжнароднага супрацоўніцтва ў мінімізацыі наступстваў чарнобыльскай катастрофы).

Афіцыйна навукоўцаў звальняюць "згодна з заканадаўствам". Намесьнік дырэктара ў навуковай працы Вадзім Лакіза тлумачыў Кацярыне Крывічанінай, што ў інстытуце рыхтуецца рэарганізацыя.

— Я думаю, што я не апошняя, — казала на мінулым тыдні пра звальненьні ў Інстытуце гісторыі Крывічаніна. — Пойдуць яшчэ іншыя актыўныя ўдзельнікі ўнутрыінстытуцкага пратэставага руху. Тыя, хто выходзіў на акцыі і падпісваў заявы.

Многія навукоўцы Інстытуту гісторыі адкрыта выказваліся наконт палітычнай сытуацыі ў Беларусі і ўдзельнічалі ў пратэстах. Шэсьць чалавек з інстытуту затрымлівалі падчас акцый пратэст і ланцугоў салідарнасьці.

 


Жыхар Гомля зрабіў заўвагу міліцыянтам —
забеглі ў кватэру і моцна яго зьбілі. Цяпер яго судзяць


Жыхара Гомля Сяргея Верашчагіна судзяць за гвалт над міліцыянтам.

Што здарылася. Сьцісла:

Па вэрсіі сьледзтва, малады чалавек кідаў бутэлькі ў бок міліцыі са свайго акна, пры затрыманьні стукнуў міліцыянта нагой у вока.
Па вэрсіі абвінавачанага, ён зрабіў заўвагу міліцыянтам, якія на вуліцы жорстка "круцілі" дзяўчат. За гэта супрацоўнікі органаў унутраных спраў забеглі да яго ў кватэру і моцна зьбілі.
12 жніўня ў Гомлі праходзіла акцыя пратэсту супраць фальсыфікацыі выбараў. Удзельнікаў акцыі затрымлівалі проста пад вокнамі Сяргея Верашчагіна — ён жыве ў цэнтры места.

Малады чалавек убачыў, як міліцыя жорстка абыходзіцца зь людзьмі, у тым ліку зь дзяўчатамі, і пачаў крычаць на іх з вакна. Міліцыянты ўварваліся да яго ў кватэру, затрымалі і зьбілі яго — так кажа абвінавачаны.


"Білі, скакалі па галаве, абражалі і сьмяяліся"


14 жніўня, калі Сяргей быў пад вартай, яго наведала адвакатка. Зь яе дапамогай малады чалавек трапіў нарэшце ў шпіталь. Мэдыкі зафіксавалі, што ў Сяргея — чэрапна-мазгавая траўма, удар галаўнога мозгу, шматлікія траўмы і гематомы — грудзіны, шыйнага і паясьнічнага аддзелу хрыбта.

Абвінавачаны тлумачыць траўмы тым, што яго білі і пры затрыманьні, і ў аддзеле.

— У цэлым ён атрымаў каля сотні ўдараў, — удакладняла на судзе адвакат.

Абвінавачаны заўважаў, што ў аддзеле яго білі дручкамі тры-чатыры супрацоўнікі па чарзе, скакалі па галаве, абражалі, сьмяяліся, калі ён плакаў і прасіў ня біць яго.


Крымінальную справу распачалі супраць Сяргея.


Па вэрсіі міліцыі, ён кідаў бутэлькі з вакна, нецэнзурна лаяўся, пры затрыманьні паводзіў сябе агрэсіўна. Калі міліцыянты выводзілі яго з кватэры, у пад’езьдзе біўся галавой аб сьцены і прыступкі, а потым нагой ударыў міліцыянта ў вока.

Наконт затрыманьняў у цэнтры места міліцыянты ў судзе тлумачылі, што проста размаўлялі з жанчынамі, а абвінавачаны стаў крычаць на іх і абражаць іх. Яны сьведчаць у судзе, што ніхто Сяргея ня біў.

У Цэнтральным РАУС ёсьць сыстэма відэаназіраньня. Але якраз 12 жніўня яна дала збой, бо "адбылося аварыйнае адключэньне электраэнэргіі". Пра гэта ёсьць дакумэнт у справе.

25 лістапада прайшло чарговае паседжаньне суду. Сяргей дагэтуль адчувае сябе блага. Калі спрабуе гаварыць пра зьбіцьцё, судзьдзя яго спыняе — маўляў, гэта ня мае дачыненьня да гэтай справы. Па заяве аб зьбіцьці Сьледчы камітэт праводзіць праверку. Вынікаў дагэтуль няма.


"Справа распачатая па надуманых падставах, каб апраўдаць дзеяньні міліцыі"


На судзе маці Сяргея Верашчагіна (яна выступала сьведкай. — "Р.С.") выказалася, што яе сын ня мог, лежачы на падлозе на маленькай цеснай лесьвічнай пляцоўцы, у кайданках, некага яшчэ стукнуць нагой.

— Яго паклалі тварам у падлогу, так вынесьлі і пацягнулі... Цяпер у сына парушэньне маўленьня, я ведаю, як ён размаўляў да затрыманьня, сыходзіць час, ён губляе зрок... — са сьлязьмі кажа маці.

Адвакатка дадае, што калі яна бачыла Сяргея пасьля затрыманьня, "ён ня мог ні гаварыць, ні пісаць, ні чытаць — у такім ён быў стане".

Абаронца выказалася, што крымінальная справа распачатая на надуманых падставах, "каб апраўдаць незаконныя дзеяньні міліцыянтаў пры затрыманьні".

Яна лічыць, што вылучэньне ў асобную вытворчасьць эпізоду са зьбіцьцём яе падабароннага міліцыяй не адпавядае заканадаўству, таму што гэтыя факты зьвязаныя паміж сабой.

Цяпер у судзе вывучаюцца матэрыялы справы, пасьля адбудуцца судовыя спрэчкі.


"Радыё Свабода", 25 лістапада 2020 р.

 


"Сказали, что завезут в гестапо или в лес":
жуткие подробности задержания Николая Дедка


Активисту удалось передать на волю рассказ о беспределе карателей в масках.

12 ноября МВД отчиталось о задержании блогера-анархиста Николая Дедка. Тогда пресс-служба ведомства утверждала, что задержанный "активно сотрудничает со следственными органами и даёт признательные показания". При этом на записи, опубликованной вместе с милицейским пресс-релизом, видно, что Дедок сильно избит. Сейчас его обвиняют в организации действий, грубо нарушающих общественный порядок (статья 342 УК). От человека, с которым Дедку удалось поговорить в изоляторе на Окрестина, "Медиазоне" стали известны подробности задержания анархиста.

Источник, пожелавший остаться анонимным по соображениям безопасности, передал "Медиазоне", что, по словам Николая Дедка, карацели пришли в его съёмную квартиру в посёлке Сосновый около 23:00 11 ноября.

— Разбили окно и ворвались семь человек СОБР и ОМОН, — вспоминает собеседник "Медиазоны" рассказ анархиста. — Сразу [его] начали бить, чтобы дал пароль от входа в систему, потом начали душить подушкой. Когда [он] стал задыхаться, дал пароль. Потом [его] долго били, пока не вспомнил пароль от телеграма.

После какое-то время Дедок лежал на полу — каратели не давали ему поднять голову, но блогер запомнил, что они ходили по квартире. Вскоре они привели понятых-соседей и провели обыск в квартире.

— [Ему] сразу сказали, чтобы при понятых ни слова не говорил, — передает собеседник. — Во время обыска из ниши с инструментами достали три бутылки, которых [в квартире] не было, от них был очень сильный запах бензина. Но бутылки были завёрнуты в полотенце, которое он использовал на кухне, — вспоминал Дедок в разговоре с источником.

О том, что Николая Дедка при задержании избили, рассказывала с его слов адвокат Наталья Мацкевич. Защитница заявила ходатайство о проведении судебно-медицинской экспертизы.

— Могу сказать, что у меня было несколько клиентов, которые бежали из Чечни после применения к ним пыток и были задержаны в Беларуси для высылки. Но я никогда не думала, что услышу, как подобные истории будут происходить в нашей стране, — говорила Мацкевич, не уточняя деталей задержания своего доверителя.

Закончив обыск, каратели сказали Дедку, что теперь будут записывать видео. Его затолкали в кладовку и пустили туда слезоточивый газ.

— Затем вывели на улицу и перцовым газом залили в лицо, прямо в глаза. Сказали, что если не скажет на видео, не дадут умыться. Завели в дом, и пока не сняли видео, умыться не дали, — пересказывает собеседник слова анархиста. — Всё время угрожали изнасиловать, помочиться на него, сказали, что завезут в гестапо или в лес.

Около половины первого ночи Дедка посадили в микроавтобус и отвезли в Менск, в Главное управление по борьбе с организованной преступностью и коррупцией (ГУБОПиК) МВД. Блогер рассказывал собеседнику "Медиазоны", что там его положили лицом в пол, и в таком положении он провёл четыре часа.

— [От него] требовали пароль от VeraCrypt, от жёсткого диска, требовали сказать, кто админы каналов, особенно [анархистских] "Прамень" и АЧК. Когда молчал, били дубинками по спине и ногами, — приводит источник рассказ Дедка.

Ему угрожали изнасилованием дубинкой, били по рукам, по пяткам — электрошокером; когда он поднимал голову, на неё наступали ногой — так продолжалось до пяти утра.

— Брали бутылки, которые якобы нашли в квартире, и засовывали горлышко в рот, заставляли на них плевать, потом растирали. Дали подписать какие-то бумаги, — говорил Дедок собеседнику "Медиазоны".

После каратели потребовали, чтобы задержанный анархист снова произнёс на камеру написанный ими текст — "сказали, что если скажет что-то не так, то будут бить. Если скажет ещё что-то про ГУБОПиК, то заберут из ИВС и опять будут бить, и ещё сильнее".

Кто издевался над Дедком, сам он, по словам источника, не знает — участники задержания и обыска не представлялись и были в масках. Они "пообещали", что задержанный получит "семь-девять лет", а если что-то расскажет "о них", то "на зоне его загонят в "петушатню" и убьют".

В ИВС на Окрестина Дедка доставили около пяти утра 12 ноября. Сейчас Николай Дедок находится в СИЗО №1.

 

 

Каждый, кто подпишет это г*вно


Фанаты менского "Динамо" обратились к футболистам клуба в связи с появлением провластного письма спортсменов.

"Верим в совесть динамовцев и предупреждаем: каждый, кто подпишет это г*вно, навсегда останется предателем своего народа и опороченным чудовищем в глазах всех фанатов "Динамо Мениск"! Это официальная позиция всех фанатов и хулиганов "Динамо Менск". Репост!".

Напомним, во вторник в Сети появилось открытое обращение, в котором неназванные спортсмены поддерживали действующий политический режим.

 


Приборист КИПиА Сергей Еремеев присоединился  к стачке


Работник ОАО "Нафтан" заявил о своём присоединении  к общенациональной стачке.

Приборист КИПиА Сергей Еремеев поддержал народные требования о прекращении насилия, отставке Лукашки и проведении новых выборов, а также дополнительные локальные требования.


"Хартыя’97%", 25 лістапада 2020 р.

 


За "пратэставыя настроі": з Мінлясгаса звольненая памочніца міністра


Падтрымлівае пратэставыя настроі — неафіцыйная прычына, з якой з Міністэрства лясной гаспадаркі была звольненая памочніца міністра Віталя Дрожжы Алеся Гаркуша. Дзяўчына прапрацавала ў міністэрстве амаль два гады, мае трэці клас дзяржслужачага, агульны стаж дзяржслужбы — 17 рокаў. За час працы ў міністэрстве не атрымлівала вымоў. А праблемы ў яе з'явіліся пасля выбараў, у верасні.

— Я не хачу ачарняць нікога і адбельваць. Канкрэтна за штосьці ў свой адрас я прэтэнзій не чула, але была нейкая агульная незадаволенасць, — расказвае Алеся. — Майму былому кіраўніку [міністру Віталю Дрожжу. — "Эўрарадыё"] было паведамлена, што "памочніца падтрымлівае пратэставыя настроі". Як там за намі глядзяць — вядома ім адным, але мяркую, што праз сацыяльныя сеткі.

Перад звальненнем шэф выказваў розныя моманты — па працы і не толькі. І адным з пунктаў было: "Дарэчы, мне сказалі, што мой памочнік падтрымлівае пратэставыя настроі. Гэта недапушчальныя рэчы на гэтай пазіцыі!" Я не магла ўзяць у толк, пра што наогул ішла размова.

Алеся не хадзіла на мітынгі і не будавала барыкад. Адзіныя "пратэставыя настроі", якія яна сабе дазваляла, выяўляліся ў... падабайках і рэпостах у Facebook.

— У сацсетках нічога такога не выкладвала. Раней я працавала ў амбасадзе Беларусі ў Швейцарыі. Мой былы шэф па Берне Павел Мацукевіч напісаў пост у Facebook ў сярэдзіне жніўня. Пост быў прыгожы, у меру стрыманы, і я паставіла падабайку. Уся мая пратэставая актыўнасць у сацсетках заключалася ў падабайках і рэпостах каментароў.

Часовы павераны ў справах Беларусі ў Швейцарыі Павел Мацукевіч у негатыўным ключы выказаўся супраць гвалту на вуліцах і неўзабаве быў звольнены з МЗС.

— Наколькі я памятаю, усе, што датычыцца мірных мітынгаў, у міністэрстве моцна асуджалася, аж да звальненняў. Гэта жорстка адсочвалася. Напрыканцы мне было сказана: "Сходзіш хоць на адну дэманстрацыю — пойдзеш па этапе". Пагроза гэта была ці папярэджанне — я не ведаю. Але нават цяпер я не адчуваю сябе ў бяспецы, — працягвае Алеся.

Гвалт на вуліцах Беларусі выклікаў у дзяўчыны шок. Закрыць на гэта вочы і ўсё забыцца яна не змагла.

— Жудасна. Я наогул не думала, што пры маім жыцці заспею тое, што здарылася. Гэта як дрэнны сон, як быццам штосьці нерэальнае. Гэта не XXI стагоддзе, гэта не еўрапейская краіна. У маім разуменні гэтага наогул не магло адбыцца. Павінен быць дыялог, толькі дыялог. Ні кроплі крыві, ні кроплі гвалту. Чалавецтва развівалася з той мэтай, каб любыя шурпатасці і канфлікты вырашаць толькі мірным шляхам, шляхам перамоў.

Да таго як стаць памочніцай міністра, Алеся тры рока працавала консулам у амбасадзе Беларусі ў Швейцарыі. Дзяўчыне прапаноўвалі застацца ў Швейцарыі, але яна адмовілася:

— Быўшы ў Швейцарыі, там мне прапаноўвалі працу, але для сябе гэты варыянт нават і не разглядала: адчувала адказнасць, пачуццё абавязку і Бацькаўшчыны.

У 2015 і 2016 роках яна была старшынёй камісіі на ўчастку, размешчаным у амбасадзе, на прэзідэнцкіх і парламенцкіх выбарах.

— Старшынёй я стала "па змоўчанні", мяне ніхто не пытаўся. На ўчастак тады прыйшло галасаваць да пяцідзесяці чалавек. Тады, у 2015 роке, на ўчастку перамог Лукашка. Усе бюлетэні мы сумленна дасталі і сумленна палічылі. Наколькі мне вядома, фальсіфікацый не было.

За каго яна галасавала сама, Алеся не кажа.

— Каго я падтрымлівала з кандыдатаў у прэзідэнты — не скажу, але гэта была не дзейная ўлада. Думаю, гэтага дастаткова.

 

 

З Магілёўскага абласнога драмтэатра звольнілі дырэктара Андрэя Новікава


З Новікавым скасавалі кантракт праз тое, што ён адмовіўся звальняць сваіх супрацоўнікаў за іх грамадзянскую і палітычную пазіцыю. Пры гэтым кантракт быў перазаключаны ў верасні 2020 року.

Раней начальнік упраўлення культуры Магілёўскага абласнога выканаўчага камітэта Алег Сцельмашак абяцаў калектыву тэатра, што за іх погляды і грамадзянскую пазіцыю кіраўніка караць не будуць.

 


Разблакаваны дамен "Нашай Нівы"


Цяпер на яго могуць заходзіць і карыстальнікі з Беларусі.

Доступ да сайта NN.by быў абмежаваны 28 жніўня. Тады ж стала вядома пра блакіроўку больш за 70 інтэрнэт-рэсурсаў. "Наша Ніва" змагла атрымаць спіс артыкулаў, праз якія яе заблакавалі, і выдаліла іх. Цяпер на іх месцах стаяць заглушкі (напрыклад, вось так).

 


"Я гатовы"


Каталіцкі біскуп Юры Касабуцкі, які цяпер фактычна прадстаўляе каталіцкую царкву ў Беларусі, гатовы да таго, што ў адносінах да яго могуць распачаць крымінальную справу:

— Не выключаю, што неўзабаве да пераліку катэгорый людзей, якія сядзяць за кратамі, будуць далучаныя і святары, біскуп... Рэпрэсіі трываюць, працягваюцца допыты, і магчыма распачацце крымінальнай справы ў дачыненні да мяне і а. Сергія. Я гатовы.

 


Лідар гурта "Нагуаль захварэў на COVID-19 пасля 15 сутак


Леанід Паўлёнак, лідар гурта "Нагуаль", які ў нядзелю выйшаў з ізалятара пасля 15 сутак за канцэрт у менскім двары, захварэў на COVID-19. Пра гэта піша яго жонка Ганна Шапашнікава.

 


Беларусы пачалі "адварочвацца" ад саюза з Масковіяй?


У лістападзе колькасць прыхільнікаў саюза Беларусі і Масковіі зменшылася на 11 працэнтных пунктаў у параўнанні са звесткамі за верасень. Пра гэта сведчаць вынікі сацыялагічнага апытання, праведзенага Беларускай аналітычнай майстэрняй.

Ці можна лічыць атрыманыя лічбы прыкметай таго, што ў беларускім грамадстве фармуюцца новыя трэнды і беларусы пазбаўляюцца сваёй ранейшай "прамаскалёўскасці"? Да чаго могуць прывесці такія змены ў настроях беларусаў? Адказвае кіраўнік Беларускай аналітычнай майстэрні доктар сацыялагічных навук Андрэй Вардамацкі.

 


Генпракуратура зноў пра алкоголь у Рамана Бандарэнкі


Генпракуратура зноў выказалася пра нібыта наяўнасць алкоголя ў аналізах Рамана Бандарэнкі:

"Опубликованные в сети Интернет копии документов о результатах отсутствия этилового спирта в крови Романа Бондаренко, не учитывают весь спектр необходимых исследований для установления состояния пациента. В одном из опубликованных документов отсутствует результат исследования других биологических сред на содержание этанола, в том числе мочи.

По результатам судебной химической экспертизы, в биологических средах Романа Бондаренко, обнаружен алкоголь".

То бок Генпракуратура прызнала, што ў крыві медыкі БХМП не выявілі алкаголь. Аднак у мачы ці іншых "біялагічных ассяродзях" алкаголь усё ж знайшлі. Што гэта значыць?

У сярэднім моцны алкаголь з крыві выводзіцца за 3 дні, з мачы крыху даўжэй — ад 4 да 6 дзён. Калі ў крыві Бандарэнкі не было алкаголю, а ў мачы ён быў — гэта значыць што піць ён мог за 3-4 дні да затрымання і забойства.

Раман Бандарэнка не быў п'яны.


"Эўрарадыё", 25 лістапада 2020 р.

 

 

Затрымалі двух менчукоў з пудзіламі


Затрымалі двух менчукоў, якія ўсталявалі пудзілы з фатаграфіямі "службовых асобаў"

Як сцвярджаюць у міліцыі, двое жыхароў сталіцы зрабілі драўляныя пудзілы, прымацавалі да іх фатаграфіі праваахоўнікаў і ўсталявалі іх на вуліцы.

У дачыненні да іх распачатая крымінальная справа за хуліганства.

 


Зніклі чатыры прамаскалёўскія сайты


Рэзка зніклі чатыры адмарожаныя прамаскалёўскія сайты, піша @belarus_mythology.

Региональная сеть прокремлёвской пропаганды  в Беларуси одновременно лишилась сразу четырёх своих сайтов: по Берестейщине ("Берестье News"), Витебщине ("Витьбич"), Городненщине ("Гродно Daily") и Могилевщине ("Поднепровье"). Они перестали обновляться с начала ноября, а на днях и вовсе исчезли. Не ясно, надолго ли.

Вот примеры сумасшедших утверждений каждого из них:

"Берестье News": Евросоюз требует от Беларуси начала гражданской войны взамен на безвизовый режим.
"Витьбич": США передали Тихановскому коронавирусные пробирки для массового заражения белорусов.
"Гродно Daily": МВФ даст кредит Беларуси в обмен на права сексуальных меньшинств.
"Поднепровье": Белорусская оппозиция заражает население коронавирусом за деньги Сороса.


"Наша Ніва", 25 лістапада 2020 р.

 


Збіты ў жніўні таксіст атрымаў адказ з СК


Таксіст, якога ў жніўні збілі людзі ў чорнай форме, праз тры месяцы атрымаў адказ з СК. Следчыя не змаглі высветліць і апытаць асобаў, якія ўдзельнічалі ў затрыманні таксіста.

Аднак яны прыйшлі да высновы, што дзеянні ў дачыненні да мужчыны былі абгрунтаванымі, бо "супрацоўнікі міліцыі дзеялі ў межах дзейнага заканадаўства, з прычыны таго, што Іван Т. знаходзіўся ў месцы збору людзей, якія ўдзельнічаюць у несанкцыянаваным мерапрыемстве".

 


Яшчэ адзін журналіст знік у Пінску


Яшчэ адзін журналіст знік. У Пінску не выходзіць на сувязь карэспандэнт "Медыя-Палесся" Яўген Нікалаевіч.

Яўгена па тэлефоне папрасілі прыйсці ў аддзяленне крымінальнага вышуку на апытанне. Тэлефон недасяжны ад учора, паведамляе @bajby.

 


Да страйку далучыліся


+4 рабочых далучыліся да агульна нацыянальнай забастоўкі!

"Беларуськалій". Машыніст Бярозаўскага рудніка 1РУ Маргарыта Осіпава.
"Нафтан". Аператар тэхналагічных установак Іван Лянкевіч.
УВП "Нива-Холдинг". Майстар Сяргей Рулінскі.
"МЭТЗ". Машыніст Аляксандр Жэрдзеў.

 


"Жыве лукашызм"


Невядомыя ў Менску намалявалі свастыку і напісалі "жыве лукашизм".

"Соседи сказали, что 2-3 дня держится, не закрашивают", — паведамляюць чытачы.

У камунальнікаў дысананс? Нацыянальны сцяг яны хутка зафарбоўваюць…

 

Горш за фашызм толькі лукашызм


"Горш за фашызм толькі лукашызм". Вось такая расцяжка з’явілася сёння ноччу ў Горадні.

 


Разбілі вакно кватэры, дзе вісеў бчб-сцяг


Кавалкам бардзюру разбілі вакно кватэры ў Ваўкавысску, дзе вісеў маленькі бчб-сцяг.

Чытачы паведамляюць, што адбылося гэта на вуліцы Леніна. Вялікі кавалак бардзюру праляцеў праз увесь пакой, у якім у той момант былі гаспадары, але не пацярпелі.

"Примечательно то, что накануне приходил участковый, в штатском. Просил "по-хорошему" убрать с окон всё "лишнее". Также, хозяину квартиры открыто угрожали в соцсети: неизвестный в комментариях в ВК угрожал, что его убьют. Возможно, конечно это всё совпадения.

С большой вероятностью это сделали "люди" которым мешали флажки в окне, национальная символика, и фонарик-свеча, который горит в этом окне с момента смерти Ромы Бондаренко.

Следственный комитет провёл все необходимые действия, политический аспект решили не рассматривать. По последней информации уже есть подозреваемый", — пішуць чытачы.

 


Mars "не зацікаўлены браць удзл у палітычных паўстаннях"


Беларускае прадстаўніцтва кампаніі Mars, якая робіць нашыя любімыя батончыкі, "не зацікаўлена браць удзл у палітычных паўстаннях".

Арганізацыя Цэнтр новых ідэй накіравала зварот да розных міжнародных кампаніяў з просьбаю не размяшчаць рэкламу ў дзяржаўных СМІ.

Вось што адказаў вытворца шакаладных батончыкаў Mars:

"Нам вельмі шкада, што такая сітуацыя склалася. На жаль, як кампанія мы не зацікаўленыя браць удзел у палітычных паўстаннях".

Кампанія Mars вядома такімі прадуктамі, як Milky Way, M&M’s, Twix, Skittles, Snickers, Whiskas, Chappy, Pedigree, Uncle Ben’s, Royal Canin.

 


Як жывуць "пратэставыя" двары Менску?


Больш за 40 сталічных кварталаў ад мінулага тыдня актыўна патрулююцца карнікамі. Як правіла, гэта "мяцежныя" раёны, жыхары якіх найбольш актыўна ўдзельнічаюць у пратэстах і ладзяць дваравую актыўнасць.

Як памянялася жыццё жыхароў гэтых кварталаў? Вось яскравыя цытаты:

"У двары кругласуткава стаіць аўтобус і міліцэйскі УАЗік. На самой пляцоўцы ўвесь час знаходзяцца чалавекі чатыры, вакол дамоў ходзяць яшчэ чацвёра ці шасцёра. Некаторыя сілавікі сядзяць у аўтобусе і УАЗіку".

"Нам умоўна забаранілі збірацца на чаявання. Калі выходзім на двор, падыходзяць патрульныя і кажуць, што ў нас несанкцыянаванае мерапрыемства, нават калі нас шасцёра".

"Тут працуюць супрацоўнікі Маскоўскага РУУС, мы ўжо ўсіх ідэнтыфікавалі. Дзяжураць і патрульныя — парамі ходзяць па дварах. Каля бліжэйшай школы амаль кожны вечар паркуюцца бусы, у якіх сядзяць сілавікі ў Балаклаве. Два дні таму забралі чалавека прама там, яшчэ аднаго суседа затрымалі ў двары".

"Ну не можам мы цяпер стужачкі вешаць, але ў галовах нічога не змянілася. Сцягоў у вокнах і на балконах па-ранейшаму шмат. Што датычыць міліцэйскіх патрулёў, хай ходзяць: улетку па начах п'яныя кампаніі ў двары шумелі, можа, іх будуць уціхамірваць".

 


Дэпутаты з народам!


Дэпутат Менскага месцкага Савету дэпутатаў Павел Бачарнікаў патрабуе распачаць расследаванне гвалту і рэпрэсіяў з боку сілавікоў, пачынаючы з 9 жніўня.

— Органы ўлады і кіравання самаўхіліліся ад асноўнай функцыі — прадстаўлення і абароны правоў і інтарэсаў народу, — гаворыць ён у звароце.

 

Дэпутатка Менгарсавету просіць адмяніць рашэнне аб "узорным парадку"


Вольга Цесакова піша, што 18 лістапада прайшла пазачарговая сесія Менгарсавету, на якой і прынялі рашэнне "Аб зацвярджэнні комплексу дадатковых мерапрыемстваў".

Удакладненую позву дэпутатам даслалі ўвечары 17 лістапада. Аднак на самай сесіі дэпутатам падалі ў друкаваным выглядзе змененую позву, з унясеннем на разгляд дадатковага праекту рашэння, раней нідзе не фігураваў і ня разгледжанага на пасяджэнні профільнай камісіі.

Менавіта праз гэта яна просіць прызнаць рашэнне несапраўдным.

 


Хто дзеячаў культуры "падпісаўся" за Лукашку?


За Лукашку заступіліся:

Руслан Аляхно — спявак. У 2008 роке прадстаўляў Беларусь на Эўрабачанні, але да фіналу не дабраўся.
Ірына Дарафеева — спявачка. Працуе загадчыцай катэдры мастацтва эстрады Беларускага дзяржаўнага ўніверсітэту культуры.
Алена Ланская — спявачка. Удзельнічала ў Эўрабачанні–2013, дзе заняла 16-е месца. Ланская абвінавачвала Святлану Ціханоўскую ў арганізацыі Майдану.
Анатоль Ярмоленка — спявак, народны артыст, аўтар "гіту" "Слухай бацьку".
Уладзімір Громаў — саліст Вялікага тэатру, народны артыст Беларусі.
Аляксандр Саладуха — спявак. Быў на закрытай "інаўгурацыі" Лукашкі ў канцы верасня.
Жанэт спявачка. Ездзіць зразаць бел-чырвона-белыя стужкі ў менскіх дварах.
Сёстры Груздзевы — спявачкі. Удзельнічалі ў інаўгурацыі Лукашкі.

 


Ігару Ільяшу суд прысудзіў 15 содняў


Журналісту "Белсату" Ігару Ільяшу суд прысудзіў 15 содняў за ўдзел у пікетаванні 26 кастрычніка.

У той дзень каля Чырвонага касцёла праходзіў супольны марш студэнтаў і пенсіянераў. Аднак у гэты час Ігар накіроўваўся на завод МАЗ па працы.

На судзе Ігар заявіў, што ў вечар затрымання трое невядомых у цывільным адчынілі дзверы ягонае кватэры ключом, верагодна тым, які канфіскавалі ў яго жонкі Кацярыны Андрэевай, журналістыкі "Белсату", якая зараз з'яўляецца падазраванай у крымінальнай справе.

Пазней супрацоўнікі паказалі пастанаўленне аб канфіскацыі тэхнікі Кацярыны, але пачалі забіраць і тэхніку Ігара, пра што ён сказаў. У выніку журналіста забралі для дачы паказанняў па справе яго жонкі. Аднак у Цэнтральным РУУС Ільяшу быў прад'яўлены пратакол аб правапарушэнні.

На судзе адвакат заявіў хадайніцтва аб спыненні справы, бо ягонае віны не даказалі.

— Мая пазіцыя — трэба дабівацца справядлівасці ў гэтай краіне, — сказаў Ігар у судзе.

Судзіла нашага калегу сумна вядомая суддзя Шабуня.

 


Жыхар Валожына Сяргей Тур павесіў на сваім гаражы бчб-сцяг


Зараз яго вінавацяць у парушэнні арт. 23.34 КаАП (парушэнне масавых мерапрыемстваў). Да мужчыны прыходзілі з аглядам і забралі ўсю бчб-сімволіку. Прычым самога Сяргея ўдома не было.

Раней Сяргей Тур пафарбаваў гаспадарчую пабудову на сваім участку ў патрыятычныя колеры — на белым фоне намаляваў чырвоную лінію. Пасля гэтага, кажа, на яго пачалося сапраўднае паляванне.

Да мужчыны на працу (ён ІП) адпраўлялі санстанцыю, падатковую, дойліда.


"Белсат", 25 лістапада 2020 р.

 


В Гомеле и Речице пропал интернет А1.

Оператор: Проблема устранена


Вечером жители Гомеля и Речицы сообщили, что у них пропал домашний интернет и телевидение, плохо работает мобильная связь. Сбои начались в районе 20 часов.

На сайте появилась информация: "В настоящее время по техническим причинам временно недоступны услуги интернета и телевидения Гомеля и Речицы. Наши специалисты уже работают над исправлением ситуации. Приносим извинения за временные неудобства".

Чуть позже редакции удалось выяснить, что проблема решена.

— По состоянию на 20:30 проблема была устранена, а доступ к услугам был восстановлен в полном объёме, — сообщили в пресс-службе А1.


"Сильные Новости", 25 лістапада 2020 р.

 


Промаскалёвские настроения в Беларуси уменьшились


Вчера "Коммерсантъ" опубликовал данные, согласно которым промаскалёвские настроения в Беларуси уменьшились на 11 процентов. Причём, что для Масковии больнее всего, эти 11 процентов почти целиком перекочевали в группу беларусов с проевропейскими взглядами.

Нику прислали секретное исследование, которое заставляет задуматься ещё крепче. Авторы исследования интересовались, как беларусы оценивают новость о том, что Маскоаия по просьбе Лукашки сформировала резерв карателей для возможного размещения в Беларуси. 20% респондентов ответили, что отнеслись к этому "скорее отрицательно", 41% — "очень отрицательно".

Вот такие пироги, товарищ Лаврушка.


Telegram-канал "Ник и Майк", 25 лістапада 2020 р.

 

 

Да страйку далучаюцца новыя асобы — з Менска, Салігорска, Наваполацка


Страйкавы рух у Беларусі набірае сілу.

У чацвер да Агульнанацыянальнага страйку далучыўся яшчэ адзін работнік ААТ "Нафтан" Сяргей Ерамееў, паведамляе gazetaby.com.

Да нацыянальнага страйку напярэдадні далучыліся і працоўныя іншых прадпрыемстваў: Аляксандр Жардзеў з Менскага электратэхнічнага завода імя У.І. Казлова, інжынер-электронік ААТ "ЛМЗ Універсал" УПП "Ніва-холдынг" (Салігорск) Ігар Асіпян і майстар ДПУП "Вокнасэрвтсцэнтр", якое ўваходзіць у гэты ж холдынг, Сяргей Рулінскі.

 


Стачка на "Беларуськаліі": мужных шахцёраў становіцца ўсё больш


Працаўнікі прадпрыемства далучаюцца да страйку кожны дзень.

Яшчэ адзін працоўны ААТ "Беларуськалій" Дзмітрый Сушчынскі далучыўся да стачцы.

"Я, Сушчынскі Дзмітрый Анатольевіч, апаратчык ЦПРД 3РУ, далучыўся 2020/11/26 да стачцы", — гаворыцца ў заяве рабочага, апублікаванага Стачкамам ААТ "Беларуськалій".

Да стачцы на прадпрыемстве падпісалася ўжо больш за 100 чалавек. "Мужных мужчын становіцца больш", — адзначае Страйкам.

 

Беларусы прымусілі АМАП уцякаць ад сябе


Пратэсты выходзяць на новы ўзровень.

Душа беларуса радуецца: новы фармат вулічных маршаў стаў даволі бяспечным і эфектыўным, піша ў артыкуле для dw.com беларуская журналістка Саша Раманава.

22 лістапада лакальныя чаты двароў і раёнаў сталі самі вызначаць месца збору пратэстоўцаў. Так людзям, якія нарадзіліся і выраслі ў Серабранцы або Малінаўцы, не давялося праўдамі і няпраўдамі дабірацца да чужога двара ў цэнтры места.

Зараз людзі фармуюць калоны ў сваіх раёнах і часам аб'ядноўваюцца вуліцамі — шмат светлых асоб, пратэст жывы, сцягі на месцы, дэпрэсія ад перажытага гвалту адступае.

Алібегава, Малінаўка, Пушкінская, Трактарны, Паўднёвы Захад, Каменная Горка, Уручча — лакальных маршаў у мінулую нядзелю было пад сотню, і пакуль карнікі разганялі людзей у адным раёне места, у другім ужо збіралася новая калона.

Вядомы беларускі мастак Уладзімір Цэслер нездарма за тры месяцы пратэстаў намаляваў сотню сцягоў сталічных раёнаў, якія прэзентуюць, па сутнасці, варыяцыі бел-чырвона-белага з мясцовай разыначкай. Цяпер такія сцягі нарасхват — суседзі пад імі выходзяць на шэсці.


АМАП не ведае двара, дзе вы нарадзіліся


У Менску не больш за дзве тысячы байцоў АМАПу. Калі яны нейтралізуюць пратэст у цэнтры места або ў адным нейкім двары, то шкода ад нядзельнай акцыі ацэньваецца дзясяткамі пацярпелых ад святлогукавых гранат і сотнямі затрыманых (дзве нядзелі запар колькасць затрыманых перавышала тысячу чалавек).

Але каб забяспечыць парадак ва ўсіх дварах Менска, асабовы склад трэба драбніць на часткі. Што 10 чалавек зробяць калоне з 500 пратэстоўцаў? Адсюль — кадры з Менска 22 лістапада, калі натоўп гоніць групу карнікоў прэч.

Уласныя двары і кварталы — гэта тэрыторыя, дзе ты ведаеш кожны куст. Ведаеш, як пры выпадку можна сысці і куды схавацца.

Вялікай калоны не атрымалася ў цэнтры, бо шчыльнасць жыхароў у старых дамах зусім нізкая, ды і самім гэтым жыхарам выходзіць на вуліцы цяжкавата — яны ўважаюць за лепшае размахваць з вокнаў сцягамі і асяняць крыжам калону, як зрабіла з балкончыка адна бабуля, фота якой абышлі СМІ. Магчыма, у наступную нядзелю самі сілавікі заклічуць грамадзян праявіць свядомасць і збірацца як раней — ля ачаплення ля стэлы, а то ж немагчыма разагнаць такі дэцэнтралізаваны пратэст!

Беларусы паглядзелі адзін аднаму ў вочы на самым буйным першым маршы 16 жніўня, пераканаліся, што за перамены большасць, і што крах рэжыму — справа часу.

Так, адной вялікай пратэстнай калоны ў цэнтры сталіцы няма — выявы для СМІ не атрымаецца. Але гэта толькі афіцыёзная прапаганда паўсюль гаворыць, што людзі выходзяць на вуліцы праз карцінкі. Яны выходзяць, таму што ім абрыдла трываць хлусню і гвалт. І таму, што Лукашка павінен сысці. У спісах праваабарончага цэнтра "Вясна" за 22 лістапада 437 прозвішчаў затрыманых асоб. За тыдзень да гэтага было 1 200.

Тактыка спрацавала, у наступную нядзелю на вуліцы выйдзе яшчэ больш пратэстоўцаў. Беларусы перасталі рэагаваць на святлогукавыя гранаты. Ёсць відэа: каля станцыі метро "Пушкінская" 22 лістапада чутныя выбухі і бачны дым, а пратэстоўцы застаюцца на месцы, не ўцякаюць. На маршах людзей з абмежаванымі магчымасцямі можна сустрэць Георгія Сайкоўскага — хлопца ў інвалідным крэсле, які страціў ступню ў выніку выкарыстання святлашумавой гранаты ў ноч з 10 на 11 жніўня.

"Ціхая вада грэблі ірве", — напісаў у Facebook звольнены дырэктар інстытута сацыялогіі НАН Беларусі Генадзь Коршунаў.


"Хартыя’97%", 26 лістапада 2020 р.

 


1,5 рока "хіміі" за надпіс "Балаба — забойца"


Студэнт, які напісаў "Балаба — забойца", атрымаў 1,5 рока "хіміі"

19-рочны студэнт асуджаны на 1,5 рока "хіміі" за абразу камандзіра мінскага АМАПу Дзмітрыя Балабы. Хлопца затрымалі ў канцы верасня каля дома ў Мінску, дзе жыве сілавік. 

Студэнт напісаў асадкай на абвестках каля ўваходу ў пад'езд "Балаба — забойца". Паколькі напярэдадні там з'явіліся падобныя надпісы, выкананыя фарбай, за домам сачылі.

 


На Раманаўскую Слабаду прыехалі каб зняць БЧБ-сцяг


25 лістапада на Раманаўскую Слабаду прыехала пажарная машына, каб зняць БЧБ-сцяг на адным з балконаў, але жыхары кватэры выратавалі сцяг. У нас ёсць відэа гэтай спецаперацыі.


Уладальніца сцяга расказвае, што перад гэтым да іх у кватэру неаднаразова ламіліся невядомыя ў цывільным, а потым прыгналі машыну МНС з лесвіцай:

— Яны паспрабавалі зняць сцяг, але мы яго выратавалі і запісалі аперацыю выратавання на відэа.

Пасля гэтага да нас падняўся мужчына ў форме і з ім хлопец у цывільным, стукалі ў дзверы, а потым ужо праз дзверы сказалі, каб больш мы сцяг не вешалі, таму што будзем плаціць за ілжывы выклік, нас звольняць з працы і за несанкцыянаваны мітынг на балконе мы будзем сядзець пятнаццаць сутак.

 


Лаўрушка перадаў Лукашке прывітанні ад Пуйла
і нагадаў пра дамоўленасці ў Сочы


— Перш за ўсё прывітанні вам ад Уладзіміра Уладзіміравіча [Пуцла]. Ён пацвердзіў усё, пра што вы дамовіліся з ім раней, асабліва ў Сочы. У нас цалкам супадае зацікаўленасць ва ўмацаванні адносін.

Лукашка пры гэтым быў сумнаваты. Мы зрабілі відэа, дзе бачны выраз твару беларускага дыктатара падчас прамовы Лаўрушкі.

Словы маскалёўскага міністра пацвярджаюць меркаванні экспертаў наконт таго, што Масква настойвае на выкананні Лукашкаю ранейшых дамоўленасцяў. Відаць, яны непасрэдна датычаць сітуацыі ў нашай краіне, дзе са жніўня праходзяць масавыя пратэсты, падчас якіх былі затрыманы каля 30 тысяч чалавек.

 


МНС будзе штрафаваць жыхароў кватэр за БЧБ-сцягі і стужачкі


З сённяшняга дня дзейнічае пастанова МНС згодна з якой нельга "размещать на фасадах, крышах и (или) наружных поверхностях выступающих частей зданий (терраса, крыльцо, ступени и другие) изделия из горючего текстиля, не предусмотренные проектной документацией, за исключением случаев, установленных законодательством". 

Гэтая пастанова — яшчэ адзін крок уладаў у барацьбе з БЧБ-сцягамі і стужкамі. Цяпер за вывешванне сцягоў на балконе можна атрымаць штраф, як за парушэнне заканадаўства аб пажарнай бяспецы: грамадзяне — да 30 базавых велічынь, а юрасобы — да 200 базавых.

 


Петыцыю "Аб забароне калабарацыйных сімвалаў" выдалілі


Петыцыю "Аб забароне калабарацыйных сімвалаў", якую размясцілі на сайце электронных петыцый change.org, выдалілі. 
"Гэта петыцыя была выдаленая, бо яна парушыла нашы правілы супольнасці", — патлумачылі нам прадстаўнікі сайта. 
У петыцыі прапаноўвалі забараніць бел-чырвона-белы сцяг і "калабаранцкую сімволіку, якую выкарыстоўваюць пратэстоўцы ў апошнія месяцы".

За ўвесь час петыцыя сабрала менш за 1,5 тысячы подпісаў.

 


Родныя Рамана Бандарэнкі падалі заяву аб завядзенні
крымінальнай справы па фактах праслухоўвання іх тэлефоных размоў 


Учора аўдыязапісы размоў родных забітага Рамана Бандарэнкі з'явіліся ў "расследаванні" прапагандыста Грыгорыя Азаронка ў эфіры СТБ.

Сваякі лічаць, што праслухоўванне і публікацыя аўдыязапісаў іх размоў парушаюць артыкул 28 Канстытуцыі Беларусі, артыкул 18 закона "Аб інфармацыі, інфарматызацыі і абароне інфармацыі" і артыкул 9 Канвенцыі Садружнасці Незалежных Дзяржаў аб правах і асноўных свабодах чалавека.

 


МЗС Украіны адказаў на ноту пратэсту


МЗС Украіны адказаў на ноту пратэсту: лічым рэакцыю беларускага боку празмерна эмацыйнай і ў цэлым беспадстаўнай

"МЗС Украіны прыняло пад увагу ўручэнне амбасадару Украіны ў Беларусі ноты пратэсту МЗС Беларусі. Лічым рэакцыю беларускага боку празмерна эмацыйнай і ў цэлым беспадстаўнай", — гаворыцца ў афіцыйным паведамленні МЗС Украіны.

У міністэрстве адзначылі, што не бачаць ніякіх падстаў для абмежавання права на мірны пратэст.


"Эўрарадыё", 26 лістапада 2020 р.

 


Каталіцкія біскупы Беларусі напісалі зварот
супраць гвалту і беззаконня ў краіне


"Наша бацькаўшчына Беларусь ужо чацвёрты месяц знаходзіцца ў нябачаным дагэтуль грамадска-палітычным крызісе, які, на жаль, паглыбляецца. Насілле не спыняецца, надалей праліваецца кроў, грамадства падзелена. Гэта не прадвяшчае нам шчаслівай будучыні, бо, як казаў Хрыстос, дом, падзелены сам у сабе, не выстаіць.

Цяжка паверыць, што такое адбываецца ў нашай міралюбнай краіне, вядомай сваёй талерантнасцю і згодай паміж людзьмі розных веравызнанняў і нацыянальнасцяў". — гаворыцца ў лісце.

 


Беларускі МЗС выразіў пратэст амбасадару Украіны


Беларускі МЗС выразіў пратэст амбасадару Украіны ў сувязі з "антыбеларускімі акцыямі" каля амбасады Беларусі ў Кіеве.

Міністэрства замежных спраў Рэспублікі Беларусь выклікала Пасол Украіны ў Рэспубліцы Беларусь Ігара Кізіму. 

Ўкраінскаму дыпламату ўручана нота МЗС, у якой беларускі бок выказаў рашучы пратэст у сувязі з бесперапыннай серыяй антыбеларускіх акцый у дачыненні да Пасольства Рэспублікі Беларусь ва Украіне.

"Супрацьпраўная дзейнасць радыкальных элементаў каля будынку беларускай дыпламатычнай місіі ў Кіеве стварае непасрэдную пагрозу для яе функцыянавання, а таксама для бяспекі супрацоўнікаў Пасольства і членаў іх сем'яў", — гаворыцца ў заяве МЗС.

Амбасадару была выказаная скрайняя заклапочанасць "бяздзейнасцю кампетэнтных органаў Украіны па спыненні правакацыяў і адсутнасцю належных мер рэагавання на адпаведныя афіцыйныя запыты беларускага боку".

 

Павел Латушка пракаментаваў візіт у Менск міністра замежных справаў Масковіі


— Па выніках сустрэчы ў Сочы беларускі народ інфармацыі не атрымаў, а сёння высвятляецца, што Лукашка нешта паабяцаў і павінен выконваць. Сакрэтныя перамовы? Сакрэтныя дамоўленасці? І ў Лукашкі ўжо з'явіўся сакрэтны абавязак, які будуць вяртаць ні Макей, ні Галоўчанка, а беларусы, якія не давалі згоды на тое, каб Лукашка прадстаўляў іх інтарэсы.

Любыя сепаратныя дамоўленасці, не будуць мець сілы, — нагадаў Павел Латушка міністру Лаўрушке.

 


Асудзілі інваліда-вазочніка


Інваліда 1-й групы вазочніка Аляксея Карэнькова асудзілі за ўдзел у "несанкцыянаваным" мітынгу.

34-рочнага інваліда Аляксея Карэнькова асудзілі паводле арт. 23.34 КаАП. Суддзя Святлана Кузмічонак сама прыехала да інваліда і асудзіла яго проста ў ягоным доме.

 

63-рочную пенсіянерку з Берасця пакаралі штрафам


63-рочную пенсіянерку з Берасця Алену Гнаўк пакаралі штрафам у памеры 50 базавых велічыняў (1350 рублёў).

Алену Гнаўк асудзілі паводле арт. 23.34 КаАП РБ. Суддзя Аляксандр Сямянчук, асудзіў жанчыну за ўдзел у акцыі 15 лістапада ў Берасці.

Агульны штраф пенсіянеркі склаў 1300 долараў. Акрамя гэтага жанчына адсядзела 20 содняў у берасцейскім ІЧУ і з’ўяўляецца фігуранткай крымінальнай справы па артыкуле 342 КК РБ (арганізацыя дзеянняў груба парушаючых грамадскі парадак).


"Белсат", 26 лістапада 2020 р.

 


Акцыі "нуль праміле"


Пасьля ўчорашняга відэа Генэральнай пракуратуры беларусы працягвалі выходзіць на акцыі "нуль праміле" ў падтрымку затрыманых доктара-анэстэзіёляга Арцёма Сарокіна і журналісткі Кацярыны Барысевіч, а таксама ў памяць пра загінулага Рамана Бандарэнку. Гомель, Менск: Уручча, Ляскоўка, Серабранка, бацькі вучняў менскай гімназіі №4.

Сёньня рабочыя МАЗ і віцебскія мэдыкі далучыліся да акцыі ў падтрымку затрыманых доктара-анэстэзіёляга Арцёма Сарокіна і журналісткі Кацярыны Барысевіч.

Гарадзенскія лекары далучыліся да акцыі "0 праміле".

 


"Асноўны паказчык ап'яненьня — кроў".
Што пра вэрсію ўладаў кажуць прафэсійныя нарколягі


Прафэсар, доктар мэдычных навук і практыкуючы нарколяг сьцьвярджаюць, што: Раман Бандарэнка быў абсалютна цьвярозы.

— Асноўны паказьнік алькагольнага ап’яненьня — кроў. Калі 0 праміле алькаголю ў крыві, чалавек лічыцца абсалютна цьвярозым. Аналіз мачы, прабачце, ні пра што, — заяўляе прафэсар мэдыцыны.

 


Людзі з інваліднасьцю выйшлі на традыцыйны марш


Людзі з інваліднасьцю выйшлі на плошчу Калініна ў Менску на ўжо традыцыйны для чацьвярга марш. Супрацоўнікі ў балаклавах падыходзяць да прысутных на плошчы і спрабуюць размаўляць, паведамляе Onliner. Праспэкт Незалежнасьці перакрылі на разьвязцы з вуліцай Філімонава ў бок цэнтру.

 


Вядоўца і музыка Аляксандар Памідораў звольніўся з "Радыё Рокс"


— Ёсьць дысананс у тым, каб весьці забаўляльныя праграмы ў той час, калі ў тваім двары невядомыя спрабуюць схапіць тваю дачку, — сказаў ён у камэнтары @by_culture. Да таго ж, паводле Памідорава, пасьля таго як ён адседзеў 8 сутак, яму на працы сказалі, што пры паўторным затрыманьні зь ім разьвітаюцца.

 


Апэратара RT, які напаў на журналіста ў Беларусі,
затрымалі на ўкраінскай мяжы і забаранілі ўезд


Украінскія памежнікі на ўкраінска-малдоўскай мяжы затрымалі апэратара маскалёўскага тэлеканалу Russia Today Ігара Завідзея, які ў Беларусі адзначыўся нападам на журналіста Алеся Пілецкага і ўдзельнікаў акцый пратэсту. Яго не ўпусьцілі ва Ўкраіну, бо раней ён наведваў Крым з парушэньнем украінскага заканадаўства. І забаранілі яму ўезд на 3 рока.

 


МЗС Украіны адрэагавала на ноту Менску


МЗС Украіны заявіла, што праваахоўнікі надзейна ахоўваюць беларускую амбасаду і "ніякіх падставаў для абмежаваньня права на мірны пратэст няма"; нагадала, што падчас Рэвалюцыі годнасьці "беларускі бок не рэагаваў на правакацыі грамадзян пад сьценамі амбасады Ўкраіны ў Менску" і ўзгадала сытуацыю з аглядам украінскага амбасадара на мяжы.


"Радыё Свабода", 26 лістапада 2020 р.

 


Арыштавалі мужчыну, які раскідаў самарэзы каля будынкаў ГУБАЗіК


У Магілёве арыштавалі 49-рочнага мужчыну, які раскідаў самарэзы каля будынкаў ГУБАЗіК, СК, КДК, міліцыі, выканкама. За гэтым працэсам ён трапіў на камеры, якімі ўтыканыя будынкі. СК сцвярджае, што адзін са службовых аўтамабіляў прабіў кола на тым самарэзе. Супраць мужчыны — крымінальная справа, яго можа чакаць турма.

 


На маршы людзей з інваліднасцю ў Менску затрымалі некалькі асобаў


Адной жанчыне, інваліду 1 групы, прыціснулі руку дзвярыма буса, давялося выклікаць хуткую. Цяпер жанчына знаходзіцца ў шпіталі.

UPD. "Бусікаў было па 2-3 на аднаго чалавека. У тым ліку з нумарамі 3-га і 4-га рэгіёнаў. На плошчы Калініна, у ачапленні балаклаў, застаўся толькі вазочнік і сталы мужчына (за 75 рокаў дакладна) з бел-чырвона-белай маскай", — напісаў чытач.

 


Міс Беларусь — 2008 Вользе Хіжынковай далі яшчэ 15 сутак! 


Аднак гэта пакаранне,  па словах адваката, не будзе падсумоўвацца з папярэднімі. Таму адлік будзе пачаты з 26 лістапада, а выйсці па ім яна павінна 11 снежня. Выходзіць, агулам за кратамі Вольга правядзе 33 дні.

 


Прэс-сакратар Беларускай праваслаўнай царквы Сяргей Лепін
напісаў заяву на звальненне па ўласным жаданні


— Так, я напісаў прашэнне па ўласным жаданні. Заўтра будзе вядомы вынік — у мяне пакуль падпісанай паперы няма на руках. Прычына — уласнае жаданне, падрабязнасцяў асабліва і няшмат. Я спадзяюся, што ў чалавека, які прыйдзе на маю пасаду, усё будзе добра. Я амаль 10 рокаў свайго жыцця прысвяціў гэтай службе, я кроўна зацікаўлены, каб у інфармацыйнага аддзела ўсё было добра. Я да гэтага часу з'яўляюся часткай царквы, захоўваю служэнне, але трохі ў іншы паўнаце якасцяў, — пракаментаваў Сяргей Лепін.

Раней Сяргей Лепін напісаў пра руйнаванне плошчы Пераменаў.

"Не разумею, навошта гэта здзек з партрэтамі забітага, над кветкамі ў яго памяць, навошта гэтае сатанінскае патаптанне лампадак і абразкоў, барацьба з імправізаваным мемарыялам у двары, уздоўж дарог...? У чым сэнс? Не ўзгоднена, так? А вось такія паводзіны і стаўленне — яно ўзгоднена? З кім?".

У выніку прэсавага сакратара БПЦ выклікалі ў пракуратуру.


"Наша Ніва", 26 лістапада 2020 р.



Обновлен вчера. Создан 17 ноя 2020



  Комментарии       
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником

Flag Counter